| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਉਸ੍ਸੂਰਭਤ੍ਤਸੁਤ੍ਤਂ
8. Ussūrabhattasuttaṃ
੨੨੮. ‘‘ਪਞ੍ਚਿਮੇ , ਭਿਕ੍ਖવੇ, ਆਦੀਨવਾ ਉਸ੍ਸੂਰਭਤ੍ਤੇ ਕੁਲੇ। ਕਤਮੇ ਪਞ੍ਚ? ਯੇ ਤੇ ਅਤਿਥੀ ਪਾਹੁਨਾ, ਤੇ ਨ ਕਾਲੇਨ ਪਟਿਪੂਜੇਨ੍ਤਿ; ਯਾ ਤਾ ਬਲਿਪਟਿਗ੍ਗਾਹਿਕਾ ਦੇવਤਾ, ਤਾ ਨ ਕਾਲੇਨ ਪਟਿਪੂਜੇਨ੍ਤਿ; ਯੇ ਤੇ ਸਮਣਬ੍ਰਾਹ੍ਮਣਾ ਏਕਭਤ੍ਤਿਕਾ ਰਤ੍ਤੂਪਰਤਾ વਿਰਤਾ વਿਕਾਲਭੋਜਨਾ, ਤੇ ਨ ਕਾਲੇਨ ਪਟਿਪੂਜੇਨ੍ਤਿ; ਦਾਸਕਮ੍ਮਕਰਪੋਰਿਸਾ વਿਮੁਖਾ ਕਮ੍ਮਂ ਕਰੋਨ੍ਤਿ; ਤਾવਤਕਂਯੇવ ਅਸਮਯੇਨ ਭੁਤ੍ਤਂ ਅਨੋਜવਨ੍ਤਂ ਹੋਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਆਦੀਨવਾ ਉਸ੍ਸੂਰਭਤ੍ਤੇ ਕੁਲੇ।
228. ‘‘Pañcime , bhikkhave, ādīnavā ussūrabhatte kule. Katame pañca? Ye te atithī pāhunā, te na kālena paṭipūjenti; yā tā balipaṭiggāhikā devatā, tā na kālena paṭipūjenti; ye te samaṇabrāhmaṇā ekabhattikā rattūparatā viratā vikālabhojanā, te na kālena paṭipūjenti; dāsakammakaraporisā vimukhā kammaṃ karonti; tāvatakaṃyeva asamayena bhuttaṃ anojavantaṃ hoti. Ime kho, bhikkhave, pañca ādīnavā ussūrabhatte kule.
‘‘ਪਞ੍ਚਿਮੇ, ਭਿਕ੍ਖવੇ, ਆਨਿਸਂਸਾ ਸਮਯਭਤ੍ਤੇ ਕੁਲੇ। ਕਤਮੇ ਪਞ੍ਚ? ਯੇ ਤੇ ਅਤਿਥੀ ਪਾਹੁਨਾ, ਤੇ ਕਾਲੇਨ ਪਟਿਪੂਜੇਨ੍ਤਿ; ਯਾ ਤਾ ਬਲਿਪਟਿਗ੍ਗਾਹਿਕਾ ਦੇવਤਾ, ਤਾ ਕਾਲੇਨ ਪਟਿਪੂਜੇਨ੍ਤਿ; ਯੇ ਤੇ ਸਮਣਬ੍ਰਾਹ੍ਮਣਾ ਏਕਭਤ੍ਤਿਕਾ ਰਤ੍ਤੂਪਰਤਾ વਿਰਤਾ વਿਕਾਲਭੋਜਨਾ, ਤੇ ਕਾਲੇਨ ਪਟਿਪੂਜੇਨ੍ਤਿ; ਦਾਸਕਮ੍ਮਕਰਪੋਰਿਸਾ ਅવਿਮੁਖਾ ਕਮ੍ਮਂ ਕਰੋਨ੍ਤਿ; ਤਾવਤਕਂਯੇવ ਸਮਯੇਨ ਭੁਤ੍ਤਂ ਓਜવਨ੍ਤਂ ਹੋਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਆਨਿਸਂਸਾ ਸਮਯਭਤ੍ਤੇ ਕੁਲੇ’’ਤਿ। ਅਟ੍ਠਮਂ।
‘‘Pañcime, bhikkhave, ānisaṃsā samayabhatte kule. Katame pañca? Ye te atithī pāhunā, te kālena paṭipūjenti; yā tā balipaṭiggāhikā devatā, tā kālena paṭipūjenti; ye te samaṇabrāhmaṇā ekabhattikā rattūparatā viratā vikālabhojanā, te kālena paṭipūjenti; dāsakammakaraporisā avimukhā kammaṃ karonti; tāvatakaṃyeva samayena bhuttaṃ ojavantaṃ hoti. Ime kho, bhikkhave, pañca ānisaṃsā samayabhatte kule’’ti. Aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਉਸ੍ਸੂਰਭਤ੍ਤਸੁਤ੍ਤવਣ੍ਣਨਾ • 8. Ussūrabhattasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਪਠਮਦੀਘਚਾਰਿਕਸੁਤ੍ਤਾਦਿવਣ੍ਣਨਾ • 1-10. Paṭhamadīghacārikasuttādivaṇṇanā
