| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੯. ਉਤ੍ਤਰਕੁਰੁਕਾਦਿਗਮਨਪਞ੍ਹੋ
9. Uttarakurukādigamanapañho
੯. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਅਤ੍ਥਿ ਕੋਚਿ, ਯੋ ਇਮਿਨਾ ਸਰੀਰੇਨ ਉਤ੍ਤਰਕੁਰੁਂ વਾ ਗਚ੍ਛੇਯ੍ਯ, ਬ੍ਰਹ੍ਮਲੋਕਂ વਾ, ਅਞ੍ਞਂ વਾ ਪਨ ਦੀਪ’’ਨ੍ਤਿ? ‘‘ਅਤ੍ਥਿ, ਮਹਾਰਾਜ, ਯੋ ਇਮਿਨਾ ਚਾਤੁਮ੍ਮਹਾਭੂਤਿਕੇਨ ਕਾਯੇਨ ਉਤ੍ਤਰਕੁਰੁਂ વਾ ਗਚ੍ਛੇਯ੍ਯ, ਬ੍ਰਹ੍ਮਲੋਕਂ વਾ, ਅਞ੍ਞਂ વਾ ਪਨ ਦੀਪ’’ਨ੍ਤਿ।
9. Rājā āha ‘‘bhante nāgasena, atthi koci, yo iminā sarīrena uttarakuruṃ vā gaccheyya, brahmalokaṃ vā, aññaṃ vā pana dīpa’’nti? ‘‘Atthi, mahārāja, yo iminā cātummahābhūtikena kāyena uttarakuruṃ vā gaccheyya, brahmalokaṃ vā, aññaṃ vā pana dīpa’’nti.
‘‘ਕਥਂ, ਭਨ੍ਤੇ ਨਾਗਸੇਨ, ਇਮਿਨਾ ਚਾਤੁਮ੍ਮਹਾਭੂਤਿਕੇਨ ਕਾਯੇਨ ਉਤ੍ਤਰਕੁਰੁਂ વਾ ਗਚ੍ਛੇਯ੍ਯ, ਬ੍ਰਹ੍ਮਲੋਕਂ વਾ, ਅਞ੍ਞਂ વਾ ਪਨ ਦੀਪ’’ਨ੍ਤਿ? ‘‘ਅਭਿਜਾਨਾਸਿ ਨੁ, ਤ੍વਂ ਮਹਾਰਾਜ, ਇਮਿਸ੍ਸਾ ਪਥવਿਯਾ વਿਦਤ੍ਥਿਂ વਾ ਰਤਨਂ વਾ ਲਙ੍ਘਿਤਾ’’ਤਿ? ‘‘ਆਮ, ਭਨ੍ਤੇ, ਅਭਿਜਾਨਾਮਿ ‘ਅਹਂ, ਭਨ੍ਤੇ ਨਾਗਸੇਨ, ਅਟ੍ਠਪਿ ਰਤਨਿਯੋ ਲਙ੍ਘੇਮੀ’’’ਤਿ। ‘‘ਕਥਂ, ਤ੍વਂ ਮਹਾਰਾਜ, ਅਟ੍ਠਪਿ ਰਤਨਿਯੋ ਲਙ੍ਘੇਸੀ’’ਤਿ? ‘‘ਅਹਞ੍ਹਿ, ਭਨ੍ਤੇ, ਚਿਤ੍ਤਂ ਉਪ੍ਪਾਦੇਮਿ ‘ਏਤ੍ਥ ਨਿਪਤਿਸ੍ਸਾਮੀ’ਤਿ ਸਹ ਚਿਤ੍ਤੁਪ੍ਪਾਦੇਨ ਕਾਯੋ ਮੇ ਲਹੁਕੋ ਹੋਤੀ’’ਤਿ। ‘‘ਏવਮੇવ ਖੋ, ਮਹਾਰਾਜ, ਇਦ੍ਧਿਮਾ ਭਿਕ੍ਖੁ ਚੇਤੋવਸਿਪ੍ਪਤ੍ਤੋ ਕਾਯਂ ਚਿਤ੍ਤੇ ਸਮਾਰੋਪੇਤ੍વਾ ਚਿਤ੍ਤવਸੇਨ વੇਹਾਸਂ ਗਚ੍ਛਤੀ’’ਤਿ।
‘‘Kathaṃ, bhante nāgasena, iminā cātummahābhūtikena kāyena uttarakuruṃ vā gaccheyya, brahmalokaṃ vā, aññaṃ vā pana dīpa’’nti? ‘‘Abhijānāsi nu, tvaṃ mahārāja, imissā pathaviyā vidatthiṃ vā ratanaṃ vā laṅghitā’’ti? ‘‘Āma, bhante, abhijānāmi ‘ahaṃ, bhante nāgasena, aṭṭhapi rataniyo laṅghemī’’’ti. ‘‘Kathaṃ, tvaṃ mahārāja, aṭṭhapi rataniyo laṅghesī’’ti? ‘‘Ahañhi, bhante, cittaṃ uppādemi ‘ettha nipatissāmī’ti saha cittuppādena kāyo me lahuko hotī’’ti. ‘‘Evameva kho, mahārāja, iddhimā bhikkhu cetovasippatto kāyaṃ citte samāropetvā cittavasena vehāsaṃ gacchatī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਉਤ੍ਤਰਕੁਰੁਕਾਦਿਗਮਨਪਞ੍ਹੋ ਨવਮੋ।
Uttarakurukādigamanapañho navamo.
