| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਉਸ੍ਸੂਰਭਤ੍ਤਸੁਤ੍ਤવਣ੍ਣਨਾ
8. Ussūrabhattasuttavaṇṇanā
੨੨੮. ਅਟ੍ਠਮੇ ਉਸ੍ਸੂਰਭਤ੍ਤੇਤਿ ਅਤਿਦਿવਾਪਚਨਭਤ੍ਤੇ। ਨ ਕਾਲੇਨ ਪਟਿਪੂਜੇਨ੍ਤੀਤਿ ਯਾਗੁਕਾਲੇ ਯਾਗੁਂ, ਖਜ੍ਜਕਕਾਲੇ ਖਜ੍ਜਕਂ , ਭੋਜਨਕਾਲੇ ਭੋਜਨਂ ਅਪਚਨ੍ਤਾ ਯੁਤ੍ਤਪ੍ਪਯੁਤ੍ਤਕਾਲਸ੍ਸ ਅਤਿਨਾਮਿਤਤ੍ਤਾ ਨ ਕਾਲੇਨ ਪਟਿਪੂਜੇਨ੍ਤਿ, ਅਤ੍ਤਨੋ ਚਿਤ੍ਤੇਨੇવ ਦੇਨ੍ਤਿ ਨਾਮ। ਤਤੋ ਤੇਪਿ ਤੇਸੁ ਅਤ੍ਤਨੋ ਗੇਹਂ ਆਗਤੇਸੁ ਤਥੇવ ਕਰੋਨ੍ਤਿ। ਕੁਲਪવੇਣਿਯਾ ਆਗਤਾ ਬਲਿਪਟਿਗ੍ਗਾਹਿਕਾ ਦੇવਤਾਪਿ ਯੁਤ੍ਤਪ੍ਪਯੁਤ੍ਤਕਾਲੇਨ ਲਾਭਂ ਲਭਮਾਨਾਯੇવ ਰਕ੍ਖਨ੍ਤਿ ਗੋਪਯਨ੍ਤਿ ਪੀਲ਼ਂ ਅਕਤ੍વਾ। ਅਕਾਲੇ ਲਭਮਾਨਾ ਪਨ ‘‘ਇਮੇ ਅਮ੍ਹੇਸੁ ਅਨਾਦਰਾ’’ਤਿ ਆਰਕ੍ਖਂ ਨ ਕਰੋਨ੍ਤਿ।
228. Aṭṭhame ussūrabhatteti atidivāpacanabhatte. Na kālena paṭipūjentīti yāgukāle yāguṃ, khajjakakāle khajjakaṃ , bhojanakāle bhojanaṃ apacantā yuttappayuttakālassa atināmitattā na kālena paṭipūjenti, attano citteneva denti nāma. Tato tepi tesu attano gehaṃ āgatesu tatheva karonti. Kulapaveṇiyā āgatā balipaṭiggāhikā devatāpi yuttappayuttakālena lābhaṃ labhamānāyeva rakkhanti gopayanti pīḷaṃ akatvā. Akāle labhamānā pana ‘‘ime amhesu anādarā’’ti ārakkhaṃ na karonti.
ਸਮਣਬ੍ਰਾਹ੍ਮਣਾਪਿ ‘‘ਏਤੇਸਂ ਗੇਹੇ ਭੋਜਨવੇਲਾਯ ਭੋਜਨਂ ਨ ਹੋਤਿ, ਠਿਤਮਜ੍ਝਨ੍ਹਿਕੇ ਦੇਨ੍ਤੀ’’ਤਿ ਮਙ੍ਗਲਾਮਙ੍ਗਲੇਸੁ ਕਾਤਬ੍ਬਂ ਨ ਕਰੋਨ੍ਤਿ। વਿਮੁਖਾ ਕਮ੍ਮਂ ਕਰੋਨ੍ਤੀਤਿ ‘‘ਪਾਤੋ ਕਿਞ੍ਚਿ ਨ ਲਭਾਮ, ਖੁਦਾਯ ਪਟਿਪੀਲ਼ਿਤਾ ਕਮ੍ਮਂ ਕਾਤੁਂ ਨ ਸਕ੍ਕੋਮਾ’’ਤਿ ਕਮ੍ਮਂ વਿਸ੍ਸਜ੍ਜੇਤ੍વਾ ਨਿਸੀਦਨ੍ਤਿ। ਅਨੋਜવਨ੍ਤਂ ਹੋਤੀਤਿ ਅਕਾਲੇ ਭੁਤ੍ਤਂ ਓਜਂ ਹਰਿਤੁਂ ਨ ਸਕ੍ਕੋਤਿ। ਸੁਕ੍ਕਪਕ੍ਖੋ વੁਤ੍ਤવਿਪਲ੍ਲਾਸੇਨ વੇਦਿਤਬ੍ਬੋ।
Samaṇabrāhmaṇāpi ‘‘etesaṃ gehe bhojanavelāya bhojanaṃ na hoti, ṭhitamajjhanhike dentī’’ti maṅgalāmaṅgalesu kātabbaṃ na karonti. Vimukhā kammaṃ karontīti ‘‘pāto kiñci na labhāma, khudāya paṭipīḷitā kammaṃ kātuṃ na sakkomā’’ti kammaṃ vissajjetvā nisīdanti. Anojavantaṃ hotīti akāle bhuttaṃ ojaṃ harituṃ na sakkoti. Sukkapakkho vuttavipallāsena veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਉਸ੍ਸੂਰਭਤ੍ਤਸੁਤ੍ਤਂ • 8. Ussūrabhattasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਪਠਮਦੀਘਚਾਰਿਕਸੁਤ੍ਤਾਦਿવਣ੍ਣਨਾ • 1-10. Paṭhamadīghacārikasuttādivaṇṇanā
