| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
२. उस्सङ्कितसुत्तवण्णना
2. Ussaṅkitasuttavaṇṇanā
१०२. दुतिये उस्सङ्कितपरिसङ्कितोति उस्सङ्कितो च परिसङ्कितो च। अपि अकुप्पधम्मोपीति अपि अकुप्पधम्मो खीणासवो समानोपि परेहि पापभिक्खूहि उस्सङ्कितपरिसङ्कितो होतीति अत्थो। वेसियागोचरोतिआदीसु वेसिया वुच्चन्ति रूपूपजीविनियो, ता गोचरो अस्साति वेसियागोचरो, तासं गेहं अभिण्हगमनोति अत्थो। सेसपदेसुपि एसेव नयो। तत्थ पन विधवाति मतपतिका। थुल्लकुमारिकाति महल्लिककुमारिकायो।
102. Dutiye ussaṅkitaparisaṅkitoti ussaṅkito ca parisaṅkito ca. Api akuppadhammopīti api akuppadhammo khīṇāsavo samānopi parehi pāpabhikkhūhi ussaṅkitaparisaṅkito hotīti attho. Vesiyāgocarotiādīsu vesiyā vuccanti rūpūpajīviniyo, tā gocaro assāti vesiyāgocaro, tāsaṃ gehaṃ abhiṇhagamanoti attho. Sesapadesupi eseva nayo. Tattha pana vidhavāti matapatikā. Thullakumārikāti mahallikakumārikāyo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / २. उस्सङ्कितसुत्तं • 2. Ussaṅkitasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-४. सारज्जसुत्तादिवण्णना • 1-4. Sārajjasuttādivaṇṇanā
