| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
2. уд̇д̇амаат̇зрийг̇аат̇ааван̣н̣анаа
2. Uttamātherīgāthāvaṇṇanā
жад̇угкад̇д̇ум̣ бан̃жагкад̇д̇унд̇иаад̣̇игаа уд̇д̇амааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий вибассисса бхаг̇авад̇о гаалз б̣анд̇хумад̇ийнаг̇арз ан̃н̃ад̇арасса гудумб̣игасса г̇зхз гхарад̣̇аасий худ̇ваа ниб̣б̣ад̇д̇и. саа ваяаббад̇д̇аа ад̇д̇ано аяяагаанам̣ взяяааважжам̣ гаронд̇ий ж̇ийвад̇и. д̇зна жа самаязна б̣анд̇хумарааж̇аа бун̣н̣амийд̣̇ивасз убосат̇иго худ̇ваа бурзбхад̇д̇ам̣ д̣̇аанаани д̣̇ад̇ваа бажчаабхад̇д̇ам̣ г̇анд̇ваа д̇хаммам̣ сун̣аад̇и. ат̇а махааж̇анаа яат̇аа рааж̇аа бадибаж̇ж̇ад̇и, д̇ат̇зва бун̣н̣амийд̣̇ивасз убосат̇ан̇г̇аани самаад̣̇ааяа вад̇д̇анд̇и. ат̇ассаа д̣̇аасияаа зд̇ад̣̇ахоси – ‘‘зд̇арахи ко махаарааж̇аа махааж̇анаа жа убосат̇ан̇г̇аани самаад̣̇ааяа вад̇д̇анд̇и, яам̣нуунаахам̣ убосат̇ад̣̇ивасзсу убосат̇асийлам̣ самаад̣̇ааяа вад̇д̇зяяа’’нд̇и. саа д̇ат̇аа гаронд̇ий субарисуд̣̇д̇хам̣ убосат̇асийлам̣ рагкид̇ваа д̇аавад̇им̣сзсу ниб̣б̣ад̇д̇аа абараабарам̣ суг̇ад̇ийсуязва сам̣саранд̇ий имасмим̣ б̣уд̣̇д̇хуббаад̣̇з саавад̇т̇ияам̣ сздтигулз ниб̣б̣ад̇д̇ид̇ваа вин̃н̃уд̇ам̣ бад̇ваа бадаажаарааяа т̇зрияаа санд̇игз д̇хаммам̣ суд̇ваа баб̣б̣аж̇ид̇ваа вибассанам̣ бадтабзд̇ваа д̇ам̣ мад̇т̇агам̣ баабзд̇ум̣ наасагки. бадаажаараа т̇зрий д̇ассаа жид̇д̇аажаарам̣ н̃ад̇ваа оваад̣̇амад̣̇ааси. саа д̇ассаа оваад̣̇з тад̇ваа саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.2.1-21) –
Catukkhattuṃ pañcakkhattuntiādikā uttamāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī vipassissa bhagavato kāle bandhumatīnagare aññatarassa kuṭumbikassa gehe gharadāsī hutvā nibbatti. Sā vayappattā attano ayyakānaṃ veyyāvaccaṃ karontī jīvati. Tena ca samayena bandhumarājā puṇṇamīdivase uposathiko hutvā purebhattaṃ dānāni datvā pacchābhattaṃ gantvā dhammaṃ suṇāti. Atha mahājanā yathā rājā paṭipajjati, tatheva puṇṇamīdivase uposathaṅgāni samādāya vattanti. Athassā dāsiyā etadahosi – ‘‘etarahi kho mahārājā mahājanā ca uposathaṅgāni samādāya vattanti, yaṃnūnāhaṃ uposathadivasesu uposathasīlaṃ samādāya vatteyya’’nti. Sā tathā karontī suparisuddhaṃ uposathasīlaṃ rakkhitvā tāvatiṃsesu nibbattā aparāparaṃ sugatīsuyeva saṃsarantī imasmiṃ buddhuppāde sāvatthiyaṃ seṭṭhikule nibbattitvā viññutaṃ patvā paṭācārāya theriyā santike dhammaṃ sutvā pabbajitvā vipassanaṃ paṭṭhapetvā taṃ matthakaṃ pāpetuṃ nāsakkhi. Paṭācārā therī tassā cittācāraṃ ñatvā ovādamadāsi. Sā tassā ovāde ṭhatvā saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.2.1-21) –
‘‘наг̇арз б̣анд̇хумад̇ияаа, б̣анд̇хумаа наама кад̇д̇ияо;
‘‘Nagare bandhumatiyā, bandhumā nāma khattiyo;
д̣̇ивасз бун̣н̣амааяа со, убаваси убосат̇ам̣.
Divase puṇṇamāya so, upavasi uposathaṃ.
‘‘ахам̣ д̇зна самаязна, гумбхад̣̇аасий ахам̣ д̇ахим̣;
‘‘Ahaṃ tena samayena, kumbhadāsī ahaṃ tahiṃ;
д̣̇исваа сарааж̇агам̣ сзнам̣, зваахам̣ жинд̇аяим̣ д̇ад̣̇аа.
Disvā sarājakaṃ senaṃ, evāhaṃ cintayiṃ tadā.
‘‘рааж̇ааби раж̇ж̇ам̣ чад̣д̣зд̇ваа, убаваси убосат̇ам̣;
‘‘Rājāpi rajjaṃ chaḍḍetvā, upavasi uposathaṃ;
сапалам̣ нууна д̇ам̣ гаммам̣, ж̇анагааяо бамод̣̇ид̇о.
Saphalaṃ nūna taṃ kammaṃ, janakāyo pamodito.
‘‘яонисо бажжавзгкид̇ваа, д̣̇уг̇г̇ажжан̃жа д̣̇алид̣̇д̣̇ад̇ам̣;
‘‘Yoniso paccavekkhitvā, duggaccañca daliddataṃ;
маанасам̣ самбахам̣сид̇ваа, убавасим̣ убосат̇ам̣.
Mānasaṃ sampahaṃsitvā, upavasiṃ uposathaṃ.
‘‘ахам̣ убосат̇ам̣ гад̇ваа, саммаасамб̣уд̣̇д̇хасаасанз;
‘‘Ahaṃ uposathaṃ katvā, sammāsambuddhasāsane;
д̇зна гаммзна сугад̇зна, д̇аавад̇им̣самаг̇ажчахам̣.
Tena kammena sukatena, tāvatiṃsamagacchahaṃ.
‘‘д̇ад̇т̇а мз сугад̇ам̣ б̣яамхам̣, уб̣бхаяож̇анамуг̇г̇ад̇ам̣;
‘‘Tattha me sukataṃ byamhaṃ, ubbhayojanamuggataṃ;
гуудааг̇аараваруубзд̇ам̣, махаасанасубхуусид̇ам̣.
Kūṭāgāravarūpetaṃ, mahāsanasubhūsitaṃ.
‘‘ажчараа сад̇асахассаа, убад̇идтанд̇и мам̣ сад̣̇аа;
‘‘Accharā satasahassā, upatiṭṭhanti maṃ sadā;
ан̃н̃з д̣̇звз ад̇иггамма, ад̇ирожаами саб̣б̣ад̣̇аа.
Aññe deve atikkamma, atirocāmi sabbadā.
‘‘жад̇усадтид̣̇зварааж̇уунам̣, махзсид̇д̇амагаараяим̣;
‘‘Catusaṭṭhidevarājūnaṃ, mahesittamakārayiṃ;
д̇зсадтижаггавад̇д̇ийнам̣, махзсид̇д̇амагаараяим̣.
Tesaṭṭhicakkavattīnaṃ, mahesittamakārayiṃ.
‘‘суван̣н̣аван̣н̣аа худ̇ваана, бхавзсу сам̣сараамахам̣;
‘‘Suvaṇṇavaṇṇā hutvāna, bhavesu saṃsarāmahaṃ;
саб̣б̣ад̇т̇а бавараа хоми, убосат̇ассид̣̇ам̣ палам̣.
Sabbattha pavarā homi, uposathassidaṃ phalaṃ.
‘‘хад̇т̇ияаанам̣ ассаяаанам̣, рат̇аяаанан̃жа сийвигам̣;
‘‘Hatthiyānaṃ assayānaṃ, rathayānañca sīvikaṃ;
лабхаами саб̣б̣амзвзд̇ам̣, убосат̇ассид̣̇ам̣ палам̣.
Labhāmi sabbamevetaṃ, uposathassidaṃ phalaṃ.
‘‘сон̣н̣амаяам̣ руубимаяам̣, ат̇оби палигаамаяам̣;
‘‘Soṇṇamayaṃ rūpimayaṃ, athopi phalikāmayaṃ;
лохид̇ан̇г̇амаяан̃жзва, саб̣б̣ам̣ бадилабхаамахам̣.
Lohitaṅgamayañceva, sabbaṃ paṭilabhāmahaṃ.
‘‘госзяяагамб̣алияаани, комагаббаасигаани жа;
‘‘Koseyyakambaliyāni, khomakappāsikāni ca;
махаг̇гхаани жа вад̇т̇аани, саб̣б̣ам̣ бадилабхаамахам̣.
Mahagghāni ca vatthāni, sabbaṃ paṭilabhāmahaṃ.
‘‘аннам̣ баанам̣ каад̣̇анийяам̣, вад̇т̇асзнаасанаани жа;
‘‘Annaṃ pānaṃ khādanīyaṃ, vatthasenāsanāni ca;
саб̣б̣амзд̇ам̣ бадилабхз, убосат̇ассид̣̇ам̣ палам̣.
Sabbametaṃ paṭilabhe, uposathassidaṃ phalaṃ.
‘‘вараг̇анд̇хан̃жа маалан̃жа, жун̣н̣аган̃жа вилзбанам̣;
‘‘Varagandhañca mālañca, cuṇṇakañca vilepanaṃ;
саб̣б̣амзд̇ам̣ бадилабхз, убосат̇ассид̣̇ам̣ палам̣.
Sabbametaṃ paṭilabhe, uposathassidaṃ phalaṃ.
‘‘гуудааг̇ааран̃жа баасаад̣̇ам̣, ман̣д̣абам̣ хаммияам̣ г̇ухам̣;
‘‘Kūṭāgārañca pāsādaṃ, maṇḍapaṃ hammiyaṃ guhaṃ;
саб̣б̣амзд̇ам̣ бадилабхз, убосат̇ассид̣̇ам̣ палам̣.
Sabbametaṃ paṭilabhe, uposathassidaṃ phalaṃ.
‘‘ж̇аад̇ияаа сад̇д̇авассаахам̣, баб̣б̣аж̇им̣ анаг̇аарияам̣;
‘‘Jātiyā sattavassāhaṃ, pabbajiṃ anagāriyaṃ;
ад̣дхамаасз асамбад̇д̇з, арахад̇д̇амабаабун̣им̣.
Aḍḍhamāse asampatte, arahattamapāpuṇiṃ.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘зганавуд̇ид̇о габбз, яам̣ гаммамагарим̣ д̇ад̣̇аа;
‘‘Ekanavutito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, убосат̇ассид̣̇ам̣ палам̣.
Duggatiṃ nābhijānāmi, uposathassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Arahattaṃ pana patvā attano paṭipattiṃ paccavekkhitvā udānavasena –
42.
42.
‘‘жад̇угкад̇д̇ум̣ бан̃жагкад̇д̇ум̣, вихаараа убанигкамим̣;
‘‘Catukkhattuṃ pañcakkhattuṃ, vihārā upanikkhamiṃ;
алад̣̇д̇хаа жзд̇асо санд̇им̣, жид̇д̇з авасавад̇д̇иний.
Aladdhā cetaso santiṃ, citte avasavattinī.
43.
43.
‘‘саа бхигкуним̣ убааг̇ажчим̣, яаа мз сад̣̇д̇хааяигаа аху;
‘‘Sā bhikkhuniṃ upāgacchiṃ, yā me saddhāyikā ahu;
саа мз д̇хаммамад̣̇зсзси, канд̇хааяад̇анад̇хаад̇уяо.
Sā me dhammamadesesi, khandhāyatanadhātuyo.
44.
44.
‘‘д̇ассаа д̇хаммам̣ сун̣ид̇ваана, яат̇аа мам̣ анусааси саа;
‘‘Tassā dhammaṃ suṇitvāna, yathā maṃ anusāsi sā;
сад̇д̇аахам̣ згабаллан̇гзна, нисийд̣̇им̣ бийд̇исукасамаббид̇аа;
Sattāhaṃ ekapallaṅkena, nisīdiṃ pītisukhasamappitā;
адтамияаа баад̣̇з басаарзсим̣, д̇амоканд̇хам̣ бад̣̇аалияаа’’д̇и. –
Aṭṭhamiyā pāde pasāresiṃ, tamokhandhaṃ padāliyā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а саа бхигкуним̣ убааг̇ажчим̣ , яаа мз сад̣̇д̇хааяигаа ахууд̇и яаа маяаа сад̣̇д̇хаад̇аб̣б̣аа сад̣̇д̇хзяяаважанаа ахоси, д̇ам̣ бхигкуним̣ саахам̣ убаг̇ажчим̣ убасан̇гамим̣, бадаажаараат̇зрим̣ сад̣̇д̇хааяа вад̣̇ад̇и. ‘‘саа бхигкуний убаг̇ажчи, яаа мз саад̇хаяигаа’’д̇иби баато. саа бадаажаараа бхигкуний анугамбааяа мам̣ убаг̇ажчи, яаа маяхам̣ сад̣̇ад̇т̇асса саад̇хигаад̇и ад̇т̇о. саа мз д̇хаммамад̣̇зсзси, канд̇хааяад̇анад̇хаад̇уяод̇и саа бадаажаараа т̇зрий ‘‘имз бан̃жагканд̇хаа, имаани д̣̇ваад̣̇асааяад̇анаани, имаа адтаараса д̇хаад̇уяо’’д̇и канд̇хаад̣̇игз вибхаж̇ид̇ваа д̣̇ассзнд̇ий маяхам̣ д̇хаммам̣ д̣̇зсзси.
Tattha sā bhikkhuniṃ upāgacchiṃ, yā me saddhāyikā ahūti yā mayā saddhātabbā saddheyyavacanā ahosi, taṃ bhikkhuniṃ sāhaṃ upagacchiṃ upasaṅkamiṃ, paṭācārātheriṃ saddhāya vadati. ‘‘Sā bhikkhunī upagacchi, yā me sādhayikā’’tipi pāṭho. Sā paṭācārā bhikkhunī anukampāya maṃ upagacchi, yā mayhaṃ sadatthassa sādhikāti attho. Sā me dhammamadesesi, khandhāyatanadhātuyoti sā paṭācārā therī ‘‘ime pañcakkhandhā, imāni dvādasāyatanāni, imā aṭṭhārasa dhātuyo’’ti khandhādike vibhajitvā dassentī mayhaṃ dhammaṃ desesi.
д̇ассаа д̇хаммам̣ сун̣ид̇ваанаад̇и д̇ассаа бадисамбхид̣̇ааббад̇д̇ааяа т̇зрияаа санд̇игз канд̇хаад̣̇ивибхааг̇абуб̣б̣ан̇г̇амам̣ арияамаг̇г̇ам̣ баабзд̇ваа д̣̇зсид̇асан̣хасукумавибассанаад̇хаммам̣ суд̇ваа. яат̇аа мам̣ анусааси саад̇и саа т̇зрий яат̇аа мам̣ анусааси овад̣̇и, д̇ат̇аа бадибаж̇ж̇анд̇ий бадибад̇д̇им̣ мад̇т̇агам̣ баабзд̇вааби сад̇д̇аахам̣ згабаллан̇гзна нисийд̣̇им̣. гат̇ам̣? бийд̇исукасамаббид̇аад̇и жхаанамаязна бийд̇исукзна саман̇г̇ийбхууд̇аа. адтамияаа баад̣̇з басаарзсим̣, д̇амоканд̇хам̣ бад̣̇аалияаад̇и анавасзсам̣ мохагканд̇хам̣ аг̇г̇амаг̇г̇зна бад̣̇аалзд̇ваа адтамз д̣̇ивасз баллан̇гам̣ бхинд̣̇анд̇ий баад̣̇з басаарзсим̣. ид̣̇амзва жассаа ан̃н̃ааб̣яаагаран̣ам̣ ахоси.
Tassādhammaṃ suṇitvānāti tassā paṭisambhidāppattāya theriyā santike khandhādivibhāgapubbaṅgamaṃ ariyamaggaṃ pāpetvā desitasaṇhasukhumavipassanādhammaṃ sutvā. Yathā maṃ anusāsi sāti sā therī yathā maṃ anusāsi ovadi, tathā paṭipajjantī paṭipattiṃ matthakaṃ pāpetvāpi sattāhaṃ ekapallaṅkena nisīdiṃ. Kathaṃ? Pītisukhasamappitāti jhānamayena pītisukhena samaṅgībhūtā. Aṭṭhamiyā pāde pasāresiṃ, tamokhandhaṃ padāliyāti anavasesaṃ mohakkhandhaṃ aggamaggena padāletvā aṭṭhame divase pallaṅkaṃ bhindantī pāde pasāresiṃ. Idameva cassā aññābyākaraṇaṃ ahosi.
уд̇д̇амаат̇зрийг̇аат̇ааван̣н̣анаа нидтид̇аа.
Uttamātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 2. уд̇д̇амаат̇зрийг̇аат̇аа • 2. Uttamātherīgāthā
