| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
сан̇гхаад̣̇исзсаган̣д̣ам̣
Saṅghādisesakaṇḍaṃ
1. уссаяаваад̣̇игаасигкаабад̣̇аван̣н̣анаа
1. Ussayavādikāsikkhāpadavaṇṇanā
маануссаяавасзна год̇хууссаяавасзнаад̇и б̣аахулланаязна вуд̇д̇ам̣. д̇знзва вагкад̇и ‘‘д̇ижид̇д̇ам̣ д̇ивзд̣̇ана’’нд̇и. ад̣д̣агаран̣ад̇т̇ааяаад̇и зд̇т̇а ад̣д̣од̇и вохааригавинижчаяо вужжад̇и. яам̣ баб̣б̣аж̇ид̇аа ‘‘ад̇хигаран̣а’’нд̇иби вад̣̇анд̇и, д̇асса гаран̣ад̇т̇ааяа вохааригавинижчаяад̇т̇ааяаад̇и вуд̇д̇ам̣ ход̇и. вийд̇иггамагкан̣зязваад̇и вад̇т̇уж̇жхаажаарагкан̣зязва, на д̇ад̇ияааяа саманубхаасанааяаад̇и ад̇хиббааяо. бхигкуним̣ сан̇гхад̇о ниссаарзд̇ийд̇и аабаннам̣ бхигкуним̣ бхигкунисан̇гхамхаа ниссаарзд̇и. хзд̇умхи жааяам̣ гад̇д̇увохааро ‘‘ниссааран̣ахзд̇убхууд̇ад̇хаммо ‘ниссааран̣ийяо’д̇и вуд̇д̇о’’д̇и гад̇ваа.
Mānussayavasenakodhūssayavasenāti bāhullanayena vuttaṃ. Teneva vakkhati ‘‘ticittaṃ tivedana’’nti. Aḍḍakaraṇatthāyāti ettha aḍḍoti vohārikavinicchayo vuccati. Yaṃ pabbajitā ‘‘adhikaraṇa’’ntipi vadanti, tassa karaṇatthāya vohārikavinicchayatthāyāti vuttaṃ hoti. Vītikkamakkhaṇeyevāti vatthujjhācārakkhaṇeyeva, na tatiyāya samanubhāsanāyāti adhippāyo. Bhikkhuniṃ saṅghato nissāretīti āpannaṃ bhikkhuniṃ bhikkhunisaṅghamhā nissāreti. Hetumhi cāyaṃ kattuvohāro ‘‘nissāraṇahetubhūtadhammo ‘nissāraṇīyo’ti vutto’’ti katvā.
яад̇т̇а тид̇ааяаад̇и убассаяабхигкаажаарамаг̇г̇аад̣̇ийсу яасмим̣ таанз тид̇ааяа. д̇ад̇о бадтааяа г̇ажчанд̇ияаад̇и д̇ад̇о бадтааяа вохааригаанам̣ санд̇игам̣ г̇ажчанд̇ияаа. д̣̇уд̇иязд̇и д̣̇уд̇ияаарожанз. д̇знаад̇и убаасагзна. звам̣ вуд̇д̇ааяаад̇и ‘‘мама жа д̇ава жа гат̇ам̣ д̇вам̣язва аарожзхий’’д̇и вуд̇д̇ааяа. ан̃н̃зна гат̇аабзд̇ийд̇и габбияагаарагзна гат̇аабзд̇и. яат̇аа ваа д̇ат̇аа ваа хи аарожияамаанзд̇и габбияагаараго ваа бхигкунияаа гат̇ам̣ батамам̣ аарожзд̇у, ид̇аро ваа ад̇д̇ано гат̇ам̣ (баажи. адта. 679). габбияагаараго ваа убхиннамби гат̇ам̣, ид̇аро ваа убхиннамби гат̇ам̣ аарожзд̇ууд̇и звам̣ яат̇аа д̇ат̇аа аарожияамаанз. убхиннамби бана гат̇ам̣ суд̇ваад̇и яат̇аа д̇ат̇аа ваа аарожид̇ам̣ бана убхиннамби гат̇ам̣ суд̇ваа.
Yattha ṭhitāyāti upassayabhikkhācāramaggādīsu yasmiṃ ṭhāne ṭhitāya. Tato paṭṭhāya gacchantiyāti tato paṭṭhāya vohārikānaṃ santikaṃ gacchantiyā. Dutiyeti dutiyārocane. Tenāti upāsakena. Evaṃ vuttāyāti ‘‘mama ca tava ca kathaṃ tvaṃyeva ārocehī’’ti vuttāya. Aññena kathāpetīti kappiyakārakena kathāpeti. Yathā vā tathā vā hi ārociyamāneti kappiyakārako vā bhikkhuniyā kathaṃ paṭhamaṃ ārocetu, itaro vā attano kathaṃ (pāci. aṭṭha. 679). Kappiyakārako vā ubhinnampi kathaṃ, itaro vā ubhinnampi kathaṃ ārocetūti evaṃ yathā tathā ārociyamāne. Ubhinnampi pana kathaṃ sutvāti yathā tathā vā ārocitaṃ pana ubhinnampi kathaṃ sutvā.
аагад̣дхияамаанаа г̇ажчад̇ийд̇и вужжамаанаа вохааригаанам̣ санд̇игам̣ г̇ажчад̇и, имасса ‘‘д̇ассаа анаабад̇д̇ий’’д̇и иминаа самб̣анд̇хо. звам̣ сзсзсуби. рагкам̣ яаажад̇ийд̇и д̇хаммигам̣ рагкам̣ яаажад̇и. ид̣̇аани яат̇аа яаажид̇аа рагкаа д̇хаммигаа ход̇и, д̇ам̣ д̣̇ассзд̇ум̣ ‘‘убассаяз ан̃н̃зхи гад̇ам̣ анаажаарам̣ анод̣̇исса аажигканд̇ий’’д̇и вуд̇д̇ам̣. д̇ад̇т̇а ад̇ийд̇ам̣ аараб̣бха ад̇т̇и од̣̇исса аажигканаа (баажи. адта. 679), ад̇т̇и анод̣̇исса аажигканаа, анааг̇ад̇ам̣ аараб̣бхааби ад̇т̇и од̣̇исса аажигканаа, ад̇т̇и анод̣̇исса аажигканаа.
Ākaḍḍhiyamānā gacchatīti vuccamānā vohārikānaṃ santikaṃ gacchati, imassa ‘‘tassā anāpattī’’ti iminā sambandho. Evaṃ sesesupi. Rakkhaṃ yācatīti dhammikaṃ rakkhaṃ yācati. Idāni yathā yācitā rakkhā dhammikā hoti, taṃ dassetuṃ ‘‘upassaye aññehi kataṃ anācāraṃ anodissa ācikkhantī’’ti vuttaṃ. Tattha atītaṃ ārabbha atthi odissa ācikkhanā (pāci. aṭṭha. 679), atthi anodissa ācikkhanā, anāgataṃ ārabbhāpi atthi odissa ācikkhanā, atthi anodissa ācikkhanā.
гат̇ам̣ ад̇ийд̇ам̣ аараб̣бха од̣̇исса аажигканаа ход̇и? бхигкунубассаяз г̇аамад̣̇аарагаа, д̇худ̇д̇аад̣̇аяо ваа яз гзжи анаажаарам̣ ваа аажаранд̇и, ругкам̣ ваа чинд̣̇анд̇и, палаапалам̣ ваа харанд̇и, баригкаарз ваа ажчинд̣̇анд̇и. бхигкуний вохааригз убасан̇гамид̇ваа ‘‘амхаагам̣ убассаяз ид̣̇ам̣ наама гад̇а’’нд̇и вад̣̇ад̇и. ‘‘гзнаа’’д̇и вуд̇д̇з ‘‘асугзна жа асугзна жаа’’д̇и аажигкад̇и. звам̣ ад̇ийд̇ам̣ аараб̣бха од̣̇исса аажигканаа ход̇и, саа на ваддад̇и. д̇ан̃жз суд̇ваа д̇з вохааригаа д̇зсам̣ д̣̇ан̣д̣ам̣ гаронд̇и, саб̣б̣ам̣ бхигкунияаа г̇ийваа ход̇и. ‘‘д̣̇ан̣д̣ам̣ г̇ан̣хиссанд̇ий’’д̇и ад̇хиббааязби сад̇и г̇ийвааязва ход̇и. сажз бана д̇асса ‘‘д̣̇ан̣д̣ам̣ г̇ан̣хат̇аа’’д̇и вад̣̇ад̇и, бан̃жамаасагамад̇д̇з г̇ахид̇з баарааж̇игам̣ ход̇и.
Kathaṃ atītaṃ ārabbha odissa ācikkhanā hoti? Bhikkhunupassaye gāmadārakā, dhuttādayo vā ye keci anācāraṃ vā ācaranti, rukkhaṃ vā chindanti, phalāphalaṃ vā haranti, parikkhāre vā acchindanti. Bhikkhunī vohārike upasaṅkamitvā ‘‘amhākaṃ upassaye idaṃ nāma kata’’nti vadati. ‘‘Kenā’’ti vutte ‘‘asukena ca asukena cā’’ti ācikkhati. Evaṃ atītaṃ ārabbha odissa ācikkhanā hoti, sā na vaṭṭati. Tañce sutvā te vohārikā tesaṃ daṇḍaṃ karonti, sabbaṃ bhikkhuniyā gīvā hoti. ‘‘Daṇḍaṃ gaṇhissantī’’ti adhippāyepi sati gīvāyeva hoti. Sace pana tassa ‘‘daṇḍaṃ gaṇhathā’’ti vadati, pañcamāsakamatte gahite pārājikaṃ hoti.
д̇зхи ‘‘гзнаа’’д̇и вуд̇д̇з бана ‘‘асугзнаа’д̇и вад̇д̇ум̣ амхаагам̣ на ваддад̇и, д̇умхзязва ж̇ааниссат̇а. гзвалан̃хи маяам̣ рагкам̣ яаажаама, д̇ам̣ но д̣̇зт̇а, авахадабхан̣д̣амби аахараабзт̇аа’’д̇и вад̇д̇аб̣б̣ам̣. звам̣ анод̣̇исса аажигканаа ход̇и, саа ваддад̇и. звам̣ вуд̇д̇з сажзби д̇з вохааригаа д̇з гаарагз г̇авзсид̇ваа д̇зсам̣ д̣̇ан̣д̣ам̣ гаронд̇и, саб̣б̣ам̣ саабад̇зяяамби г̇ахид̇ам̣, бхигкунияаа нзва г̇ийваа, на аабад̇д̇и.
Tehi ‘‘kenā’’ti vutte pana ‘‘asukenā’ti vattuṃ amhākaṃ na vaṭṭati, tumheyeva jānissatha. Kevalañhi mayaṃ rakkhaṃ yācāma, taṃ no detha, avahaṭabhaṇḍampi āharāpethā’’ti vattabbaṃ. Evaṃ anodissa ācikkhanā hoti, sā vaṭṭati. Evaṃ vutte sacepi te vohārikā te kārake gavesitvā tesaṃ daṇḍaṃ karonti, sabbaṃ sāpateyyampi gahitaṃ, bhikkhuniyā neva gīvā, na āpatti.
баригкаарам̣ харанд̇з д̣̇исваа д̇зсам̣ анад̇т̇агаамад̇ааяа ‘‘жоро жоро’’д̇и вад̇д̇умби на ваддад̇и. звам̣ вуд̇д̇зби хи яам̣ д̇зсам̣ д̣̇ан̣д̣ам̣ гаронд̇и, саб̣б̣ам̣ бхигкунияаа г̇ийваа ход̇и. ад̇д̇ано важанагарам̣ бана ‘‘иминаа мз баригкааро г̇ахид̇о, д̇ам̣ аахараабзхи, маа жасса д̣̇ан̣д̣ам̣ гарот̇аа’’д̇и вад̇д̇ум̣ ваддад̇и. д̣̇аасад̣̇аасиваабиаад̣̇ийнам̣ ад̇т̇ааяа ад̣д̣ам̣ гаронд̇и, аяам̣ агаббияаад̣д̣о наама, на ваддад̇и.
Parikkhāraṃ harante disvā tesaṃ anatthakāmatāya ‘‘coro coro’’ti vattumpi na vaṭṭati. Evaṃ vuttepi hi yaṃ tesaṃ daṇḍaṃ karonti, sabbaṃ bhikkhuniyā gīvā hoti. Attano vacanakaraṃ pana ‘‘iminā me parikkhāro gahito, taṃ āharāpehi, mā cassa daṇḍaṃ karothā’’ti vattuṃ vaṭṭati. Dāsadāsivāpiādīnaṃ atthāya aḍḍaṃ karonti, ayaṃ akappiyaaḍḍo nāma, na vaṭṭati.
гат̇ам̣ анааг̇ад̇ам̣ аараб̣бха од̣̇исса аажигканаа ход̇и? вуд̇д̇анаязнзва барзхи анаажаараад̣̇ийсу гад̇зсу бхигкуний вохааригз звам̣ вад̣̇ад̇и ‘‘амхаагам̣ убассаяз ид̣̇ан̃жид̣̇ан̃жа гаронд̇и, рагкам̣ но д̣̇зт̇а ааяад̇им̣ агаран̣ад̇т̇ааяаа’’д̇и. ‘‘гзна звам̣ гад̇а’’нд̇и вуд̇д̇з ‘‘асугзна жа асугзна жаа’’д̇и аажигкад̇и. звам̣ анааг̇ад̇ам̣ аараб̣бха од̣̇исса аажигканаа ход̇и, сааби на ваддад̇и. д̇зсан̃хи д̣̇ан̣д̣з гад̇з буриманаязнзва саб̣б̣ам̣ бхигкунияаа г̇ийваа. сзсам̣ буримасад̣̇исамзва.
Kathaṃ anāgataṃ ārabbha odissa ācikkhanā hoti? Vuttanayeneva parehi anācārādīsu katesu bhikkhunī vohārike evaṃ vadati ‘‘amhākaṃ upassaye idañcidañca karonti, rakkhaṃ no detha āyatiṃ akaraṇatthāyā’’ti. ‘‘Kena evaṃ kata’’nti vutte ‘‘asukena ca asukena cā’’ti ācikkhati. Evaṃ anāgataṃ ārabbha odissa ācikkhanā hoti, sāpi na vaṭṭati. Tesañhi daṇḍe kate purimanayeneva sabbaṃ bhikkhuniyā gīvā. Sesaṃ purimasadisameva.
сажз бана вохааригаа бхигкунубассаяз зваруубам̣ анаажаарам̣ гаронд̇аанам̣ ‘‘имам̣ наама д̣̇ан̣д̣ам̣ гаромаа’’д̇и бхзрим̣ жараабзд̇ваа аан̣ааяа ад̇идтамаанз бариязсид̇ваа д̣̇ан̣д̣ам̣ гаронд̇и, бхигкунияаа нзва г̇ийваа, на аабад̇д̇и.
Sace pana vohārikā bhikkhunupassaye evarūpaṃ anācāraṃ karontānaṃ ‘‘imaṃ nāma daṇḍaṃ karomā’’ti bheriṃ carāpetvā āṇāya atiṭṭhamāne pariyesitvā daṇḍaṃ karonti, bhikkhuniyā neva gīvā, na āpatti.
яо жааяам̣ бхигкунийнам̣ вуд̇д̇о, бхигкуунамби зсзва наяо. бхигкуноби хи од̣̇исса аажигканаа на ваддад̇и, яам̣ д̇ат̇аа аажигкид̇з д̇зсам̣ д̣̇ан̣д̣ам̣ гаронд̇и, д̇ам̣ саб̣б̣ам̣ г̇ийваа ход̇и. вуд̇д̇анаязнзва д̣̇ан̣д̣ам̣ г̇ан̣хаабзнд̇асса баарааж̇игам̣. яо бана ‘‘д̣̇ан̣д̣ам̣ гариссанд̇ий’’д̇и ж̇аананд̇оби анод̣̇исса гат̇зд̇и, д̇з жа бариязсид̇ваа д̣̇ан̣д̣ам̣ гаронд̇иязва, на д̣̇осо. вихаарасиймааяа ругкаад̣̇ийни чинд̣̇анд̇аанам̣ ваасипарасуаад̣̇ийни г̇ахзд̇ваа баасаан̣з годдзнд̇и, на ваддад̇и. сажз д̇хаараа бхиж̇ж̇ад̇и, гаараабзд̇ваа д̣̇аад̇аб̣б̣аа. убад̇хаавид̇ваа д̇зсам̣ баригкаарз г̇ан̣ханд̇и, д̇амби на гаад̇аб̣б̣ам̣. лахубаривад̇д̇ан̃хи жид̇д̇ам̣, т̇зяяажзд̇анааяа уббаннааяа муулажчзж̇ж̇амби г̇ажчзяяа.
Yo cāyaṃ bhikkhunīnaṃ vutto, bhikkhūnampi eseva nayo. Bhikkhunopi hi odissa ācikkhanā na vaṭṭati, yaṃ tathā ācikkhite tesaṃ daṇḍaṃ karonti, taṃ sabbaṃ gīvā hoti. Vuttanayeneva daṇḍaṃ gaṇhāpentassa pārājikaṃ. Yo pana ‘‘daṇḍaṃ karissantī’’ti jānantopi anodissa katheti, te ca pariyesitvā daṇḍaṃ karontiyeva, na doso. Vihārasīmāya rukkhādīni chindantānaṃ vāsipharasuādīni gahetvā pāsāṇe koṭṭenti, na vaṭṭati. Sace dhārā bhijjati, kārāpetvā dātabbā. Upadhāvitvā tesaṃ parikkhāre gaṇhanti, tampi na kātabbaṃ. Lahuparivattañhi cittaṃ, theyyacetanāya uppannāya mūlacchejjampi gaccheyya.
уссаяаваад̣̇игаасигкаабад̣̇аван̣н̣анаа нидтид̇аа.
Ussayavādikāsikkhāpadavaṇṇanā niṭṭhitā.
