8. уссуурабхад̇д̇асуд̇д̇аван̣н̣анаа

228. адтамз уссуурабхад̇д̇зд̇и ад̇ид̣̇иваабажанабхад̇д̇з. на гаалзна бадибууж̇знд̇ийд̇и яааг̇угаалз яааг̇ум̣, каж̇ж̇агагаалз каж̇ж̇агам̣ , бхож̇анагаалз бхож̇анам̣ абажанд̇аа яуд̇д̇аббаяуд̇д̇агааласса ад̇инаамид̇ад̇д̇аа на гаалзна бадибууж̇знд̇и, ад̇д̇ано жид̇д̇знзва д̣̇знд̇и наама. д̇ад̇о д̇зби д̇зсу ад̇д̇ано г̇зхам̣ ааг̇ад̇зсу д̇ат̇зва гаронд̇и. гулабавзн̣ияаа ааг̇ад̇аа б̣алибадиг̇г̇аахигаа д̣̇звад̇ааби яуд̇д̇аббаяуд̇д̇агаалзна лаабхам̣ лабхамаанааязва рагканд̇и г̇обаяанд̇и бийл̣ам̣ агад̇ваа. агаалз лабхамаанаа бана ‘‘имз амхзсу анаад̣̇араа’’д̇и аарагкам̣ на гаронд̇и.

саман̣аб̣раахман̣ааби ‘‘зд̇зсам̣ г̇зхз бхож̇анавзлааяа бхож̇анам̣ на ход̇и, тид̇амаж̇жханхигз д̣̇знд̇ий’’д̇и ман̇г̇алааман̇г̇алзсу гаад̇аб̣б̣ам̣ на гаронд̇и. вимукаа гаммам̣ гаронд̇ийд̇и ‘‘баад̇о гин̃жи на лабхаама, куд̣̇ааяа бадибийл̣ид̇аа гаммам̣ гаад̇ум̣ на саггомаа’’д̇и гаммам̣ виссаж̇ж̇зд̇ваа нисийд̣̇анд̇и. анож̇аванд̇ам̣ ход̇ийд̇и агаалз бхуд̇д̇ам̣ ож̇ам̣ харид̇ум̣ на саггод̇и. суггабагко вуд̇д̇авибаллаасзна взд̣̇ид̇аб̣б̣о.