| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౮. ఉస్సూరభత్తసుత్తం
8. Ussūrabhattasuttaṃ
౨౨౮. ‘‘పఞ్చిమే , భిక్ఖవే, ఆదీనవా ఉస్సూరభత్తే కులే. కతమే పఞ్చ? యే తే అతిథీ పాహునా, తే న కాలేన పటిపూజేన్తి; యా తా బలిపటిగ్గాహికా దేవతా, తా న కాలేన పటిపూజేన్తి; యే తే సమణబ్రాహ్మణా ఏకభత్తికా రత్తూపరతా విరతా వికాలభోజనా, తే న కాలేన పటిపూజేన్తి; దాసకమ్మకరపోరిసా విముఖా కమ్మం కరోన్తి; తావతకంయేవ అసమయేన భుత్తం అనోజవన్తం హోతి. ఇమే ఖో, భిక్ఖవే, పఞ్చ ఆదీనవా ఉస్సూరభత్తే కులే.
228. ‘‘Pañcime , bhikkhave, ādīnavā ussūrabhatte kule. Katame pañca? Ye te atithī pāhunā, te na kālena paṭipūjenti; yā tā balipaṭiggāhikā devatā, tā na kālena paṭipūjenti; ye te samaṇabrāhmaṇā ekabhattikā rattūparatā viratā vikālabhojanā, te na kālena paṭipūjenti; dāsakammakaraporisā vimukhā kammaṃ karonti; tāvatakaṃyeva asamayena bhuttaṃ anojavantaṃ hoti. Ime kho, bhikkhave, pañca ādīnavā ussūrabhatte kule.
‘‘పఞ్చిమే, భిక్ఖవే, ఆనిసంసా సమయభత్తే కులే. కతమే పఞ్చ? యే తే అతిథీ పాహునా, తే కాలేన పటిపూజేన్తి; యా తా బలిపటిగ్గాహికా దేవతా, తా కాలేన పటిపూజేన్తి; యే తే సమణబ్రాహ్మణా ఏకభత్తికా రత్తూపరతా విరతా వికాలభోజనా, తే కాలేన పటిపూజేన్తి; దాసకమ్మకరపోరిసా అవిముఖా కమ్మం కరోన్తి; తావతకంయేవ సమయేన భుత్తం ఓజవన్తం హోతి. ఇమే ఖో, భిక్ఖవే, పఞ్చ ఆనిసంసా సమయభత్తే కులే’’తి. అట్ఠమం.
‘‘Pañcime, bhikkhave, ānisaṃsā samayabhatte kule. Katame pañca? Ye te atithī pāhunā, te kālena paṭipūjenti; yā tā balipaṭiggāhikā devatā, tā kālena paṭipūjenti; ye te samaṇabrāhmaṇā ekabhattikā rattūparatā viratā vikālabhojanā, te kālena paṭipūjenti; dāsakammakaraporisā avimukhā kammaṃ karonti; tāvatakaṃyeva samayena bhuttaṃ ojavantaṃ hoti. Ime kho, bhikkhave, pañca ānisaṃsā samayabhatte kule’’ti. Aṭṭhamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౮. ఉస్సూరభత్తసుత్తవణ్ణనా • 8. Ussūrabhattasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. పఠమదీఘచారికసుత్తాదివణ్ణనా • 1-10. Paṭhamadīghacārikasuttādivaṇṇanā
