Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi

10. уд̇знасуд̇д̇ам̣

10. Utenasuttaṃ

70. звам̣ мз суд̇ам̣ – згам̣ самаяам̣ бхаг̇аваа госамб̣ияам̣ вихарад̇и гхосид̇аараамз. д̇зна ко бана самаязна ран̃н̃о уд̇знасса ¹ уяяаанаг̇ад̇асса анд̇збурам̣ д̣̇ад̣дхам̣ ход̇и, бан̃жа жа ид̇т̇исад̇аани ² гаалан̇гад̇аани хонд̇и саамаавад̇ийбамукаани.

70. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme. Tena kho pana samayena rañño utenassa ³ uyyānagatassa antepuraṃ daḍḍhaṃ hoti, pañca ca itthisatāni ⁴ kālaṅkatāni honti sāmāvatīpamukhāni.

ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа госамб̣им̣ бин̣д̣ааяа баависим̣су. госамб̣ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха, бханд̇з, ран̃н̃о уд̇знасса уяяаанаг̇ад̇асса анд̇збурам̣ д̣̇ад̣дхам̣, бан̃жа жа ид̇т̇исад̇аани гаалан̇гад̇аани саамаавад̇ийбамукаани. д̇аасам̣, бханд̇з, убаасигаанам̣ гаа г̇ад̇и го абхисамбарааяо’’д̇и?

Atha kho sambahulā bhikkhū pubbaṇhasamayaṃ nivāsetvā pattacīvaramādāya kosambiṃ piṇḍāya pāvisiṃsu. Kosambiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha, bhante, rañño utenassa uyyānagatassa antepuraṃ daḍḍhaṃ, pañca ca itthisatāni kālaṅkatāni sāmāvatīpamukhāni. Tāsaṃ, bhante, upāsikānaṃ kā gati ko abhisamparāyo’’ti?

‘‘санд̇зд̇т̇а, бхигкавз, убаасигааяо сод̇аабаннаа, санд̇и сагад̣̇ааг̇ааминияо, санд̇и анааг̇ааминияо. саб̣б̣аа д̇аа, бхигкавз, убаасигааяо анибпалаа гаалан̇гад̇аа’’д̇и.

‘‘Santettha, bhikkhave, upāsikāyo sotāpannā, santi sakadāgāminiyo, santi anāgāminiyo. Sabbā tā, bhikkhave, upāsikāyo anipphalā kālaṅkatā’’ti.

ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘мохасамб̣анд̇хано лого, бхаб̣б̣аруубова д̣̇иссад̇и;

‘‘Mohasambandhano loko, bhabbarūpova dissati;

убад̇хиб̣анд̇хано ⁵ б̣аало, д̇амасаа бариваарид̇о;

Upadhibandhano ⁶ bālo, tamasā parivārito;

сассад̇орива ⁷ кааяад̇и, бассад̇о над̇т̇и гин̃жана’’нд̇и. д̣̇асамам̣;

Sassatoriva ⁸ khāyati, passato natthi kiñcana’’nti. dasamaṃ;

д̇ассуд̣̇д̣̇аанам̣ –

Tassuddānaṃ –

д̣̇вз бхад̣̇д̣̇ияаа д̣̇вз жа сад̇д̇аа, лагун̣д̣аго д̇ан̣хаакаяо;

Dve bhaddiyā dve ca sattā, lakuṇḍako taṇhākhayo;

бабан̃жакаяо жа гажжаано, уд̣̇абаанан̃жа уд̇знод̇и.

Papañcakhayo ca kaccāno, udapānañca utenoti.

жуул̣аваг̇г̇о ⁹ сад̇д̇амо нидтид̇о.

Cūḷavaggo ¹⁰ sattamo niṭṭhito.

Next: 8. баадалиг̇аамияаваг̇г̇о • 8. Pāṭaligāmiyavaggo

Footnotes:

1. уд̣̇знасса (сий. сяаа. бий.)

2. бан̃жа ид̇т̇исад̇аани (сий. сяаа. бий.)

3. udenassa (sī. syā. pī.)

4. pañca itthisatāni (sī. syā. pī.)

5. убад̇хисамб̣анд̇хано (га. сий.)

6. upadhisambandhano (ka. sī.)

7. сассад̇и вияа (га. сий.)

8. sassati viya (ka. sī.)

9. жуллаваг̇г̇о (сий.), жуулаваг̇г̇о (бий.)

10. cullavaggo (sī.), cūlavaggo (pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 10. уд̇знасуд̇д̇аван̣н̣анаа • 10. Utenasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact