| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
ਸਙ੍ਘਾਦਿਸੇਸਕਣ੍ਡਂ
Saṅghādisesakaṇḍaṃ
੧. ਉਸ੍ਸਯવਾਦਿਕਾਸਿਕ੍ਖਾਪਦવਣ੍ਣਨਾ
1. Ussayavādikāsikkhāpadavaṇṇanā
ਮਾਨੁਸ੍ਸਯવਸੇਨ ਕੋਧੂਸ੍ਸਯવਸੇਨਾਤਿ ਬਾਹੁਲ੍ਲਨਯੇਨ વੁਤ੍ਤਂ। ਤੇਨੇવ વਕ੍ਖਤਿ ‘‘ਤਿਚਿਤ੍ਤਂ ਤਿવੇਦਨ’’ਨ੍ਤਿ। ਅਡ੍ਡਕਰਣਤ੍ਥਾਯਾਤਿ ਏਤ੍ਥ ਅਡ੍ਡੋਤਿ વੋਹਾਰਿਕવਿਨਿਚ੍ਛਯੋ વੁਚ੍ਚਤਿ। ਯਂ ਪਬ੍ਬਜਿਤਾ ‘‘ਅਧਿਕਰਣ’’ਨ੍ਤਿਪਿ વਦਨ੍ਤਿ, ਤਸ੍ਸ ਕਰਣਤ੍ਥਾਯ વੋਹਾਰਿਕવਿਨਿਚ੍ਛਯਤ੍ਥਾਯਾਤਿ વੁਤ੍ਤਂ ਹੋਤਿ। વੀਤਿਕ੍ਕਮਕ੍ਖਣੇਯੇવਾਤਿ વਤ੍ਥੁਜ੍ਝਾਚਾਰਕ੍ਖਣੇਯੇવ, ਨ ਤਤਿਯਾਯ ਸਮਨੁਭਾਸਨਾਯਾਤਿ ਅਧਿਪ੍ਪਾਯੋ। ਭਿਕ੍ਖੁਨਿਂ ਸਙ੍ਘਤੋ ਨਿਸ੍ਸਾਰੇਤੀਤਿ ਆਪਨ੍ਨਂ ਭਿਕ੍ਖੁਨਿਂ ਭਿਕ੍ਖੁਨਿਸਙ੍ਘਮ੍ਹਾ ਨਿਸ੍ਸਾਰੇਤਿ। ਹੇਤੁਮ੍ਹਿ ਚਾਯਂ ਕਤ੍ਤੁવੋਹਾਰੋ ‘‘ਨਿਸ੍ਸਾਰਣਹੇਤੁਭੂਤਧਮ੍ਮੋ ‘ਨਿਸ੍ਸਾਰਣੀਯੋ’ਤਿ વੁਤ੍ਤੋ’’ਤਿ ਕਤ੍વਾ।
Mānussayavasenakodhūssayavasenāti bāhullanayena vuttaṃ. Teneva vakkhati ‘‘ticittaṃ tivedana’’nti. Aḍḍakaraṇatthāyāti ettha aḍḍoti vohārikavinicchayo vuccati. Yaṃ pabbajitā ‘‘adhikaraṇa’’ntipi vadanti, tassa karaṇatthāya vohārikavinicchayatthāyāti vuttaṃ hoti. Vītikkamakkhaṇeyevāti vatthujjhācārakkhaṇeyeva, na tatiyāya samanubhāsanāyāti adhippāyo. Bhikkhuniṃ saṅghato nissāretīti āpannaṃ bhikkhuniṃ bhikkhunisaṅghamhā nissāreti. Hetumhi cāyaṃ kattuvohāro ‘‘nissāraṇahetubhūtadhammo ‘nissāraṇīyo’ti vutto’’ti katvā.
ਯਤ੍ਥ ਠਿਤਾਯਾਤਿ ਉਪਸ੍ਸਯਭਿਕ੍ਖਾਚਾਰਮਗ੍ਗਾਦੀਸੁ ਯਸ੍ਮਿਂ ਠਾਨੇ ਠਿਤਾਯ। ਤਤੋ ਪਟ੍ਠਾਯ ਗਚ੍ਛਨ੍ਤਿਯਾਤਿ ਤਤੋ ਪਟ੍ਠਾਯ વੋਹਾਰਿਕਾਨਂ ਸਨ੍ਤਿਕਂ ਗਚ੍ਛਨ੍ਤਿਯਾ। ਦੁਤਿਯੇਤਿ ਦੁਤਿਯਾਰੋਚਨੇ। ਤੇਨਾਤਿ ਉਪਾਸਕੇਨ। ਏવਂ વੁਤ੍ਤਾਯਾਤਿ ‘‘ਮਮ ਚ ਤવ ਚ ਕਥਂ ਤ੍વਂਯੇવ ਆਰੋਚੇਹੀ’’ਤਿ વੁਤ੍ਤਾਯ। ਅਞ੍ਞੇਨ ਕਥਾਪੇਤੀਤਿ ਕਪ੍ਪਿਯਕਾਰਕੇਨ ਕਥਾਪੇਤਿ। ਯਥਾ વਾ ਤਥਾ વਾ ਹਿ ਆਰੋਚਿਯਮਾਨੇਤਿ ਕਪ੍ਪਿਯਕਾਰਕੋ વਾ ਭਿਕ੍ਖੁਨਿਯਾ ਕਥਂ ਪਠਮਂ ਆਰੋਚੇਤੁ, ਇਤਰੋ વਾ ਅਤ੍ਤਨੋ ਕਥਂ (ਪਾਚਿ॰ ਅਟ੍ਠ॰ ੬੭੯)। ਕਪ੍ਪਿਯਕਾਰਕੋ વਾ ਉਭਿਨ੍ਨਮ੍ਪਿ ਕਥਂ, ਇਤਰੋ વਾ ਉਭਿਨ੍ਨਮ੍ਪਿ ਕਥਂ ਆਰੋਚੇਤੂਤਿ ਏવਂ ਯਥਾ ਤਥਾ ਆਰੋਚਿਯਮਾਨੇ। ਉਭਿਨ੍ਨਮ੍ਪਿ ਪਨ ਕਥਂ ਸੁਤ੍વਾਤਿ ਯਥਾ ਤਥਾ વਾ ਆਰੋਚਿਤਂ ਪਨ ਉਭਿਨ੍ਨਮ੍ਪਿ ਕਥਂ ਸੁਤ੍વਾ।
Yattha ṭhitāyāti upassayabhikkhācāramaggādīsu yasmiṃ ṭhāne ṭhitāya. Tato paṭṭhāya gacchantiyāti tato paṭṭhāya vohārikānaṃ santikaṃ gacchantiyā. Dutiyeti dutiyārocane. Tenāti upāsakena. Evaṃ vuttāyāti ‘‘mama ca tava ca kathaṃ tvaṃyeva ārocehī’’ti vuttāya. Aññena kathāpetīti kappiyakārakena kathāpeti. Yathā vā tathā vā hi ārociyamāneti kappiyakārako vā bhikkhuniyā kathaṃ paṭhamaṃ ārocetu, itaro vā attano kathaṃ (pāci. aṭṭha. 679). Kappiyakārako vā ubhinnampi kathaṃ, itaro vā ubhinnampi kathaṃ ārocetūti evaṃ yathā tathā ārociyamāne. Ubhinnampi pana kathaṃ sutvāti yathā tathā vā ārocitaṃ pana ubhinnampi kathaṃ sutvā.
ਆਕਡ੍ਢਿਯਮਾਨਾ ਗਚ੍ਛਤੀਤਿ વੁਚ੍ਚਮਾਨਾ વੋਹਾਰਿਕਾਨਂ ਸਨ੍ਤਿਕਂ ਗਚ੍ਛਤਿ, ਇਮਸ੍ਸ ‘‘ਤਸ੍ਸਾ ਅਨਾਪਤ੍ਤੀ’’ਤਿ ਇਮਿਨਾ ਸਮ੍ਬਨ੍ਧੋ। ਏવਂ ਸੇਸੇਸੁਪਿ। ਰਕ੍ਖਂ ਯਾਚਤੀਤਿ ਧਮ੍ਮਿਕਂ ਰਕ੍ਖਂ ਯਾਚਤਿ। ਇਦਾਨਿ ਯਥਾ ਯਾਚਿਤਾ ਰਕ੍ਖਾ ਧਮ੍ਮਿਕਾ ਹੋਤਿ, ਤਂ ਦਸ੍ਸੇਤੁਂ ‘‘ਉਪਸ੍ਸਯੇ ਅਞ੍ਞੇਹਿ ਕਤਂ ਅਨਾਚਾਰਂ ਅਨੋਦਿਸ੍ਸ ਆਚਿਕ੍ਖਨ੍ਤੀ’’ਤਿ વੁਤ੍ਤਂ। ਤਤ੍ਥ ਅਤੀਤਂ ਆਰਬ੍ਭ ਅਤ੍ਥਿ ਓਦਿਸ੍ਸ ਆਚਿਕ੍ਖਨਾ (ਪਾਚਿ॰ ਅਟ੍ਠ॰ ੬੭੯), ਅਤ੍ਥਿ ਅਨੋਦਿਸ੍ਸ ਆਚਿਕ੍ਖਨਾ, ਅਨਾਗਤਂ ਆਰਬ੍ਭਾਪਿ ਅਤ੍ਥਿ ਓਦਿਸ੍ਸ ਆਚਿਕ੍ਖਨਾ, ਅਤ੍ਥਿ ਅਨੋਦਿਸ੍ਸ ਆਚਿਕ੍ਖਨਾ।
Ākaḍḍhiyamānā gacchatīti vuccamānā vohārikānaṃ santikaṃ gacchati, imassa ‘‘tassā anāpattī’’ti iminā sambandho. Evaṃ sesesupi. Rakkhaṃ yācatīti dhammikaṃ rakkhaṃ yācati. Idāni yathā yācitā rakkhā dhammikā hoti, taṃ dassetuṃ ‘‘upassaye aññehi kataṃ anācāraṃ anodissa ācikkhantī’’ti vuttaṃ. Tattha atītaṃ ārabbha atthi odissa ācikkhanā (pāci. aṭṭha. 679), atthi anodissa ācikkhanā, anāgataṃ ārabbhāpi atthi odissa ācikkhanā, atthi anodissa ācikkhanā.
ਕਥਂ ਅਤੀਤਂ ਆਰਬ੍ਭ ਓਦਿਸ੍ਸ ਆਚਿਕ੍ਖਨਾ ਹੋਤਿ? ਭਿਕ੍ਖੁਨੁਪਸ੍ਸਯੇ ਗਾਮਦਾਰਕਾ, ਧੁਤ੍ਤਾਦਯੋ વਾ ਯੇ ਕੇਚਿ ਅਨਾਚਾਰਂ વਾ ਆਚਰਨ੍ਤਿ, ਰੁਕ੍ਖਂ વਾ ਛਿਨ੍ਦਨ੍ਤਿ, ਫਲਾਫਲਂ વਾ ਹਰਨ੍ਤਿ, ਪਰਿਕ੍ਖਾਰੇ વਾ ਅਚ੍ਛਿਨ੍ਦਨ੍ਤਿ। ਭਿਕ੍ਖੁਨੀ વੋਹਾਰਿਕੇ ਉਪਸਙ੍ਕਮਿਤ੍વਾ ‘‘ਅਮ੍ਹਾਕਂ ਉਪਸ੍ਸਯੇ ਇਦਂ ਨਾਮ ਕਤ’’ਨ੍ਤਿ વਦਤਿ। ‘‘ਕੇਨਾ’’ਤਿ વੁਤ੍ਤੇ ‘‘ਅਸੁਕੇਨ ਚ ਅਸੁਕੇਨ ਚਾ’’ਤਿ ਆਚਿਕ੍ਖਤਿ। ਏવਂ ਅਤੀਤਂ ਆਰਬ੍ਭ ਓਦਿਸ੍ਸ ਆਚਿਕ੍ਖਨਾ ਹੋਤਿ, ਸਾ ਨ વਟ੍ਟਤਿ। ਤਞ੍ਚੇ ਸੁਤ੍વਾ ਤੇ વੋਹਾਰਿਕਾ ਤੇਸਂ ਦਣ੍ਡਂ ਕਰੋਨ੍ਤਿ, ਸਬ੍ਬਂ ਭਿਕ੍ਖੁਨਿਯਾ ਗੀવਾ ਹੋਤਿ। ‘‘ਦਣ੍ਡਂ ਗਣ੍ਹਿਸ੍ਸਨ੍ਤੀ’’ਤਿ ਅਧਿਪ੍ਪਾਯੇਪਿ ਸਤਿ ਗੀવਾਯੇવ ਹੋਤਿ। ਸਚੇ ਪਨ ਤਸ੍ਸ ‘‘ਦਣ੍ਡਂ ਗਣ੍ਹਥਾ’’ਤਿ વਦਤਿ, ਪਞ੍ਚਮਾਸਕਮਤ੍ਤੇ ਗਹਿਤੇ ਪਾਰਾਜਿਕਂ ਹੋਤਿ।
Kathaṃ atītaṃ ārabbha odissa ācikkhanā hoti? Bhikkhunupassaye gāmadārakā, dhuttādayo vā ye keci anācāraṃ vā ācaranti, rukkhaṃ vā chindanti, phalāphalaṃ vā haranti, parikkhāre vā acchindanti. Bhikkhunī vohārike upasaṅkamitvā ‘‘amhākaṃ upassaye idaṃ nāma kata’’nti vadati. ‘‘Kenā’’ti vutte ‘‘asukena ca asukena cā’’ti ācikkhati. Evaṃ atītaṃ ārabbha odissa ācikkhanā hoti, sā na vaṭṭati. Tañce sutvā te vohārikā tesaṃ daṇḍaṃ karonti, sabbaṃ bhikkhuniyā gīvā hoti. ‘‘Daṇḍaṃ gaṇhissantī’’ti adhippāyepi sati gīvāyeva hoti. Sace pana tassa ‘‘daṇḍaṃ gaṇhathā’’ti vadati, pañcamāsakamatte gahite pārājikaṃ hoti.
ਤੇਹਿ ‘‘ਕੇਨਾ’’ਤਿ વੁਤ੍ਤੇ ਪਨ ‘‘ਅਸੁਕੇਨਾ’ਤਿ વਤ੍ਤੁਂ ਅਮ੍ਹਾਕਂ ਨ વਟ੍ਟਤਿ, ਤੁਮ੍ਹੇਯੇવ ਜਾਨਿਸ੍ਸਥ। ਕੇવਲਞ੍ਹਿ ਮਯਂ ਰਕ੍ਖਂ ਯਾਚਾਮ, ਤਂ ਨੋ ਦੇਥ, ਅવਹਟਭਣ੍ਡਮ੍ਪਿ ਆਹਰਾਪੇਥਾ’’ਤਿ વਤ੍ਤਬ੍ਬਂ। ਏવਂ ਅਨੋਦਿਸ੍ਸ ਆਚਿਕ੍ਖਨਾ ਹੋਤਿ, ਸਾ વਟ੍ਟਤਿ। ਏવਂ વੁਤ੍ਤੇ ਸਚੇਪਿ ਤੇ વੋਹਾਰਿਕਾ ਤੇ ਕਾਰਕੇ ਗવੇਸਿਤ੍વਾ ਤੇਸਂ ਦਣ੍ਡਂ ਕਰੋਨ੍ਤਿ, ਸਬ੍ਬਂ ਸਾਪਤੇਯ੍ਯਮ੍ਪਿ ਗਹਿਤਂ, ਭਿਕ੍ਖੁਨਿਯਾ ਨੇવ ਗੀવਾ, ਨ ਆਪਤ੍ਤਿ।
Tehi ‘‘kenā’’ti vutte pana ‘‘asukenā’ti vattuṃ amhākaṃ na vaṭṭati, tumheyeva jānissatha. Kevalañhi mayaṃ rakkhaṃ yācāma, taṃ no detha, avahaṭabhaṇḍampi āharāpethā’’ti vattabbaṃ. Evaṃ anodissa ācikkhanā hoti, sā vaṭṭati. Evaṃ vutte sacepi te vohārikā te kārake gavesitvā tesaṃ daṇḍaṃ karonti, sabbaṃ sāpateyyampi gahitaṃ, bhikkhuniyā neva gīvā, na āpatti.
ਪਰਿਕ੍ਖਾਰਂ ਹਰਨ੍ਤੇ ਦਿਸ੍વਾ ਤੇਸਂ ਅਨਤ੍ਥਕਾਮਤਾਯ ‘‘ਚੋਰੋ ਚੋਰੋ’’ਤਿ વਤ੍ਤੁਮ੍ਪਿ ਨ વਟ੍ਟਤਿ। ਏવਂ વੁਤ੍ਤੇਪਿ ਹਿ ਯਂ ਤੇਸਂ ਦਣ੍ਡਂ ਕਰੋਨ੍ਤਿ, ਸਬ੍ਬਂ ਭਿਕ੍ਖੁਨਿਯਾ ਗੀવਾ ਹੋਤਿ। ਅਤ੍ਤਨੋ વਚਨਕਰਂ ਪਨ ‘‘ਇਮਿਨਾ ਮੇ ਪਰਿਕ੍ਖਾਰੋ ਗਹਿਤੋ, ਤਂ ਆਹਰਾਪੇਹਿ, ਮਾ ਚਸ੍ਸ ਦਣ੍ਡਂ ਕਰੋਥਾ’’ਤਿ વਤ੍ਤੁਂ વਟ੍ਟਤਿ। ਦਾਸਦਾਸਿવਾਪਿਆਦੀਨਂ ਅਤ੍ਥਾਯ ਅਡ੍ਡਂ ਕਰੋਨ੍ਤਿ, ਅਯਂ ਅਕਪ੍ਪਿਯਅਡ੍ਡੋ ਨਾਮ, ਨ વਟ੍ਟਤਿ।
Parikkhāraṃ harante disvā tesaṃ anatthakāmatāya ‘‘coro coro’’ti vattumpi na vaṭṭati. Evaṃ vuttepi hi yaṃ tesaṃ daṇḍaṃ karonti, sabbaṃ bhikkhuniyā gīvā hoti. Attano vacanakaraṃ pana ‘‘iminā me parikkhāro gahito, taṃ āharāpehi, mā cassa daṇḍaṃ karothā’’ti vattuṃ vaṭṭati. Dāsadāsivāpiādīnaṃ atthāya aḍḍaṃ karonti, ayaṃ akappiyaaḍḍo nāma, na vaṭṭati.
ਕਥਂ ਅਨਾਗਤਂ ਆਰਬ੍ਭ ਓਦਿਸ੍ਸ ਆਚਿਕ੍ਖਨਾ ਹੋਤਿ? વੁਤ੍ਤਨਯੇਨੇવ ਪਰੇਹਿ ਅਨਾਚਾਰਾਦੀਸੁ ਕਤੇਸੁ ਭਿਕ੍ਖੁਨੀ વੋਹਾਰਿਕੇ ਏવਂ વਦਤਿ ‘‘ਅਮ੍ਹਾਕਂ ਉਪਸ੍ਸਯੇ ਇਦਞ੍ਚਿਦਞ੍ਚ ਕਰੋਨ੍ਤਿ, ਰਕ੍ਖਂ ਨੋ ਦੇਥ ਆਯਤਿਂ ਅਕਰਣਤ੍ਥਾਯਾ’’ਤਿ। ‘‘ਕੇਨ ਏવਂ ਕਤ’’ਨ੍ਤਿ વੁਤ੍ਤੇ ‘‘ਅਸੁਕੇਨ ਚ ਅਸੁਕੇਨ ਚਾ’’ਤਿ ਆਚਿਕ੍ਖਤਿ। ਏવਂ ਅਨਾਗਤਂ ਆਰਬ੍ਭ ਓਦਿਸ੍ਸ ਆਚਿਕ੍ਖਨਾ ਹੋਤਿ, ਸਾਪਿ ਨ વਟ੍ਟਤਿ। ਤੇਸਞ੍ਹਿ ਦਣ੍ਡੇ ਕਤੇ ਪੁਰਿਮਨਯੇਨੇવ ਸਬ੍ਬਂ ਭਿਕ੍ਖੁਨਿਯਾ ਗੀવਾ। ਸੇਸਂ ਪੁਰਿਮਸਦਿਸਮੇવ।
Kathaṃ anāgataṃ ārabbha odissa ācikkhanā hoti? Vuttanayeneva parehi anācārādīsu katesu bhikkhunī vohārike evaṃ vadati ‘‘amhākaṃ upassaye idañcidañca karonti, rakkhaṃ no detha āyatiṃ akaraṇatthāyā’’ti. ‘‘Kena evaṃ kata’’nti vutte ‘‘asukena ca asukena cā’’ti ācikkhati. Evaṃ anāgataṃ ārabbha odissa ācikkhanā hoti, sāpi na vaṭṭati. Tesañhi daṇḍe kate purimanayeneva sabbaṃ bhikkhuniyā gīvā. Sesaṃ purimasadisameva.
ਸਚੇ ਪਨ વੋਹਾਰਿਕਾ ਭਿਕ੍ਖੁਨੁਪਸ੍ਸਯੇ ਏવਰੂਪਂ ਅਨਾਚਾਰਂ ਕਰੋਨ੍ਤਾਨਂ ‘‘ਇਮਂ ਨਾਮ ਦਣ੍ਡਂ ਕਰੋਮਾ’’ਤਿ ਭੇਰਿਂ ਚਰਾਪੇਤ੍વਾ ਆਣਾਯ ਅਤਿਟ੍ਠਮਾਨੇ ਪਰਿਯੇਸਿਤ੍વਾ ਦਣ੍ਡਂ ਕਰੋਨ੍ਤਿ, ਭਿਕ੍ਖੁਨਿਯਾ ਨੇવ ਗੀવਾ, ਨ ਆਪਤ੍ਤਿ।
Sace pana vohārikā bhikkhunupassaye evarūpaṃ anācāraṃ karontānaṃ ‘‘imaṃ nāma daṇḍaṃ karomā’’ti bheriṃ carāpetvā āṇāya atiṭṭhamāne pariyesitvā daṇḍaṃ karonti, bhikkhuniyā neva gīvā, na āpatti.
ਯੋ ਚਾਯਂ ਭਿਕ੍ਖੁਨੀਨਂ વੁਤ੍ਤੋ, ਭਿਕ੍ਖੂਨਮ੍ਪਿ ਏਸੇવ ਨਯੋ। ਭਿਕ੍ਖੁਨੋਪਿ ਹਿ ਓਦਿਸ੍ਸ ਆਚਿਕ੍ਖਨਾ ਨ વਟ੍ਟਤਿ, ਯਂ ਤਥਾ ਆਚਿਕ੍ਖਿਤੇ ਤੇਸਂ ਦਣ੍ਡਂ ਕਰੋਨ੍ਤਿ, ਤਂ ਸਬ੍ਬਂ ਗੀવਾ ਹੋਤਿ। વੁਤ੍ਤਨਯੇਨੇવ ਦਣ੍ਡਂ ਗਣ੍ਹਾਪੇਨ੍ਤਸ੍ਸ ਪਾਰਾਜਿਕਂ। ਯੋ ਪਨ ‘‘ਦਣ੍ਡਂ ਕਰਿਸ੍ਸਨ੍ਤੀ’’ਤਿ ਜਾਨਨ੍ਤੋਪਿ ਅਨੋਦਿਸ੍ਸ ਕਥੇਤਿ, ਤੇ ਚ ਪਰਿਯੇਸਿਤ੍વਾ ਦਣ੍ਡਂ ਕਰੋਨ੍ਤਿਯੇવ, ਨ ਦੋਸੋ। વਿਹਾਰਸੀਮਾਯ ਰੁਕ੍ਖਾਦੀਨਿ ਛਿਨ੍ਦਨ੍ਤਾਨਂ વਾਸਿਫਰਸੁਆਦੀਨਿ ਗਹੇਤ੍વਾ ਪਾਸਾਣੇ ਕੋਟ੍ਟੇਨ੍ਤਿ, ਨ વਟ੍ਟਤਿ। ਸਚੇ ਧਾਰਾ ਭਿਜ੍ਜਤਿ, ਕਾਰਾਪੇਤ੍વਾ ਦਾਤਬ੍ਬਾ। ਉਪਧਾવਿਤ੍વਾ ਤੇਸਂ ਪਰਿਕ੍ਖਾਰੇ ਗਣ੍ਹਨ੍ਤਿ, ਤਮ੍ਪਿ ਨ ਕਾਤਬ੍ਬਂ। ਲਹੁਪਰਿવਤ੍ਤਞ੍ਹਿ ਚਿਤ੍ਤਂ, ਥੇਯ੍ਯਚੇਤਨਾਯ ਉਪ੍ਪਨ੍ਨਾਯ ਮੂਲਚ੍ਛੇਜ੍ਜਮ੍ਪਿ ਗਚ੍ਛੇਯ੍ਯ।
Yo cāyaṃ bhikkhunīnaṃ vutto, bhikkhūnampi eseva nayo. Bhikkhunopi hi odissa ācikkhanā na vaṭṭati, yaṃ tathā ācikkhite tesaṃ daṇḍaṃ karonti, taṃ sabbaṃ gīvā hoti. Vuttanayeneva daṇḍaṃ gaṇhāpentassa pārājikaṃ. Yo pana ‘‘daṇḍaṃ karissantī’’ti jānantopi anodissa katheti, te ca pariyesitvā daṇḍaṃ karontiyeva, na doso. Vihārasīmāya rukkhādīni chindantānaṃ vāsipharasuādīni gahetvā pāsāṇe koṭṭenti, na vaṭṭati. Sace dhārā bhijjati, kārāpetvā dātabbā. Upadhāvitvā tesaṃ parikkhāre gaṇhanti, tampi na kātabbaṃ. Lahuparivattañhi cittaṃ, theyyacetanāya uppannāya mūlacchejjampi gaccheyya.
ਉਸ੍ਸਯવਾਦਿਕਾਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ussayavādikāsikkhāpadavaṇṇanā niṭṭhitā.
