| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
8. උස්‌සූරභත්‌තසුත්‌තවණ්‌ණනා
8. Ussūrabhattasuttavaṇṇanā
228. අට්‌ඨමෙ උස්‌සූරභත්‌තෙති අතිදිවාපචනභත්‌තෙ. න කාලෙන පටිපූජෙන්‌තීති යාගුකාලෙ යාගුං, ඛජ්‌ජකකාලෙ ඛජ්‌ජකං , භොජනකාලෙ භොජනං අපචන්‌තා යුත්‌තප්‌පයුත්‌තකාලස්‌ස අතිනාමිතත්‌තා න කාලෙන පටිපූජෙන්‌ති, අත්‌තනො චිත්‌තෙනෙව දෙන්‌ති නාම. තතො තෙපි තෙසු අත්‌තනො ගෙහං ආගතෙසු තථෙව කරොන්‌ති. කුලපවෙණියා ආගතා බලිපටිග්‌ගාහිකා දෙවතාපි යුත්‌තප්‌පයුත්‌තකාලෙන ලාභං ලභමානායෙව රක්‌ඛන්‌ති ගොපයන්‌ති පීළං අකත්‌වා. අකාලෙ ලභමානා පන ‘‘ඉමෙ අම්‌හෙසු අනාදරා’’ති ආරක්‌ඛං න කරොන්‌ති.
228. Aṭṭhame ussūrabhatteti atidivāpacanabhatte. Na kālena paṭipūjentīti yāgukāle yāguṃ, khajjakakāle khajjakaṃ , bhojanakāle bhojanaṃ apacantā yuttappayuttakālassa atināmitattā na kālena paṭipūjenti, attano citteneva denti nāma. Tato tepi tesu attano gehaṃ āgatesu tatheva karonti. Kulapaveṇiyā āgatā balipaṭiggāhikā devatāpi yuttappayuttakālena lābhaṃ labhamānāyeva rakkhanti gopayanti pīḷaṃ akatvā. Akāle labhamānā pana ‘‘ime amhesu anādarā’’ti ārakkhaṃ na karonti.
සමණබ්‍රාහ්‌මණාපි ‘‘එතෙසං ගෙහෙ භොජනවෙලාය භොජනං න හොති, ඨිතමජ්‌ඣන්‌හිකෙ දෙන්‌තී’’ති මඞ්‌ගලාමඞ්‌ගලෙසු කාතබ්‌බං න කරොන්‌ති. විමුඛා කම්‌මං කරොන්‌තීති ‘‘පාතො කිඤ්‌චි න ලභාම, ඛුදාය පටිපීළිතා කම්‌මං කාතුං න සක්‌කොමා’’ති කම්‌මං විස්‌සජ්‌ජෙත්‌වා නිසීදන්‌ති. අනොජවන්‌තං හොතීති අකාලෙ භුත්‌තං ඔජං හරිතුං න සක්‌කොති. සුක්‌කපක්‌ඛො වුත්‌තවිපල්‌ලාසෙන වෙදිතබ්‌බො.
Samaṇabrāhmaṇāpi ‘‘etesaṃ gehe bhojanavelāya bhojanaṃ na hoti, ṭhitamajjhanhike dentī’’ti maṅgalāmaṅgalesu kātabbaṃ na karonti. Vimukhā kammaṃ karontīti ‘‘pāto kiñci na labhāma, khudāya paṭipīḷitā kammaṃ kātuṃ na sakkomā’’ti kammaṃ vissajjetvā nisīdanti. Anojavantaṃ hotīti akāle bhuttaṃ ojaṃ harituṃ na sakkoti. Sukkapakkho vuttavipallāsena veditabbo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 8. උස්‌සූරභත්‌තසුත්‌තං • 8. Ussūrabhattasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
