| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
10. (уд̇д̇ара) бааяаасивимаанаван̣н̣анаа
10. (Uttara) pāyāsivimānavaṇṇanā
яаа д̣̇зварааж̇асса сабхаа суд̇хаммаад̇и уд̇д̇аравимаанам̣. д̇асса гаа уббад̇д̇и? бхаг̇авад̇и бариниб̣б̣уд̇з д̇хаад̇увибхааг̇з жа гад̇з д̇ад̇т̇а д̇ад̇т̇а т̇уубзсу бад̇идтаабияамаанзсу д̇хаммавинаяам̣ сан̇г̇ааяид̇ум̣ ужжинид̇ваа г̇ахид̇зсу махаагассабаббамукзсу махаат̇зрзсу яаава вассуубаг̇аманаа ан̃н̃зсу жа т̇зрзсу ад̇д̇ано ад̇д̇ано барисааяа сад̣̇д̇хим̣ д̇ад̇т̇а д̇ад̇т̇а васанд̇зсу ааяасмаа гумаарагассабо бан̃жахи бхигкусад̇зхи сад̣̇д̇хим̣ сзд̇аб̣яанаг̇арам̣ г̇анд̇ваа сим̣сабааванз васи. ат̇а бааяааси рааж̇ан̃н̃о т̇зрасса д̇ад̇т̇а васанабхаавам̣ суд̇ваа махад̇аа ж̇анагааязна баривуд̇о д̇ам̣ убасан̇гамид̇ваа бадисант̇аарам̣ гад̇ваа нисинно ад̇д̇ано д̣̇идтиг̇ад̇ам̣ бавзд̣̇зси. ат̇а нам̣ т̇зро жанд̣̇имасуурияууд̣̇аахаран̣аад̣̇ийхи баралогасса ад̇т̇ибхаавам̣ багаасзнд̇о анзгавихид̇ахзд̇уубамаалан̇гад̇ам̣ д̣̇идтиг̇ан̣тивинивзтанам̣ наанаанаяавижид̇д̇ам̣ бааяаасисуд̇д̇ам̣ (д̣̇ий. ни. 2.406 аад̣̇аяо) д̣̇зсзд̇ваа д̇ам̣ д̣̇идтисамбад̣̇ааяам̣ бад̇идтаабзси.
Yā devarājassa sabhā sudhammāti uttaravimānaṃ. Tassa kā uppatti? Bhagavati parinibbute dhātuvibhāge ca kate tattha tattha thūpesu patiṭṭhāpiyamānesu dhammavinayaṃ saṅgāyituṃ uccinitvā gahitesu mahākassapappamukhesu mahātheresu yāva vassūpagamanā aññesu ca theresu attano attano parisāya saddhiṃ tattha tattha vasantesu āyasmā kumārakassapo pañcahi bhikkhusatehi saddhiṃ setabyanagaraṃ gantvā siṃsapāvane vasi. Atha pāyāsi rājañño therassa tattha vasanabhāvaṃ sutvā mahatā janakāyena parivuto taṃ upasaṅkamitvā paṭisanthāraṃ katvā nisinno attano diṭṭhigataṃ pavedesi. Atha naṃ thero candimasūriyūdāharaṇādīhi paralokassa atthibhāvaṃ pakāsento anekavihitahetūpamālaṅkataṃ diṭṭhigaṇṭhiviniveṭhanaṃ nānānayavicittaṃ pāyāsisuttaṃ (dī. ni. 2.406 ādayo) desetvā taṃ diṭṭhisampadāyaṃ patiṭṭhāpesi.
со висуд̣̇д̇хад̣̇идтиго худ̇ваа саман̣аб̣раахман̣агабан̣ад̣̇д̇хигаад̣̇ийнам̣ д̣̇аанам̣ д̣̇знд̇о анул̣аараж̇жхаасаяад̇ааяа луукам̣ ад̣̇ааси гхаасажчаад̣̇анамад̇д̇ам̣ ган̣ааж̇агам̣ б̣илан̇г̇ад̣̇уд̇ияам̣ саан̣аани жа вад̇т̇аани . звам̣ бана асаггажжад̣̇аанам̣ д̣̇ад̇ваа гааяасса бхзд̣̇аа хийнагааяам̣ убабаж̇ж̇и жаад̇умахаарааж̇игаанам̣ сахаб̣яад̇ам̣. д̇асса бана гижжаагижжзсу яуд̇д̇аббаяуд̇д̇о уд̇д̇аро наама маан̣аво ахоси д̣̇аанз б̣яаавадо. со саггажжад̣̇аанам̣ д̣̇ад̇ваа д̇аавад̇им̣сагааяам̣ убабанно, д̇асса д̣̇ваад̣̇асаяож̇анигам̣ вимаанам̣ ниб̣б̣ад̇д̇и. со гад̇ан̃н̃уд̇ам̣ вибхаавзнд̇о саха вимаанзна гумаарагассабад̇т̇зрам̣ убасан̇гамид̇ваа вимаанад̇о оруяха бан̃жабад̇идтид̇зна ванд̣̇ид̇ваа ан̃ж̇алим̣ баг̇г̇аяха адтааси. д̇ам̣ т̇зро –
So visuddhadiṭṭhiko hutvā samaṇabrāhmaṇakapaṇaddhikādīnaṃ dānaṃ dento anuḷārajjhāsayatāya lūkhaṃ adāsi ghāsacchādanamattaṃ kaṇājakaṃ bilaṅgadutiyaṃ sāṇāni ca vatthāni . Evaṃ pana asakkaccadānaṃ datvā kāyassa bhedā hīnakāyaṃ upapajji cātumahārājikānaṃ sahabyataṃ. Tassa pana kiccākiccesu yuttappayutto uttaro nāma māṇavo ahosi dāne byāvaṭo. So sakkaccadānaṃ datvā tāvatiṃsakāyaṃ upapanno, tassa dvādasayojanikaṃ vimānaṃ nibbatti. So kataññutaṃ vibhāvento saha vimānena kumārakassapattheraṃ upasaṅkamitvā vimānato oruyha pañcapatiṭṭhitena vanditvā añjaliṃ paggayha aṭṭhāsi. Taṃ thero –
1108.
1108.
‘‘яаа д̣̇зварааж̇асса сабхаа суд̇хаммаа, яад̇т̇ажчад̇и д̣̇звасан̇гхо самаг̇г̇о;
‘‘Yā devarājassa sabhā sudhammā, yatthacchati devasaṅgho samaggo;
д̇ат̇уубамам̣ д̇уяхамид̣̇ам̣ вимаанам̣, обхаасаяам̣ д̇идтад̇и анд̇алигкз.
Tathūpamaṃ tuyhamidaṃ vimānaṃ, obhāsayaṃ tiṭṭhati antalikkhe.
1109.
1109.
‘‘д̣̇звид̣̇д̇хибад̇д̇оси махаанубхааво…бз…
‘‘Deviddhipattosi mahānubhāvo…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и. – г̇аат̇аахи бадибужчи;
Vaṇṇo ca te sabbadisā pabhāsatī’’ti. – gāthāhi paṭipucchi;
1110.
1110.
‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
‘‘So devaputto attamano…pe… yassa kammassidaṃ phalaṃ’’.
1111.
1111.
‘‘ахам̣ мануссзсу мануссабхууд̇о, ран̃н̃о бааяаасисса ахосим̣ маан̣аво;
‘‘Ahaṃ manussesu manussabhūto, rañño pāyāsissa ahosiṃ māṇavo;
лад̣̇д̇хаа д̇ханам̣ сам̣вибхааг̇ам̣ агаасим̣, бияаа жа мз сийлаванд̇о ахзсум̣;
Laddhā dhanaṃ saṃvibhāgaṃ akāsiṃ, piyā ca me sīlavanto ahesuṃ;
аннан̃жа баанан̃жа басаннажид̇д̇о, саггажжа д̣̇аанам̣ вибулам̣ ад̣̇аасим̣.
Annañca pānañca pasannacitto, sakkacca dānaṃ vipulaṃ adāsiṃ.
1112.
1112.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и. –
Vaṇṇo ca me sabbadisā pabhāsatī’’ti. –
со д̣̇звабуд̇д̇о д̇асса имаахи г̇аат̇аахи б̣яаагааси.
So devaputto tassa imāhi gāthāhi byākāsi.
1108. д̇ад̇т̇а д̣̇зварааж̇ассаад̇и саггасса. сабхаа суд̇хаммаад̇и звам̣наамагам̣ сант̇ааг̇аарам̣. яад̇т̇аад̇и яассам̣ сабхааяам̣. ажчад̇ийд̇и нисийд̣̇ад̇и. д̣̇звасан̇гход̇и д̇аавад̇им̣сад̣̇звагааяо. самаг̇г̇од̇и сахид̇о саннибад̇ид̇о.
1108. Tattha devarājassāti sakkassa. Sabhā sudhammāti evaṃnāmakaṃ santhāgāraṃ. Yatthāti yassaṃ sabhāyaṃ. Acchatīti nisīdati. Devasaṅghoti tāvatiṃsadevakāyo. Samaggoti sahito sannipatito.
1111. бааяаасисса ахосим̣ маан̣авод̇и бааяаасирааж̇ан̃н̃асса гижжаагижжагаро д̣̇ахарад̇ааяа маан̣аво, наамзна бана уд̇д̇аро наама ахосим̣. сам̣вибхааг̇ам̣ агаасинд̇и ахамзва абхун̃ж̇ид̇ваа яат̇аалад̣̇д̇хам̣ д̇ханам̣ д̣̇аанамукз барижжаж̇анавасзна сам̣вибхаж̇анам̣ агаасим̣. аннан̃жа баанан̃жа барижжаж̇анд̇од̇и важанасзсо. ат̇а ваа д̣̇аанам̣ вибулам̣ ад̣̇аасим̣. гат̇ам̣? саггажжам̣. гийд̣̇исам̣? аннан̃жа баанан̃жаад̇и яож̇зд̇аб̣б̣ам̣.
1111.Pāyāsissaahosiṃ māṇavoti pāyāsirājaññassa kiccākiccakaro daharatāya māṇavo, nāmena pana uttaro nāma ahosiṃ. Saṃvibhāgaṃ akāsinti ahameva abhuñjitvā yathāladdhaṃ dhanaṃ dānamukhe pariccajanavasena saṃvibhajanaṃ akāsiṃ. Annañca pānañca pariccajantoti vacanaseso. Atha vā dānaṃ vipulaṃ adāsiṃ. Kathaṃ? Sakkaccaṃ. Kīdisaṃ? Annañca pānañcāti yojetabbaṃ.
(уд̇д̇ара) бааяаасивимаанаван̣н̣анаа нидтид̇аа.
(Uttara) pāyāsivimānavaṇṇanā niṭṭhitā.
ид̇и барамад̇т̇ад̣̇ийбанияаа куд̣̇д̣̇ага-адтагат̇ааяа вимаанавад̇т̇усмим̣
Iti paramatthadīpaniyā khuddaka-aṭṭhakathāya vimānavatthusmiṃ
д̣̇асавад̇т̇убадиман̣д̣ид̇асса чадтасса бааяаасиваг̇г̇асса
Dasavatthupaṭimaṇḍitassa chaṭṭhassa pāyāsivaggassa
ад̇т̇аван̣н̣анаа нидтид̇аа.
Atthavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 10. (уд̇д̇ара) бааяаасивимаанавад̇т̇у • 10. (Uttara) pāyāsivimānavatthu
