| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
10. уд̇д̇арамаад̇убзд̇ивад̇т̇уван̣н̣анаа
10. Uttaramātupetivatthuvaṇṇanā
д̣̇иваавихаараг̇ад̇ам̣ бхигкунд̇и ид̣̇ам̣ уд̇д̇арамаад̇убзд̇ивад̇т̇у. д̇ад̇рааяам̣ ад̇т̇авибхааванаа – сад̇т̇ари бариниб̣б̣уд̇з батамамахаасан̇г̇ийд̇ияаа бавад̇д̇ид̇ааяа ааяасмаа махаагажжааяано д̣̇ваад̣̇асахи бхигкуухи сад̣̇д̇хим̣ госамб̣ияаа авид̣̇уурз ан̃н̃ад̇арасмим̣ аран̃н̃ааяад̇анз вихааси. д̇зна жа самаязна ран̃н̃о уд̣̇знасса ан̃н̃ад̇аро амажжо гааламагааси, д̇зна жа буб̣б̣з наг̇арз гамманд̇аа ад̇хидтид̇аа ахзсум̣. ат̇а рааж̇аа д̇асса буд̇д̇ам̣ уд̇д̇арам̣ наама маан̣авам̣ баггосаабзд̇ваа ‘‘д̇ван̃жа бид̇араа ад̇хидтид̇з гамманд̇з саманусаасаа’’д̇и д̇зна тид̇адтаанз табзси.
Divāvihāragataṃ bhikkhunti idaṃ uttaramātupetivatthu. Tatrāyaṃ atthavibhāvanā – satthari parinibbute paṭhamamahāsaṅgītiyā pavattitāya āyasmā mahākaccāyano dvādasahi bhikkhūhi saddhiṃ kosambiyā avidūre aññatarasmiṃ araññāyatane vihāsi. Tena ca samayena rañño udenassa aññataro amacco kālamakāsi, tena ca pubbe nagare kammantā adhiṭṭhitā ahesuṃ. Atha rājā tassa puttaṃ uttaraṃ nāma māṇavaṃ pakkosāpetvā ‘‘tvañca pitarā adhiṭṭhite kammante samanusāsā’’ti tena ṭhitaṭṭhāne ṭhapesi.
со жа саад̇хууд̇и самбадижчид̇ваа згад̣̇ивасам̣ наг̇арабадисан̇каран̣ияаанам̣ д̣̇ааруунам̣ ад̇т̇ааяа вад̣дхагияо г̇ахзд̇ваа аран̃н̃ам̣ г̇ад̇о. д̇ад̇т̇а ааяасмад̇о махаагажжааяанад̇т̇зрасса васанадтаанам̣ убаг̇анд̇ваа т̇зрам̣ д̇ад̇т̇а бам̣сугуулажийварад̇харам̣ вивид̇д̇ам̣ нисиннам̣ д̣̇исваа ирияаабат̇зязва басийд̣̇ид̇ваа гад̇абадисант̇ааро ванд̣̇ид̇ваа згаманд̇ам̣ нисийд̣̇и. т̇зро д̇асса д̇хаммам̣ гат̇зси. со д̇хаммам̣ суд̇ваа рад̇анад̇д̇аяз сан̃ж̇аад̇аббасаад̣̇о саран̣зсу бад̇идтааяа т̇зрам̣ ниманд̇зси – ‘‘ад̇хиваасзт̇а мз, бханд̇з, сваад̇анааяа бхад̇д̇ам̣ сад̣̇д̇хим̣ бхигкуухи анугамбам̣ убаад̣̇ааяаа’’д̇и. ад̇хиваасзси т̇зро д̇ун̣хийбхаавзна. со д̇ад̇о нигкамид̇ваа наг̇арам̣ г̇анд̇ваа ан̃н̃зсам̣ убаасагаанам̣ аажигки – ‘‘т̇зро маяаа сваад̇анааяа ниманд̇ид̇о, д̇умхзхиби мама д̣̇аанаг̇г̇ам̣ ааг̇анд̇аб̣б̣а’’нд̇и.
So ca sādhūti sampaṭicchitvā ekadivasaṃ nagarapaṭisaṅkharaṇiyānaṃ dārūnaṃ atthāya vaḍḍhakiyo gahetvā araññaṃ gato. Tattha āyasmato mahākaccāyanattherassa vasanaṭṭhānaṃ upagantvā theraṃ tattha paṃsukūlacīvaradharaṃ vivittaṃ nisinnaṃ disvā iriyāpatheyeva pasīditvā katapaṭisanthāro vanditvā ekamantaṃ nisīdi. Thero tassa dhammaṃ kathesi. So dhammaṃ sutvā ratanattaye sañjātappasādo saraṇesu patiṭṭhāya theraṃ nimantesi – ‘‘adhivāsetha me, bhante, svātanāya bhattaṃ saddhiṃ bhikkhūhi anukampaṃ upādāyā’’ti. Adhivāsesi thero tuṇhībhāvena. So tato nikkhamitvā nagaraṃ gantvā aññesaṃ upāsakānaṃ ācikkhi – ‘‘thero mayā svātanāya nimantito, tumhehipi mama dānaggaṃ āgantabba’’nti.
со д̣̇уд̇ияад̣̇ивасз гаалассзва бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа гаалам̣ аарожаабзд̇ваа сад̣̇д̇хим̣ бхигкуухи ааг̇ажчанд̇асса т̇зрасса бажжуг̇г̇аманам̣ гад̇ваа ванд̣̇ид̇ваа бурагкад̇ваа г̇зхам̣ бавзсзси. ат̇а махаарахагаббияабажжад̇т̇аран̣аад̇т̇ад̇зсу аасанзсу т̇зрз жа бхигкуусу жа нисиннзсу г̇анд̇хабубпад̇хуубзхи бууж̇ам̣ гад̇ваа бан̣ийд̇зна аннабаанзна д̇з санд̇аббзд̇ваа сан̃ж̇аад̇аббасаад̣̇о гад̇ан̃ж̇алий анумод̣̇анам̣ сун̣ид̇ваа гад̇абхад̇д̇аанумод̣̇анз т̇зрз г̇ажчанд̇з бад̇д̇ам̣ г̇ахзд̇ваа ануг̇ажчанд̇о наг̇арад̇о нигкамид̇ваа бадинивад̇д̇анд̇о ‘‘бханд̇з, д̇умхзхи нижжам̣ мама г̇зхам̣ бависид̇аб̣б̣а’’нд̇и яаажид̇ваа т̇зрасса ад̇хиваасанам̣ н̃ад̇ваа нивад̇д̇и. звам̣ со т̇зрам̣ убадтаханд̇о д̇асса оваад̣̇з бад̇идтааяа сод̇аабад̇д̇ипалам̣ баабун̣и, вихааран̃жа гаарзси, саб̣б̣з жа ад̇д̇ано н̃аад̇агз саасанз абхиббасаннз агааси.
So dutiyadivase kālasseva paṇītaṃ khādanīyaṃ bhojanīyaṃ paṭiyādāpetvā kālaṃ ārocāpetvā saddhiṃ bhikkhūhi āgacchantassa therassa paccuggamanaṃ katvā vanditvā purakkhatvā gehaṃ pavesesi. Atha mahārahakappiyapaccattharaṇaatthatesu āsanesu there ca bhikkhūsu ca nisinnesu gandhapupphadhūpehi pūjaṃ katvā paṇītena annapānena te santappetvā sañjātappasādo katañjalī anumodanaṃ suṇitvā katabhattānumodane there gacchante pattaṃ gahetvā anugacchanto nagarato nikkhamitvā paṭinivattanto ‘‘bhante, tumhehi niccaṃ mama gehaṃ pavisitabba’’nti yācitvā therassa adhivāsanaṃ ñatvā nivatti. Evaṃ so theraṃ upaṭṭhahanto tassa ovāde patiṭṭhāya sotāpattiphalaṃ pāpuṇi, vihārañca kāresi, sabbe ca attano ñātake sāsane abhippasanne akāsi.
маад̇аа банасса мажчзрамалабарияудтид̇ажид̇д̇аа худ̇ваа звам̣ барибхааси – ‘‘яам̣ д̇вам̣ мама анижчанд̇ияаа зва саман̣аанам̣ аннабаанам̣ д̣̇зси, д̇ам̣ д̇з баралогз лохид̇ам̣ самбаж̇ж̇ад̇уу’’д̇и. згам̣ бана морабин̃чагалаабам̣ вихаарамахад̣̇ивасз д̣̇ияяамаанам̣ ануж̇аани. саа гаалам̣ гад̇ваа бзд̇аяонияам̣ уббаж̇ж̇и, морабин̃чагалаабад̣̇аанаанумод̣̇анзна банассаа гзсаа нийлаа синид̣̇д̇хаа взллид̇аг̇г̇аа сукумаа д̣̇ийгхаа жа ахзсум̣. саа яад̣̇аа г̇ан̇г̇аанад̣̇им̣ ‘‘баанийяам̣ бивиссаамий’’д̇и од̇арад̇и, д̇ад̣̇аа над̣̇ий лохид̇абуураа ход̇и. саа бан̃жабан̣н̣ааса вассаани куббибаасаабхибхууд̇аа вижарид̇ваа згад̣̇ивасам̣ ган̇каарзвад̇ад̇т̇зрам̣ г̇ан̇г̇ааяа д̇ийрз д̣̇иваавихаарам̣ нисиннам̣ д̣̇исваа ад̇д̇аанам̣ ад̇д̇ано гзсзхи бадижчаад̣̇зд̇ваа убасан̇гамид̇ваа баанийяам̣ яаажи. д̇ам̣ санд̇хааяа вуд̇д̇ам̣ –
Mātā panassa maccheramalapariyuṭṭhitacittā hutvā evaṃ paribhāsi – ‘‘yaṃ tvaṃ mama anicchantiyā eva samaṇānaṃ annapānaṃ desi, taṃ te paraloke lohitaṃ sampajjatū’’ti. Ekaṃ pana morapiñchakalāpaṃ vihāramahadivase diyyamānaṃ anujāni. Sā kālaṃ katvā petayoniyaṃ uppajji, morapiñchakalāpadānānumodanena panassā kesā nīlā siniddhā vellitaggā sukhumā dīghā ca ahesuṃ. Sā yadā gaṅgānadiṃ ‘‘pānīyaṃ pivissāmī’’ti otarati, tadā nadī lohitapūrā hoti. Sā pañcapaṇṇāsa vassāni khuppipāsābhibhūtā vicaritvā ekadivasaṃ kaṅkhārevatattheraṃ gaṅgāya tīre divāvihāraṃ nisinnaṃ disvā attānaṃ attano kesehi paṭicchādetvā upasaṅkamitvā pānīyaṃ yāci. Taṃ sandhāya vuttaṃ –
331.
331.
‘‘д̣̇иваавихаараг̇ад̇ам̣ бхигкум̣, г̇ан̇г̇аад̇ийрз нисиннагам̣;
‘‘Divāvihāragataṃ bhikkhuṃ, gaṅgātīre nisinnakaṃ;
д̇ам̣ бзд̇ий убасан̇гамма, д̣̇уб̣б̣ан̣н̣аа бхийруд̣̇ассанаа.
Taṃ petī upasaṅkamma, dubbaṇṇā bhīrudassanā.
332.
332.
‘‘гзсаа жассаа ад̇ид̣̇ийгхаа, яаавабхуумааваламб̣арз;
‘‘Kesā cassā atidīghā, yāvabhūmāvalambare;
гзсзхи саа бадижчаннаа, саман̣ам̣ зд̇ад̣̇аб̣равий’’д̇и. –
Kesehi sā paṭicchannā, samaṇaṃ etadabravī’’ti. –
имаа д̣̇вз г̇аат̇аа сан̇г̇ийд̇игаарагзхи ид̇ха аад̣̇ид̇о табид̇аа.
Imā dve gāthā saṅgītikārakehi idha ādito ṭhapitā.
д̇ад̇т̇а бхийруд̣̇ассанаад̇и бхаяаанагад̣̇ассанаа. ‘‘руд̣̇д̣̇ад̣̇ассанаа’’д̇и ваа баато, б̣ийбхажчабхаарияад̣̇ассанаад̇и ад̇т̇о. яаавабхуумааваламб̣арзд̇и яаава бхууми, д̇аава оламб̣анд̇и. буб̣б̣з ‘‘бхигку’’нд̇и жа бажчаа ‘‘саман̣а’’нд̇и жа ган̇каарзвад̇ад̇т̇зрамзва санд̇хааяа вуд̇д̇ам̣.
Tattha bhīrudassanāti bhayānakadassanā. ‘‘Ruddadassanā’’ti vā pāṭho, bībhacchabhāriyadassanāti attho. Yāvabhūmāvalambareti yāva bhūmi, tāva olambanti. Pubbe ‘‘bhikkhu’’nti ca pacchā ‘‘samaṇa’’nti ca kaṅkhārevatattherameva sandhāya vuttaṃ.
саа бана бзд̇ий т̇зрам̣ убасан̇гамид̇ваа баанийяам̣ яаажанд̇ий –
Sā pana petī theraṃ upasaṅkamitvā pānīyaṃ yācantī –
333.
333.
‘‘бан̃жабан̣н̣ааса вассаани, яад̇о гаалагад̇аа ахам̣;
‘‘Pañcapaṇṇāsa vassāni, yato kālakatā ahaṃ;
наабхиж̇аанаами бхуд̇д̇ам̣ ваа, бийд̇ам̣ ваа бана баанияам̣;
Nābhijānāmi bhuttaṃ vā, pītaṃ vā pana pāniyaṃ;
д̣̇зхи д̇вам̣ баанияам̣ бханд̇з, д̇асид̇аа баанияааяа мз’’д̇и. – имам̣ г̇аат̇амааха;
Dehi tvaṃ pāniyaṃ bhante, tasitā pāniyāya me’’ti. – imaṃ gāthamāha;
333. д̇ад̇т̇а наабхиж̇аанаами бхуд̇д̇ам̣ ваад̇и звам̣ д̣̇ийгхаманд̇арз гаалз бхож̇анам̣ бхуд̇д̇ам̣ ваа баанийяам̣ бийд̇ам̣ ваа наабхиж̇аанаами, на бхуд̇д̇ам̣ на бийд̇анд̇и ад̇т̇о. д̇асид̇аад̇и бибаасид̇аа. баанияааяаад̇и баанийяад̇т̇ааяа аахин̣д̣анд̇ияаа мз баанийяам̣ д̣̇зхи, бханд̇зд̇и яож̇анаа.
333. Tattha nābhijānāmi bhuttaṃ vāti evaṃ dīghamantare kāle bhojanaṃ bhuttaṃ vā pānīyaṃ pītaṃ vā nābhijānāmi, na bhuttaṃ na pītanti attho. Tasitāti pipāsitā. Pāniyāyāti pānīyatthāya āhiṇḍantiyā me pānīyaṃ dehi, bhanteti yojanā.
ид̇о барам̣ –
Ito paraṃ –
334.
334.
‘‘аяам̣ сийд̇од̣̇игаа г̇ан̇г̇аа, химаванд̇ад̇о санд̣̇ад̇и;
‘‘Ayaṃ sītodikā gaṅgā, himavantato sandati;
бива зд̇д̇о г̇ахзд̇ваана, гим̣ мам̣ яаажаси баанияам̣.
Piva etto gahetvāna, kiṃ maṃ yācasi pāniyaṃ.
335.
335.
‘‘сажаахам̣ бханд̇з г̇ан̇г̇ааяа, саяам̣ г̇ан̣хаами баанияам̣;
‘‘Sacāhaṃ bhante gaṅgāya, sayaṃ gaṇhāmi pāniyaṃ;
лохид̇ам̣ мз баривад̇д̇ад̇и, д̇асмаа яаажаами баанияам̣.
Lohitaṃ me parivattati, tasmā yācāmi pāniyaṃ.
336.
336.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, г̇ан̇г̇аа д̇з ход̇и лохид̇ам̣.
Kissakammavipākena, gaṅgā te hoti lohitaṃ.
337.
337.
‘‘буд̇д̇о мз уд̇д̇аро наама, сад̣̇д̇хо ааси убаасаго;
‘‘Putto me uttaro nāma, saddho āsi upāsako;
со жа маяхам̣ агаамааяа, саман̣аанам̣ бавзжчад̇и.
So ca mayhaṃ akāmāya, samaṇānaṃ pavecchati.
338.
338.
‘‘жийварам̣ бин̣д̣абаад̇ан̃жа, бажжаяам̣ саяанаасанам̣;
‘‘Cīvaraṃ piṇḍapātañca, paccayaṃ sayanāsanaṃ;
д̇амахам̣ барибхаасаами, мажчзрзна убад̣̇д̣̇уд̇аа.
Tamahaṃ paribhāsāmi, maccherena upaddutā.
339.
339.
‘‘яам̣ д̇вам̣ маяхам̣ агаамааяа, саман̣аанам̣ бавзжчаси;
‘‘Yaṃ tvaṃ mayhaṃ akāmāya, samaṇānaṃ pavecchasi;
жийварам̣ бин̣д̣абаад̇ан̃жа, бажжаяам̣ саяанаасанам̣.
Cīvaraṃ piṇḍapātañca, paccayaṃ sayanāsanaṃ.
340.
340.
‘‘зд̇ам̣ д̇з баралогасмим̣, лохид̇ам̣ ход̇у уд̇д̇ара;
‘‘Etaṃ te paralokasmiṃ, lohitaṃ hotu uttara;
д̇ассагаммавибаагзна, г̇ан̇г̇аа мз ход̇и лохид̇а’’нд̇и. –
Tassakammavipākena, gaṅgā me hoti lohita’’nti. –
имаа т̇зрасса жа бзд̇ияаа жа важанабадиважанаг̇аат̇аа.
Imā therassa ca petiyā ca vacanapaṭivacanagāthā.
334. д̇ад̇т̇а химаванд̇ад̇од̇и махад̇о химасса ад̇т̇ид̇ааяа ‘‘химаваа’’д̇и лад̣̇д̇ханаамад̇о баб̣б̣ад̇арааж̇ад̇о. санд̣̇ад̇ийд̇и бавад̇д̇ад̇и. зд̇д̇од̇и ид̇о махааг̇ан̇г̇аад̇о. гинд̇и гасмаа мам̣ яаажаси баанийяам̣, г̇ан̇г̇аанад̣̇им̣ од̇арид̇ваа яат̇ааружи биваад̇и д̣̇ассзд̇и.
334. Tattha himavantatoti mahato himassa atthitāya ‘‘himavā’’ti laddhanāmato pabbatarājato. Sandatīti pavattati. Ettoti ito mahāgaṅgāto. Kinti kasmā maṃ yācasi pānīyaṃ, gaṅgānadiṃ otaritvā yathāruci pivāti dasseti.
335. лохид̇ам̣ мз баривад̇д̇ад̇ийд̇и уд̣̇агам̣ санд̣̇амаанам̣ маяхам̣ баабагаммапалзна лохид̇ам̣ худ̇ваа баривад̇д̇ад̇и барин̣амад̇и, д̇ааяа г̇ахид̇амад̇д̇ам̣ уд̣̇агам̣ лохид̇ам̣ ж̇ааяад̇и.
335.Lohitaṃme parivattatīti udakaṃ sandamānaṃ mayhaṃ pāpakammaphalena lohitaṃ hutvā parivattati pariṇamati, tāya gahitamattaṃ udakaṃ lohitaṃ jāyati.
337-40. маяхам̣ агаамааяаад̇и мама анижчанд̇ияаа. бавзжчад̇ийд̇и д̣̇зд̇и. бажжаяанд̇и г̇илаанабажжаяам̣. зд̇анд̇и яам̣ зд̇ам̣ жийвараад̣̇игам̣ бажжаяаж̇аад̇ам̣ саман̣аанам̣ бавзжчаси д̣̇зси, зд̇ам̣ д̇з баралогасмим̣ лохид̇ам̣ ход̇у уд̇д̇араад̇и абхисабанавасзна гад̇ам̣ баабагаммам̣, д̇асса вибаагзнаад̇и яож̇анаа.
337-40.Mayhaṃ akāmāyāti mama anicchantiyā. Pavecchatīti deti. Paccayanti gilānapaccayaṃ. Etanti yaṃ etaṃ cīvarādikaṃ paccayajātaṃ samaṇānaṃ pavecchasi desi, etaṃ te paralokasmiṃ lohitaṃ hotu uttarāti abhisapanavasena kataṃ pāpakammaṃ, tassa vipākenāti yojanā.
ат̇ааяасмаа рзвад̇о д̇ам̣ бзд̇им̣ уд̣̇д̣̇исса бхигкусан̇гхасса баанийяам̣ ад̣̇ааси, бин̣д̣ааяа жарид̇ваа бхад̇д̇ам̣ г̇ахзд̇ваа бхигкуунамад̣̇ааси, сан̇гаарагуудаад̣̇ид̇о бам̣сугуулам̣ г̇ахзд̇ваа д̇ховид̇ваа бхисин̃жа жимилиган̃жа гад̇ваа бхигкуунам̣ ад̣̇ааси, д̇зна жассаа бзд̇ияаа д̣̇иб̣б̣асамбад̇д̇ияо ахзсум̣. саа т̇зрасса санд̇игам̣ г̇анд̇ваа ад̇д̇анаа лад̣̇д̇хад̣̇иб̣б̣асамбад̇д̇им̣ т̇зрасса д̣̇ассзси. т̇зро д̇ам̣ бавад̇д̇им̣ ад̇д̇ано санд̇игам̣ убаг̇ад̇аанам̣ жад̇уннам̣ барисаанам̣ багаасзд̇ваа д̇хаммагат̇ам̣ гат̇зси. д̇зна махааж̇ано сан̃ж̇аад̇асам̣взг̇о виг̇ад̇амаламажчзро худ̇ваа д̣̇аанасийлаад̣̇игусалад̇хаммаабхирад̇о ахосийд̇и. ид̣̇ам̣ бана бзд̇авад̇т̇у д̣̇уд̇ияасан̇г̇ийд̇ияам̣ сан̇г̇ахам̣ аарул̣ханд̇и д̣̇адтаб̣б̣ам̣.
Athāyasmā revato taṃ petiṃ uddissa bhikkhusaṅghassa pānīyaṃ adāsi, piṇḍāya caritvā bhattaṃ gahetvā bhikkhūnamadāsi, saṅkārakūṭādito paṃsukūlaṃ gahetvā dhovitvā bhisiñca cimilikañca katvā bhikkhūnaṃ adāsi, tena cassā petiyā dibbasampattiyo ahesuṃ. Sā therassa santikaṃ gantvā attanā laddhadibbasampattiṃ therassa dassesi. Thero taṃ pavattiṃ attano santikaṃ upagatānaṃ catunnaṃ parisānaṃ pakāsetvā dhammakathaṃ kathesi. Tena mahājano sañjātasaṃvego vigatamalamacchero hutvā dānasīlādikusaladhammābhirato ahosīti. Idaṃ pana petavatthu dutiyasaṅgītiyaṃ saṅgahaṃ āruḷhanti daṭṭhabbaṃ.
уд̇д̇арамаад̇убзд̇ивад̇т̇уван̣н̣анаа нидтид̇аа.
Uttaramātupetivatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 10. уд̇д̇арамаад̇убзд̇ивад̇т̇у • 10. Uttaramātupetivatthu
