| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
12. уд̇д̇арабаалад̇т̇зраг̇аат̇ааван̣н̣анаа
12. Uttarapālattheragāthāvaṇṇanā
бан̣д̣ид̇ам̣ вад̇а мам̣ санд̇анд̇и ааяасмад̇о уд̇д̇арабаалад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о вибассисса бхаг̇авад̇о г̇аманамаг̇г̇з сзд̇ум̣ гаараабзси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇ид̇ваа уд̇д̇арабаалод̇и лад̣̇д̇ханаамо ваяаббад̇д̇о яамагабаадихаарияам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа саман̣ад̇хаммам̣ гарод̇и. д̇асса згад̣̇ивасам̣ аяонисоманасигааравасзна анубхууд̇аарамман̣ам̣ ануссаранд̇асса гаамарааг̇о уббаж̇ж̇и. со д̇аавад̣̇зва саход̣дхам̣ жорам̣ г̇ан̣ханд̇о вияа ад̇д̇ано жид̇д̇ам̣ ниг̇г̇ахзд̇ваа сам̣взг̇аж̇аад̇о бадибагкаманасигаарзна гилзсз вигкамбхзд̇ваа вибассанааяа гаммам̣ гаронд̇о бхааванам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.47.16-20) –
Paṇḍitaṃ vata maṃ santanti āyasmato uttarapālattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto vipassissa bhagavato gamanamagge setuṃ kārāpesi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā uttarapāloti laddhanāmo vayappatto yamakapāṭihāriyaṃ disvā paṭiladdhasaddho pabbajitvā samaṇadhammaṃ karoti. Tassa ekadivasaṃ ayonisomanasikāravasena anubhūtārammaṇaṃ anussarantassa kāmarāgo uppajji. So tāvadeva sahoḍḍhaṃ coraṃ gaṇhanto viya attano cittaṃ niggahetvā saṃvegajāto paṭipakkhamanasikārena kilese vikkhambhetvā vipassanāya kammaṃ karonto bhāvanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 2.47.16-20) –
‘‘вибассино бхаг̇авад̇о, жан̇гаманд̇асса саммукаа;
‘‘Vipassino bhagavato, caṅkamantassa sammukhā;
басаннажид̇д̇о сумано, сзд̇ум̣ гаараабаяим̣ ахам̣.
Pasannacitto sumano, setuṃ kārāpayiṃ ahaṃ.
‘‘зганавуд̇ид̇о габбз, яам̣ сзд̇ум̣ гаараяим̣ ахам̣;
‘‘Ekanavutito kappe, yaṃ setuṃ kārayiṃ ahaṃ;
д̣̇уг̇г̇ад̇им̣ наабхиж̇аанаами, сзд̇уд̣̇аанассид̣̇ам̣ палам̣.
Duggatiṃ nābhijānāmi, setudānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа сийханаад̣̇ам̣ над̣̇анд̇о –
Arahattaṃ pana patvā attano paṭipattiṃ paccavekkhitvā sīhanādaṃ nadanto –
252.
252.
‘‘бан̣д̣ид̇ам̣ вад̇а мам̣ санд̇ам̣, аламад̇т̇авижинд̇агам̣;
‘‘Paṇḍitaṃ vata maṃ santaṃ, alamatthavicintakaṃ;
бан̃жа гаамаг̇ун̣аа логз, саммохаа баад̇аяим̣су мам̣.
Pañca kāmaguṇā loke, sammohā pātayiṃsu maṃ.
253.
253.
‘‘багканд̣̇о маарависаяз, д̣̇ал̣хасалласамаббид̇о;
‘‘Pakkhando māravisaye, daḷhasallasamappito;
асагким̣ мажжурааж̇асса, ахам̣ баасаа бамужжид̇ум̣.
Asakkhiṃ maccurājassa, ahaṃ pāsā pamuccituṃ.
254.
254.
‘‘саб̣б̣з гаамаа бахийнаа мз, бхаваа саб̣б̣з бад̣̇аалид̇аа;
‘‘Sabbe kāmā pahīnā me, bhavā sabbe padālitā;
вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и. –
Vikkhīṇo jātisaṃsāro, natthi dāni punabbhavo’’ti. –
д̇иссо г̇аат̇аа абхааси.
Tisso gāthā abhāsi.
д̇ад̇т̇а бан̣д̣ид̇ам̣ вад̇а мам̣ санд̇анд̇и суд̇ажинд̇аамаяааяа бан̃н̃ааяа васзна бан̃н̃аасамбаннамби наама мам̣ самаанам̣. аламад̇т̇авижинд̇аганд̇и ад̇д̇ано жа барзсан̃жа ад̇т̇ам̣ хид̇ам̣ вижинд̇зд̇ум̣ самад̇т̇ам̣, алам̣ ваа барияад̇д̇ам̣ ад̇т̇асса вижинд̇агам̣, гилзсавид̣̇д̇хам̣санасамад̇т̇ам̣ ад̇т̇ад̣̇ассинам̣ ваа, саб̣б̣амзд̇ам̣ ад̇д̇ано анд̇имабхавигад̇ааяа т̇зро вад̣̇ад̇и. бан̃жа гаамаг̇ун̣аад̇и руубаад̣̇аяо бан̃жа гаамагодтаасаа. логзд̇и д̇зсам̣ бавад̇д̇идтаанад̣̇ассанам̣. саммохаад̇и саммоханимид̇д̇ам̣ аяонисоманасигаарахзд̇у. саммохаад̇и ваа саммоханаа саммохагараа. баад̇аяим̣сууд̇и д̇хийрабхаавад̇о баад̇зсум̣, логад̇о ваа уд̇д̇арид̇угаамам̣ мам̣ логз баад̇аяим̣сууд̇и ад̇т̇о.
Tattha paṇḍitaṃ vata maṃ santanti sutacintāmayāya paññāya vasena paññāsampannampi nāma maṃ samānaṃ. Alamatthavicintakanti attano ca paresañca atthaṃ hitaṃ vicintetuṃ samatthaṃ, alaṃ vā pariyattaṃ atthassa vicintakaṃ, kilesaviddhaṃsanasamatthaṃ atthadassinaṃ vā, sabbametaṃ attano antimabhavikatāya thero vadati. Pañca kāmaguṇāti rūpādayo pañca kāmakoṭṭhāsā. Loketi tesaṃ pavattiṭṭhānadassanaṃ. Sammohāti sammohanimittaṃ ayonisomanasikārahetu. Sammohāti vā sammohanā sammohakarā. Pātayiṃsūti dhīrabhāvato pātesuṃ, lokato vā uttaritukāmaṃ maṃ loke pātayiṃsūti attho.
багканд̣̇од̇и анубавидто. маарависаязд̇и гилзсависаяз гилзсамаарасса бавад̇д̇идтаанз, д̇асса васам̣ г̇ад̇од̇и ад̇хиббааяо. д̣̇звабуд̇д̇амаарасса ваа иссарияадтаанз д̇ам̣ анубависид̇ваа тид̇о. д̣̇ал̣хасалласамаббид̇од̇и д̣̇ал̣хам̣ т̇ирам̣, д̣̇ал̣хзна ваа саллзна самаббид̇о, рааг̇асаллзна хад̣̇аяам̣ аахажжа вид̣̇д̇хо. асагким̣ мажжурааж̇асса, ахам̣ баасаа бамужжид̇унд̇и аг̇г̇амаг̇г̇асан̣д̣аасзна рааг̇аад̣̇исаллам̣ анавасзсад̇о уд̣̇д̇харанд̇оязва рааг̇аб̣анд̇ханасан̇каад̇аа мажжурааж̇асса баасаа ахам̣ баримужжид̇ум̣ асагким̣, д̇ад̇о ад̇д̇аанам̣ баможзсим̣.
Pakkhandoti anupaviṭṭho. Māravisayeti kilesavisaye kilesamārassa pavattiṭṭhāne, tassa vasaṃ gatoti adhippāyo. Devaputtamārassa vā issariyaṭṭhāne taṃ anupavisitvā ṭhito. Daḷhasallasamappitoti daḷhaṃ thiraṃ, daḷhena vā sallena samappito, rāgasallena hadayaṃ āhacca viddho. Asakkhiṃ maccurājassa, ahaṃ pāsā pamuccitunti aggamaggasaṇḍāsena rāgādisallaṃ anavasesato uddharantoyeva rāgabandhanasaṅkhātā maccurājassa pāsā ahaṃ parimuccituṃ asakkhiṃ, tato attānaṃ pamocesiṃ.
д̇ад̇о зва жа саб̣б̣з гаамаа бахийнаа мз, бхаваа саб̣б̣з бад̣̇аалид̇аад̇и вад̇т̇аарамман̣аад̣̇ибхзд̣̇зна анзгабхзд̣̇абхиннаа саб̣б̣з гилзсагаамаа арияамаг̇г̇зна самужчзд̣̇авасзна маяаа бахийнаа. гилзсагаамзсу хи бахийнзсу вад̇т̇угаамааби бахийнаа зва хонд̇и. д̇ат̇аа гаамабхавагаммабхаваад̣̇аяо бхаваа саб̣б̣з маг̇г̇ан̃аан̣аасинаа бад̣̇аалид̇аа вид̣̇д̇хам̣сид̇аа. гаммабхавзсу хи бад̣̇аалид̇зсу убабад̇д̇ибхаваа бад̣̇аалид̇аа зва хонд̇и. звам̣ гаммабхаваанам̣ бад̣̇аалид̇ад̇д̇аа зва вигкийн̣о ж̇аад̇исам̣сааро, над̇т̇и д̣̇аани бунаб̣бхавод̇и. д̇ассад̇т̇о хздтаа вуд̇д̇оязва. ид̣̇амзва жа т̇зрасса ан̃н̃ааб̣яаагаран̣ам̣ ахоси.
Tato eva ca sabbe kāmā pahīnā me, bhavā sabbe padālitāti vatthārammaṇādibhedena anekabhedabhinnā sabbe kilesakāmā ariyamaggena samucchedavasena mayā pahīnā. Kilesakāmesu hi pahīnesu vatthukāmāpi pahīnā eva honti. Tathā kāmabhavakammabhavādayo bhavā sabbe maggañāṇāsinā padālitā viddhaṃsitā. Kammabhavesu hi padālitesu upapattibhavā padālitā eva honti. Evaṃ kammabhavānaṃ padālitattā eva vikkhīṇo jātisaṃsāro, natthi dāni punabbhavoti. Tassattho heṭṭhā vuttoyeva. Idameva ca therassa aññābyākaraṇaṃ ahosi.
уд̇д̇арабаалад̇т̇зраг̇аат̇ааван̣н̣анаа нидтид̇аа.
Uttarapālattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 12. уд̇д̇арабаалад̇т̇зраг̇аат̇аа • 12. Uttarapālattheragāthā
