| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৮. উস্সূরভত্তসুত্তং
8. Ussūrabhattasuttaṃ
২২৮. ‘‘পঞ্চিমে , ভিক্খৰে, আদীনৰা উস্সূরভত্তে কুলে। কতমে পঞ্চ? যে তে অতিথী পাহুনা, তে ন কালেন পটিপূজেন্তি; যা তা বলিপটিগ্গাহিকা দেৰতা, তা ন কালেন পটিপূজেন্তি; যে তে সমণব্রাহ্মণা একভত্তিকা রত্তূপরতা ৰিরতা ৰিকালভোজনা, তে ন কালেন পটিপূজেন্তি; দাসকম্মকরপোরিসা ৰিমুখা কম্মং করোন্তি; তাৰতকংযেৰ অসমযেন ভুত্তং অনোজৰন্তং হোতি। ইমে খো, ভিক্খৰে, পঞ্চ আদীনৰা উস্সূরভত্তে কুলে।
228. ‘‘Pañcime , bhikkhave, ādīnavā ussūrabhatte kule. Katame pañca? Ye te atithī pāhunā, te na kālena paṭipūjenti; yā tā balipaṭiggāhikā devatā, tā na kālena paṭipūjenti; ye te samaṇabrāhmaṇā ekabhattikā rattūparatā viratā vikālabhojanā, te na kālena paṭipūjenti; dāsakammakaraporisā vimukhā kammaṃ karonti; tāvatakaṃyeva asamayena bhuttaṃ anojavantaṃ hoti. Ime kho, bhikkhave, pañca ādīnavā ussūrabhatte kule.
‘‘পঞ্চিমে, ভিক্খৰে, আনিসংসা সমযভত্তে কুলে। কতমে পঞ্চ? যে তে অতিথী পাহুনা, তে কালেন পটিপূজেন্তি; যা তা বলিপটিগ্গাহিকা দেৰতা, তা কালেন পটিপূজেন্তি; যে তে সমণব্রাহ্মণা একভত্তিকা রত্তূপরতা ৰিরতা ৰিকালভোজনা, তে কালেন পটিপূজেন্তি; দাসকম্মকরপোরিসা অৰিমুখা কম্মং করোন্তি; তাৰতকংযেৰ সমযেন ভুত্তং ওজৰন্তং হোতি। ইমে খো, ভিক্খৰে, পঞ্চ আনিসংসা সমযভত্তে কুলে’’তি। অট্ঠমং।
‘‘Pañcime, bhikkhave, ānisaṃsā samayabhatte kule. Katame pañca? Ye te atithī pāhunā, te kālena paṭipūjenti; yā tā balipaṭiggāhikā devatā, tā kālena paṭipūjenti; ye te samaṇabrāhmaṇā ekabhattikā rattūparatā viratā vikālabhojanā, te kālena paṭipūjenti; dāsakammakaraporisā avimukhā kammaṃ karonti; tāvatakaṃyeva samayena bhuttaṃ ojavantaṃ hoti. Ime kho, bhikkhave, pañca ānisaṃsā samayabhatte kule’’ti. Aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮. উস্সূরভত্তসুত্তৰণ্ণনা • 8. Ussūrabhattasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
