| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
८. उस्सूरभत्तसुत्तवण्णना
8. Ussūrabhattasuttavaṇṇanā
२२८. अट्ठमे उस्सूरभत्तेति अतिदिवापचनभत्ते। न कालेन पटिपूजेन्तीति यागुकाले यागुं, खज्जककाले खज्जकं , भोजनकाले भोजनं अपचन्ता युत्तप्पयुत्तकालस्स अतिनामितत्ता न कालेन पटिपूजेन्ति, अत्तनो चित्तेनेव देन्ति नाम। ततो तेपि तेसु अत्तनो गेहं आगतेसु तथेव करोन्ति। कुलपवेणिया आगता बलिपटिग्गाहिका देवतापि युत्तप्पयुत्तकालेन लाभं लभमानायेव रक्खन्ति गोपयन्ति पीळं अकत्वा। अकाले लभमाना पन ‘‘इमे अम्हेसु अनादरा’’ति आरक्खं न करोन्ति।
228. Aṭṭhame ussūrabhatteti atidivāpacanabhatte. Na kālena paṭipūjentīti yāgukāle yāguṃ, khajjakakāle khajjakaṃ , bhojanakāle bhojanaṃ apacantā yuttappayuttakālassa atināmitattā na kālena paṭipūjenti, attano citteneva denti nāma. Tato tepi tesu attano gehaṃ āgatesu tatheva karonti. Kulapaveṇiyā āgatā balipaṭiggāhikā devatāpi yuttappayuttakālena lābhaṃ labhamānāyeva rakkhanti gopayanti pīḷaṃ akatvā. Akāle labhamānā pana ‘‘ime amhesu anādarā’’ti ārakkhaṃ na karonti.
समणब्राह्मणापि ‘‘एतेसं गेहे भोजनवेलाय भोजनं न होति, ठितमज्झन्हिके देन्ती’’ति मङ्गलामङ्गलेसु कातब्बं न करोन्ति। विमुखा कम्मं करोन्तीति ‘‘पातो किञ्चि न लभाम, खुदाय पटिपीळिता कम्मं कातुं न सक्कोमा’’ति कम्मं विस्सज्जेत्वा निसीदन्ति। अनोजवन्तं होतीति अकाले भुत्तं ओजं हरितुं न सक्कोति। सुक्कपक्खो वुत्तविपल्लासेन वेदितब्बो।
Samaṇabrāhmaṇāpi ‘‘etesaṃ gehe bhojanavelāya bhojanaṃ na hoti, ṭhitamajjhanhike dentī’’ti maṅgalāmaṅgalesu kātabbaṃ na karonti. Vimukhā kammaṃ karontīti ‘‘pāto kiñci na labhāma, khudāya paṭipīḷitā kammaṃ kātuṃ na sakkomā’’ti kammaṃ vissajjetvā nisīdanti. Anojavantaṃ hotīti akāle bhuttaṃ ojaṃ harituṃ na sakkoti. Sukkapakkho vuttavipallāsena veditabbo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ८. उस्सूरभत्तसुत्तं • 8. Ussūrabhattasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-१०. पठमदीघचारिकसुत्तादिवण्णना • 1-10. Paṭhamadīghacārikasuttādivaṇṇanā
