| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
10. уд̇знасуд̇д̇аван̣н̣анаа
10. Utenasuttavaṇṇanā
70. д̣̇асамз ран̃н̃о уд̇знассаад̇и уд̇знасса наама ран̃н̃о, яо ‘‘важ̇ж̇ирааж̇аа’’д̇иби вужжад̇и. уяяаанаг̇ад̇ассаад̇и уяяаанагийл̣анад̇т̇ам̣ уяяаанам̣ г̇ад̇асса . анаад̣̇арз хи ид̣̇ам̣ саамиважанам̣, ‘‘анд̇збура’’нд̇и бана бад̣̇ам̣ абзгкид̇ваа самб̣анд̇хзбзд̇ам̣ саамиважанам̣ ход̇и. гаалан̇гад̇аанийд̇и аг̇г̇ид̣̇ад̣дхаани худ̇ваа мад̇аани хонд̇и. саамаавад̇ийбамукаанийд̇и зд̇т̇а гаа банааяам̣ саамаавад̇ий, гат̇ан̃жа д̣̇ад̣дхаад̇и? вужжад̇з, бхад̣̇д̣̇авад̇ияам̣ сздтино д̇хийд̇аа гхосагасздтинаа д̇хийд̇удтаанз табид̇аа бан̃жасад̇аид̇т̇ибариваараа ран̃н̃о уд̇знасса аг̇г̇амахзсий мзд̇д̇аавихаараб̣ахулаа арияасаавигаа саамаавад̇ий наама. аяамзд̇т̇а сан̇кзбо, вид̇т̇аарад̇о бана аад̣̇ид̇о бадтааяа саамаавад̇ияаа уббад̇д̇игат̇аа д̇хаммабад̣̇авад̇т̇умхи (д̇ха. ба. адта. 1.20 саамаавад̇ийвад̇т̇у) вуд̇д̇анаязна взд̣̇ид̇аб̣б̣аа. мааг̇ан̣д̣ияасса наама б̣раахман̣асса д̇хийд̇аа ад̇д̇ано маад̇аабид̇уунам̣ –
70. Dasame rañño utenassāti utenassa nāma rañño, yo ‘‘vajjirājā’’tipi vuccati. Uyyānagatassāti uyyānakīḷanatthaṃ uyyānaṃ gatassa . Anādare hi idaṃ sāmivacanaṃ, ‘‘antepura’’nti pana padaṃ apekkhitvā sambandhepetaṃ sāmivacanaṃ hoti. Kālaṅkatānīti aggidaḍḍhāni hutvā matāni honti. Sāmāvatīpamukhānīti ettha kā panāyaṃ sāmāvatī, kathañca daḍḍhāti? Vuccate, bhaddavatiyaṃ seṭṭhino dhītā ghosakaseṭṭhinā dhītuṭṭhāne ṭhapitā pañcasataitthiparivārā rañño utenassa aggamahesī mettāvihārabahulā ariyasāvikā sāmāvatī nāma. Ayamettha saṅkhepo, vitthārato pana ādito paṭṭhāya sāmāvatiyā uppattikathā dhammapadavatthumhi (dha. pa. aṭṭha. 1.20 sāmāvatīvatthu) vuttanayena veditabbā. Māgaṇḍiyassa nāma brāhmaṇassa dhītā attano mātāpitūnaṃ –
‘‘д̣̇исваана д̇ан̣хам̣ арад̇им̣ раг̇ан̃жа,
‘‘Disvāna taṇhaṃ aratiṃ ragañca,
наахоси чанд̣̇о аби мзт̇унасмим̣;
Nāhosi chando api methunasmiṃ;
гимзвид̣̇ам̣ муд̇д̇агарийсабун̣н̣ам̣,
Kimevidaṃ muttakarīsapuṇṇaṃ,
баад̣̇ааби нам̣ сампусид̇ум̣ на ижчз’’д̇и. (су. ни. 841) –
Pādāpi naṃ samphusituṃ na icche’’ti. (su. ni. 841) –
бхаг̇авад̇аа д̣̇зсид̇ам̣ имам̣ г̇аат̇ам̣ суд̇ваа сад̇т̇ари б̣ад̣̇д̇хаагхаад̇аа мааг̇ан̣д̣ияаа абарабхааг̇з ран̃н̃аа уд̇знзна махзсидтаанз табид̇аа бхаг̇авад̇о госамб̣им̣ убаг̇ад̇абхаавам̣, саамаавад̇ийбамукаанан̃жа бан̃жаннам̣ ид̇т̇исад̇аанам̣ убаасигаабхаавам̣ н̃ад̇ваа ‘‘ааг̇ад̇о наама саман̣о г̇од̇амо имам̣ наг̇арам̣, д̣̇аанисса гад̇д̇аб̣б̣ам̣ ж̇ааниссаами, имааби д̇асса убадтааяигаа, имаасамби саамаавад̇ийбамукаанан̃жа гад̇д̇аб̣б̣ам̣ ж̇ааниссаамий’’д̇и анзгабарияааязхи д̇ат̇ааг̇ад̇асса д̇аасан̃жа анад̇т̇ам̣ гаад̇ум̣ вааяамид̇вааби асаггонд̇ий бунзгад̣̇ивасам̣ ран̃н̃аа сад̣̇д̇хим̣ уяяаанагийл̣ам̣ г̇ажчанд̇ий жуул̣абид̇у саасанам̣ бахин̣и ‘‘саамаавад̇ияаа баасаад̣̇ам̣ г̇анд̇ваа д̣̇уссагодтааг̇аарад̇злагодтааг̇аараани вивараабзд̇ваа д̣̇уссаани д̇злажаадийсу д̇змзд̇ваа т̇амбхз взтзд̇ваа д̇аа саб̣б̣аа згад̇о гад̇ваа д̣̇ваарам̣ бид̣̇ахид̇ваа б̣ахи яанд̇ам̣ д̣̇ад̇ваа д̣̇ан̣д̣ад̣̇ийбигаахи г̇зхз аг̇г̇им̣ д̣̇ад̣̇амаано од̇арид̇ваа г̇ажчад̇уу’’д̇и.
Bhagavatā desitaṃ imaṃ gāthaṃ sutvā satthari baddhāghātā māgaṇḍiyā aparabhāge raññā utenena mahesiṭṭhāne ṭhapitā bhagavato kosambiṃ upagatabhāvaṃ, sāmāvatīpamukhānañca pañcannaṃ itthisatānaṃ upāsikābhāvaṃ ñatvā ‘‘āgato nāma samaṇo gotamo imaṃ nagaraṃ, dānissa kattabbaṃ jānissāmi, imāpi tassa upaṭṭhāyikā, imāsampi sāmāvatīpamukhānañca kattabbaṃ jānissāmī’’ti anekapariyāyehi tathāgatassa tāsañca anatthaṃ kātuṃ vāyamitvāpi asakkontī punekadivasaṃ raññā saddhiṃ uyyānakīḷaṃ gacchantī cūḷapitu sāsanaṃ pahiṇi ‘‘sāmāvatiyā pāsādaṃ gantvā dussakoṭṭhāgāratelakoṭṭhāgārāni vivarāpetvā dussāni telacāṭīsu temetvā thambhe veṭhetvā tā sabbā ekato katvā dvāraṃ pidahitvā bahi yantaṃ datvā daṇḍadīpikāhi gehe aggiṃ dadamāno otaritvā gacchatū’’ti.
д̇ам̣ суд̇ваа со баасаад̣̇ам̣ абхируяха годтааг̇аараани виварид̇ваа вад̇т̇аани д̇злажаадийсу д̇змзд̇ваа т̇амбхз взтзд̇ум̣ аарабхи. ат̇а нам̣ саамаавад̇ийбамукаа ид̇т̇ияо ‘‘гим̣ зд̇ам̣ жуул̣абид̇аа’’д̇и вад̣̇анд̇ияо убасан̇гамим̣су. ‘‘аммаа, рааж̇аа д̣̇ал̣хигаммад̇т̇ааяа имз т̇амбхз д̇злабилод̇игаахи б̣анд̇хаабзд̇и , рааж̇аг̇зхз наама суяуд̇д̇ад̣̇уяуд̇д̇ам̣ д̣̇уж̇ж̇аанам̣, маа мз санд̇игз хот̇аа’’д̇и вад̇ваа д̇аа ааг̇ад̇аа г̇аб̣бхзсу бавзсзд̇ваа д̣̇ваараани бид̣̇ахид̇ваа б̣ахи яанд̇агам̣ д̣̇ад̇ваа аад̣̇ид̇о бадтааяа аг̇г̇им̣ д̣̇знд̇о од̇ари. саамаавад̇ий д̇аасам̣ оваад̣̇ам̣ ад̣̇ааси, ‘‘аммаа, анамад̇аг̇г̇з сам̣саарз вижаранд̇ийнам̣ звамзва аг̇г̇инаа жхаамад̇д̇абхааваанам̣ б̣уд̣̇д̇хан̃аан̣знаби барижчзд̣̇о на сугаро, аббамад̇д̇аа хот̇аа’’д̇и. д̇аа сад̇т̇у санд̇игз д̇хаммам̣ суд̇ваа ад̇хиг̇ад̇апалааяа вин̃н̃аад̇асаасанааяа куж̇ж̇уд̇д̇арааяа арияасаавигааяа сзгкабадисамбхид̣̇аабад̇д̇ааяа сад̇т̇аараа д̣̇зсид̇анияаамзнзва д̇хаммам̣ д̣̇зсзнд̇ияаа санд̇игз сод̇аабад̇д̇ипаласса ад̇хиг̇ад̇аа анд̇аранд̇араа гаммадтаанаманасигаарзна яуд̇д̇аббаяуд̇д̇аа г̇зхз жхааяанд̇з взд̣̇анаабариг̇г̇ахагаммадтаанам̣ манаси гаронд̇ияо гаажи д̣̇уд̇ияапалам̣, гаажи д̇ад̇ияапалам̣ баабун̣ид̇ваа гааламагам̣су. ат̇а бхигкуу госамб̣ияам̣ бин̣д̣ааяа жаранд̇аа д̇ам̣ бавад̇д̇им̣ н̃ад̇ваа бажчаабхад̇д̇ам̣ бхаг̇авад̇о аарожзд̇ваа д̇аасам̣ абхисамбарааяам̣ бужчим̣су. бхаг̇аваа жа д̇аасам̣ арияапалаад̇хиг̇амам̣ бхигкуунам̣ абхааси. д̇зна вуд̇д̇ам̣ – ‘‘д̇зна ко бана самаязна ран̃н̃о уд̇знасса…бз… анибпалаа гаалан̇гад̇аа’’д̇и.
Taṃ sutvā so pāsādaṃ abhiruyha koṭṭhāgārāni vivaritvā vatthāni telacāṭīsu temetvā thambhe veṭhetuṃ ārabhi. Atha naṃ sāmāvatīpamukhā itthiyo ‘‘kiṃ etaṃ cūḷapitā’’ti vadantiyo upasaṅkamiṃsu. ‘‘Ammā, rājā daḷhikammatthāya ime thambhe telapilotikāhi bandhāpeti , rājagehe nāma suyuttaduyuttaṃ dujjānaṃ, mā me santike hothā’’ti vatvā tā āgatā gabbhesu pavesetvā dvārāni pidahitvā bahi yantakaṃ datvā ādito paṭṭhāya aggiṃ dento otari. Sāmāvatī tāsaṃ ovādaṃ adāsi, ‘‘ammā, anamatagge saṃsāre vicarantīnaṃ evameva agginā jhāmattabhāvānaṃ buddhañāṇenapi paricchedo na sukaro, appamattā hothā’’ti. Tā satthu santike dhammaṃ sutvā adhigataphalāya viññātasāsanāya khujjuttarāya ariyasāvikāya sekkhapaṭisambhidāpattāya satthārā desitaniyāmeneva dhammaṃ desentiyā santike sotāpattiphalassa adhigatā antarantarā kammaṭṭhānamanasikārena yuttappayuttā gehe jhāyante vedanāpariggahakammaṭṭhānaṃ manasi karontiyo kāci dutiyaphalaṃ, kāci tatiyaphalaṃ pāpuṇitvā kālamakaṃsu. Atha bhikkhū kosambiyaṃ piṇḍāya carantā taṃ pavattiṃ ñatvā pacchābhattaṃ bhagavato ārocetvā tāsaṃ abhisamparāyaṃ pucchiṃsu. Bhagavā ca tāsaṃ ariyaphalādhigamaṃ bhikkhūnaṃ abhāsi. Tena vuttaṃ – ‘‘tena kho pana samayena rañño utenassa…pe… anipphalā kālaṅkatā’’ti.
д̇ад̇т̇а анибпалаад̇и на нибпалаа, самбад̇д̇асааман̃н̃апалаа зва гаалан̇гад̇аа. д̇аа бана палаани бадилабханд̇ияо саамаавад̇ияаа –
Tattha anipphalāti na nipphalā, sampattasāmaññaphalā eva kālaṅkatā. Tā pana phalāni paṭilabhantiyo sāmāvatiyā –
‘‘аарамбхат̇а ниггамат̇а, яун̃ж̇ат̇а б̣уд̣̇д̇хасаасанз;
‘‘Ārambhatha nikkamatha, yuñjatha buddhasāsane;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро.
Dhunātha maccuno senaṃ, naḷāgāraṃva kuñjaro.
‘‘яо имасмим̣ д̇хаммавинаяз, аббамад̇д̇о вихассад̇и;
‘‘Yo imasmiṃ dhammavinaye, appamatto vihassati;
бахааяа ж̇аад̇исам̣саарам̣, д̣̇угкассанд̇ам̣ гариссад̇ий’’д̇и. (сам̣. ни. 1.185; нзд̇д̇и. 29) –
Pahāya jātisaṃsāraṃ, dukkhassantaṃ karissatī’’ti. (saṃ. ni. 1.185; netti. 29) –
г̇аат̇аахи овад̣̇ияамаанаа взд̣̇анаабариг̇г̇ахагаммадтаанам̣ манаси гаронд̇ияо вибассид̇ваа д̣̇уд̇ияад̇ад̇ияапалаани бадилабхим̣су. куж̇ж̇уд̇д̇араа бана ааяусзсасса ад̇т̇ид̇ааяа, буб̣б̣з д̇аад̣̇исасса гаммасса агад̇ад̇д̇аа жа д̇ад̇о баасаад̣̇ад̇о б̣ахи ахоси. ‘‘д̣̇асаяож̇ананд̇арз баггаамий’’д̇и жа вад̣̇анд̇и. ат̇а бхигкуу д̇хаммасабхааяам̣ гат̇ам̣ самудтаабзсум̣, ‘‘аавусо, ананужчавигам̣ вад̇а арияасаавигаанам̣ зваруубам̣ маран̣а’’нд̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з , ‘‘бхигкавз, яад̣̇иби д̇аасам̣ имасмим̣ ад̇д̇абхаавз аяуд̇д̇ам̣, буб̣б̣з гад̇агаммасса бана яуд̇д̇амзва д̇аахи лад̣̇д̇ха’’нд̇и вад̇ваа д̇зхи яаажид̇о ад̇ийд̇ам̣ аахари.
Gāthāhi ovadiyamānā vedanāpariggahakammaṭṭhānaṃ manasi karontiyo vipassitvā dutiyatatiyaphalāni paṭilabhiṃsu. Khujjuttarā pana āyusesassa atthitāya, pubbe tādisassa kammassa akatattā ca tato pāsādato bahi ahosi. ‘‘Dasayojanantare pakkāmī’’ti ca vadanti. Atha bhikkhū dhammasabhāyaṃ kathaṃ samuṭṭhāpesuṃ, ‘‘āvuso, ananucchavikaṃ vata ariyasāvikānaṃ evarūpaṃ maraṇa’’nti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte , ‘‘bhikkhave, yadipi tāsaṃ imasmiṃ attabhāve ayuttaṃ, pubbe katakammassa pana yuttameva tāhi laddha’’nti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з адта бажжзгаб̣уд̣̇д̇хаа ран̃н̃о нивзсанз ниб̣ад̣̇д̇хам̣ бхун̃ж̇анд̇и. бан̃жасад̇аа ид̇т̇ияо д̇з убадтаханд̇и. д̇зсу сад̇д̇а ж̇анаа химаванд̇ам̣ г̇ажчанд̇и, зго над̣̇ийд̇ийрасамийбз згасмим̣ д̇ин̣аг̇аханз самаабад̇д̇ияаа нисийд̣̇ад̇и. ат̇згад̣̇ивасам̣ рааж̇аа бажжзгаб̣уд̣̇д̇хзсу г̇ад̇зсу д̇аахи ид̇т̇ийхи сад̣̇д̇хим̣ уд̣̇агагийл̣ам̣ гийл̣ид̇угаамо д̇ад̇т̇а г̇ад̇о. д̇аа ид̇т̇ияо д̣̇ивасабхааг̇ам̣ уд̣̇агз гийл̣ид̇ваа сийд̇абийл̣ид̇аа висиб̣б̣ид̇угаамаа д̇ам̣ д̇ин̣аг̇аханам̣ убари висугкад̇ин̣асан̃чаннам̣ ‘‘д̇ин̣араасий’’д̇и сан̃н̃ааяа бариваарзд̇ваа аг̇г̇им̣ д̣̇ад̇ваа д̇ин̣зсу жхааяид̇ваа бад̇анд̇зсу бажжзгаб̣уд̣̇д̇хам̣ д̣̇исваа ‘‘ран̃н̃о бажжзгаб̣уд̣̇д̇хо жхааяад̇и, д̇ам̣ рааж̇аа н̃ад̇ваа амхз наасзссад̇и, суд̣̇ад̣дхам̣ нам̣ гариссаамаа’’д̇и саб̣б̣аа ид̇о жид̇о жа д̣̇ааруаад̣̇ийни аахарид̇ваа д̇асса убари раасим̣ гад̇ваа аалимбзд̇ваа ‘‘ид̣̇аани жхааяиссад̇ий’’д̇и баггамим̣су. д̇аа батамам̣ асан̃жзд̇анигаа худ̇ваа ид̣̇аани гаммунаа б̣аж̇жхим̣су. бажжзгаб̣уд̣̇д̇хам̣ бана анд̇осамаабад̇д̇ияам̣ сажз д̣̇ааруунам̣ сагадасахассамби аахарид̇ваа аалимбзнд̇аа усумаагаарамад̇д̇амби г̇аахзд̇ум̣ на саггонд̇и, д̇асмаа со сад̇д̇амз д̣̇ивасз удтааяа яат̇аасукам̣ аг̇амааси. д̇аа д̇асса гаммасса гад̇ад̇д̇аа б̣ахууни вассасахассаани б̣ахууни вассасад̇асахассаани нираяз бажжид̇ваа д̇ассзва гаммасса вибаагаавасзсзна ад̇д̇абхаавасад̇з иминаава нияаамзна г̇зхз жхааяамаанз жхааяим̣су. ид̣̇ам̣ д̇аасам̣ буб̣б̣агаммам̣.
Atīte bārāṇasiyaṃ brahmadatte rajjaṃ kārente aṭṭha paccekabuddhā rañño nivesane nibaddhaṃ bhuñjanti. Pañcasatā itthiyo te upaṭṭhahanti. Tesu satta janā himavantaṃ gacchanti, eko nadītīrasamīpe ekasmiṃ tiṇagahane samāpattiyā nisīdati. Athekadivasaṃ rājā paccekabuddhesu gatesu tāhi itthīhi saddhiṃ udakakīḷaṃ kīḷitukāmo tattha gato. Tā itthiyo divasabhāgaṃ udake kīḷitvā sītapīḷitā visibbitukāmā taṃ tiṇagahanaṃ upari visukkhatiṇasañchannaṃ ‘‘tiṇarāsī’’ti saññāya parivāretvā aggiṃ datvā tiṇesu jhāyitvā patantesu paccekabuddhaṃ disvā ‘‘rañño paccekabuddho jhāyati, taṃ rājā ñatvā amhe nāsessati, sudaḍḍhaṃ naṃ karissāmā’’ti sabbā ito cito ca dāruādīni āharitvā tassa upari rāsiṃ katvā ālimpetvā ‘‘idāni jhāyissatī’’ti pakkamiṃsu. Tā paṭhamaṃ asañcetanikā hutvā idāni kammunā bajjhiṃsu. Paccekabuddhaṃ pana antosamāpattiyaṃ sace dārūnaṃ sakaṭasahassampi āharitvā ālimpentā usumākāramattampi gāhetuṃ na sakkonti, tasmā so sattame divase uṭṭhāya yathāsukhaṃ agamāsi. Tā tassa kammassa katattā bahūni vassasahassāni bahūni vassasatasahassāni niraye paccitvā tasseva kammassa vipākāvasesena attabhāvasate imināva niyāmena gehe jhāyamāne jhāyiṃsu. Idaṃ tāsaṃ pubbakammaṃ.
яасмаа бана д̇з имасмим̣ ад̇д̇абхаавз арияапалаани сажчаагам̣су, рад̇анад̇д̇аяам̣ баяирубаасим̣су, д̇асмаа д̇ад̇т̇а анааг̇ааминияо суд̣̇д̇хааваасзсу убабаннаа, ид̇араа гаажи д̇аавад̇им̣сзсу, гаажи яаамзсу, гаажи д̇усид̇зсу, гаажи ниммаанарад̇ийсу, гаажи бараниммид̇авасавад̇д̇ийсу убабаннаа.
Yasmā pana te imasmiṃ attabhāve ariyaphalāni sacchākaṃsu, ratanattayaṃ payirupāsiṃsu, tasmā tattha anāgāminiyo suddhāvāsesu upapannā, itarā kāci tāvatiṃsesu, kāci yāmesu, kāci tusitesu, kāci nimmānaratīsu, kāci paranimmitavasavattīsu upapannā.
рааж̇ааби ко уд̇зно ‘‘саамаавад̇ияаа г̇зхам̣ гира жхааяад̇ий’’д̇и суд̇ваа взг̇зна ааг̇ажчанд̇оби д̇ам̣ бад̣̇зсам̣ д̇аасу д̣̇ад̣дхаасуязва самбаабун̣и. ааг̇анд̇ваа бана г̇зхам̣ ниб̣б̣аабзд̇ваа уббаннаб̣алавад̣̇оманассо мааг̇ан̣д̣ияааяа д̇ат̇аа гаарид̇абхаавам̣ убааязна н̃ад̇ваа арияасаавигаасу гад̇аабараад̇хагаммунаа жод̣̇ияамаано д̇ассаа рааж̇аан̣ам̣ гаарзси сад̣̇д̇хим̣ н̃аад̇агзхи. звам̣ саа сабариж̇анаа самид̇д̇аб̣анд̇хаваа анаяаб̣яасанам̣ баабун̣и.
Rājāpi kho uteno ‘‘sāmāvatiyā gehaṃ kira jhāyatī’’ti sutvā vegena āgacchantopi taṃ padesaṃ tāsu daḍḍhāsuyeva sampāpuṇi. Āgantvā pana gehaṃ nibbāpetvā uppannabalavadomanasso māgaṇḍiyāya tathā kāritabhāvaṃ upāyena ñatvā ariyasāvikāsu katāparādhakammunā codiyamāno tassā rājāṇaṃ kāresi saddhiṃ ñātakehi. Evaṃ sā saparijanā samittabandhavā anayabyasanaṃ pāpuṇi.
зд̇амад̇т̇ам̣ вид̣̇ид̇ваад̇и зд̇ам̣ саамаавад̇ийбамукаанам̣ д̇аасам̣ ид̇т̇ийнам̣ аг̇г̇имхи анаяаб̣яасанаабад̇д̇ихзд̇ум̣, мааг̇ан̣д̣ияааяа жа самид̇д̇аб̣анд̇хавааяа рааж̇аан̣ааяа анаяаб̣яасанаабад̇д̇инимид̇д̇ам̣ саб̣б̣аагаарад̇о вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃviditvāti etaṃ sāmāvatīpamukhānaṃ tāsaṃ itthīnaṃ aggimhi anayabyasanāpattihetuṃ, māgaṇḍiyāya ca samittabandhavāya rājāṇāya anayabyasanāpattinimittaṃ sabbākārato viditvā tadatthadīpanaṃ imaṃ udānaṃ udānesi.
д̇ад̇т̇а мохасамб̣анд̇хано лого, бхаб̣б̣аруубова д̣̇иссад̇ийд̇и яо ид̇ха сад̇д̇алого бхаб̣б̣аруубова хзд̇усамбанно вияа худ̇ваа д̣̇иссад̇и, соби мохасамб̣анд̇хано мохзна балиг̇ун̣тид̇о ад̇д̇ахид̇аахид̇ам̣ аж̇аананд̇о хид̇з на бадибаж̇ж̇ад̇и, ахид̇ам̣ д̣̇угкаавахам̣ б̣ахун̃жа абун̃н̃ам̣ аажинаад̇и. ‘‘бхаваруубова д̣̇иссад̇ий’’д̇иби баато. д̇ассад̇т̇о – аяам̣ лого мохасамб̣анд̇хано мохзна балиг̇ун̣тид̇о, д̇ад̇о зва бхаваруубова сассад̇асабхааво вияасса ад̇д̇аа д̣̇иссад̇и, аж̇араамаро вияа убадтаад̇и, язна баан̣аад̇ибаад̇аад̣̇ийни агад̇д̇аб̣б̣аани гарод̇и.
Tattha mohasambandhano loko, bhabbarūpova dissatīti yo idha sattaloko bhabbarūpova hetusampanno viya hutvā dissati, sopi mohasambandhano mohena paliguṇṭhito attahitāhitaṃ ajānanto hite na paṭipajjati, ahitaṃ dukkhāvahaṃ bahuñca apuññaṃ ācināti. ‘‘Bhavarūpova dissatī’’tipi pāṭho. Tassattho – ayaṃ loko mohasambandhano mohena paliguṇṭhito, tato eva bhavarūpova sassatasabhāvo viyassa attā dissati, ajarāmaro viya upaṭṭhāti, yena pāṇātipātādīni akattabbāni karoti.
убад̇хиб̣анд̇хано б̣аало, д̇амасаа бариваарид̇о. сассад̇орива кааяад̇ийд̇и на гзвалан̃жа мохасамб̣анд̇хано зва, абижа ко убад̇хиб̣анд̇ханоби аяам̣ анд̇хаб̣аалалого авиж̇ж̇аад̇амасаа бариваарид̇о. ид̣̇ам̣ вуд̇д̇ам̣ ход̇и – язна н̃аан̣зна авибарийд̇ам̣ гаамз жа канд̇хз жа ‘‘анижжаа д̣̇угкаа вибарин̣аамад̇хаммаа’’д̇и бассзяяа, д̇асса абхаавад̇о яасмаа б̣аало анд̇хабут̇уж̇ж̇ано ан̃н̃аан̣ад̇амасаа саманд̇ад̇о бариваарид̇о нивуд̇о, д̇асмаа со гаамуубад̇хи гилзсуубад̇хи канд̇хуубад̇хийд̇и имзсам̣ убад̇хийнам̣ васзна жа убад̇хиб̣анд̇хано, д̇ад̇о зва жасса собад̇хисса бассад̇о сассад̇о вияа нижжо саб̣б̣агаалабхаавий вияа кааяад̇и. ‘‘асассад̇ирива кааяад̇ий’’д̇иби баато. д̇ассад̇т̇о – ад̇д̇аа саб̣б̣агаалам̣ виж̇ж̇ад̇и убалаб̣бхад̇ийд̇и ан̃н̃о асассад̇и анижжод̇и логасса со убад̇хи мижчаабхинивзсавасзна згад̣̇зсо вияа кааяад̇и, убадтахад̇ийд̇и ад̇т̇о. рагааро хи бад̣̇асанд̇хигаро. бассад̇о над̇т̇и гин̃жананд̇и яо бана сан̇каарз бариг̇г̇ахзд̇ваа анижжаад̣̇ивасзна вибассад̇и, д̇ассзва вибассанаабан̃н̃аасахид̇ааяа маг̇г̇абан̃н̃ааяа яат̇аабхууд̇ам̣ бассад̇о ж̇аанад̇о бадивиж̇жхад̇о рааг̇аад̣̇игин̃жанам̣ над̇т̇и, язна сам̣саарз б̣аж̇жхзяяа. д̇ат̇аа абассанд̇о зва хи авиж̇ж̇аад̇ан̣хаад̣̇идтиаад̣̇иб̣анд̇ханзхи сам̣саарз б̣ад̣̇д̇хо сияаад̇и ад̇хиббааяо.
Upadhibandhanobālo, tamasā parivārito. Sassatoriva khāyatīti na kevalañca mohasambandhano eva, apica kho upadhibandhanopi ayaṃ andhabālaloko avijjātamasā parivārito. Idaṃ vuttaṃ hoti – yena ñāṇena aviparītaṃ kāme ca khandhe ca ‘‘aniccā dukkhā vipariṇāmadhammā’’ti passeyya, tassa abhāvato yasmā bālo andhaputhujjano aññāṇatamasā samantato parivārito nivuto, tasmā so kāmūpadhi kilesūpadhi khandhūpadhīti imesaṃ upadhīnaṃ vasena ca upadhibandhano, tato eva cassa sopadhissa passato sassato viya nicco sabbakālabhāvī viya khāyati. ‘‘Asassatiriva khāyatī’’tipi pāṭho. Tassattho – attā sabbakālaṃ vijjati upalabbhatīti añño asassati aniccoti lokassa so upadhi micchābhinivesavasena ekadeso viya khāyati, upaṭṭhahatīti attho. Rakāro hi padasandhikaro. Passato natthi kiñcananti yo pana saṅkhāre pariggahetvā aniccādivasena vipassati, tasseva vipassanāpaññāsahitāya maggapaññāya yathābhūtaṃ passato jānato paṭivijjhato rāgādikiñcanaṃ natthi, yena saṃsāre bajjheyya. Tathā apassanto eva hi avijjātaṇhādiṭṭhiādibandhanehi saṃsāre baddho siyāti adhippāyo.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
нидтид̇аа жа жуул̣аваг̇г̇аван̣н̣анаа.
Niṭṭhitā ca cūḷavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 10. уд̇знасуд̇д̇ам̣ • 10. Utenasuttaṃ
