| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
7. сад̇д̇аганибаад̇о
7. Sattakanipāto
1. уд̇д̇араат̇зрийг̇аат̇ааван̣н̣анаа
1. Uttarātherīgāthāvaṇṇanā
сад̇д̇аганибаад̇з мусалаани г̇ахзд̇ваанаад̇и уд̇д̇арааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий, ануггамзна самбхаавид̇агусаламуулаа самубажид̇авимогкасамбхаараа барибаггавимуд̇д̇ибарибаажанийяад̇хаммаа худ̇ваа, имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасмим̣ гулаг̇зхз ниб̣б̣ад̇д̇ид̇ваа уд̇д̇араад̇и лад̣̇д̇ханаамаа ануггамзна вин̃н̃уд̇ам̣ бад̇ваа бадаажаарааяа т̇зрияаа санд̇игам̣ убасан̇гами. т̇зрий д̇ассаа д̇хаммам̣ гат̇зси. саа д̇хаммам̣ суд̇ваа сам̣саарз ж̇аад̇асам̣взг̇аа саасанз абхиббасаннаа худ̇ваа баб̣б̣аж̇и. баб̣б̣аж̇ид̇ваа жа гад̇абуб̣б̣агижжаа бадаажаарааяа т̇зрияаа санд̇игз вибассанам̣ бадтабзд̇ваа бхааванамануяун̃ж̇анд̇ий убаниссаяасамбаннад̇ааяа инд̣̇рияаанам̣ барибаагам̣ г̇ад̇ад̇д̇аа жа на жирассзва вибассанам̣ уссуггаабзд̇ваа саха бадисамбхид̣̇аахи арахад̇д̇ам̣ баабун̣и. арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Sattakanipāte musalāni gahetvānāti uttarāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī, anukkamena sambhāvitakusalamūlā samupacitavimokkhasambhārā paripakkavimuttiparipācanīyadhammā hutvā, imasmiṃ buddhuppāde sāvatthiyaṃ aññatarasmiṃ kulagehe nibbattitvā uttarāti laddhanāmā anukkamena viññutaṃ patvā paṭācārāya theriyā santikaṃ upasaṅkami. Therī tassā dhammaṃ kathesi. Sā dhammaṃ sutvā saṃsāre jātasaṃvegā sāsane abhippasannā hutvā pabbaji. Pabbajitvā ca katapubbakiccā paṭācārāya theriyā santike vipassanaṃ paṭṭhapetvā bhāvanamanuyuñjantī upanissayasampannatāya indriyānaṃ paripākaṃ gatattā ca na cirasseva vipassanaṃ ussukkāpetvā saha paṭisambhidāhi arahattaṃ pāpuṇi. Arahattaṃ pana patvā attano paṭipattiṃ paccavekkhitvā udānavasena –
175.
175.
‘‘мусалаани г̇ахзд̇ваана, д̇хан̃н̃ам̣ годдзнд̇и маан̣аваа;
‘‘Musalāni gahetvāna, dhaññaṃ koṭṭenti māṇavā;
буд̇д̇ад̣̇аараани босзнд̇аа, д̇ханам̣ винд̣̇анд̇и маан̣аваа.
Puttadārāni posentā, dhanaṃ vindanti māṇavā.
176.
176.
‘‘гхадзт̇а б̣уд̣̇д̇хасаасанз, яам̣ гад̇ваа наануд̇аббад̇и;
‘‘Ghaṭetha buddhasāsane, yaṃ katvā nānutappati;
киббам̣ баад̣̇аани д̇ховид̇ваа, згаманд̇ам̣ нисийд̣̇ат̇а.
Khippaṃ pādāni dhovitvā, ekamantaṃ nisīdatha.
177.
177.
‘‘жид̇д̇ам̣ убадтабзд̇ваана, згаг̇г̇ам̣ сусамаахид̇ам̣;
‘‘Cittaṃ upaṭṭhapetvāna, ekaggaṃ susamāhitaṃ;
бажжавзгкат̇а сан̇каарз, барад̇о но жа ад̇д̇ад̇о.
Paccavekkhatha saṅkhāre, parato no ca attato.
178.
178.
‘‘д̇ассаахам̣ важанам̣ суд̇ваа, бадаажаараанусаасаним̣;
‘‘Tassāhaṃ vacanaṃ sutvā, paṭācārānusāsaniṃ;
баад̣̇з багкаалаяид̇ваана, згаманд̇з убаависим̣.
Pāde pakkhālayitvāna, ekamante upāvisiṃ.
179.
179.
‘‘рад̇д̇ияаа буримз яаамз, буб̣б̣аж̇аад̇имануссарим̣;
‘‘Rattiyā purime yāme, pubbajātimanussariṃ;
рад̇д̇ияаа маж̇жхимз яаамз, д̣̇иб̣б̣ажагкум̣ висод̇хаяим̣.
Rattiyā majjhime yāme, dibbacakkhuṃ visodhayiṃ.
180.
180.
‘‘рад̇д̇ияаа бажчимз яаамз, д̇амогканд̇хам̣ бад̣̇аалаяим̣;
‘‘Rattiyā pacchime yāme, tamokkhandhaṃ padālayiṃ;
д̇звиж̇ж̇аа ат̇а вудтаасим̣, гад̇аа д̇з анусаасаний.
Tevijjā atha vuṭṭhāsiṃ, katā te anusāsanī.
181.
181.
‘‘саггам̣ва д̣̇зваа д̇ид̣̇асаа, сан̇г̇аамз абарааж̇ид̇ам̣;
‘‘Sakkaṃva devā tidasā, saṅgāme aparājitaṃ;
бурагкад̇ваа вихассаами, д̇звиж̇ж̇аамхи анаасаваа’’д̇и. –
Purakkhatvā vihassāmi, tevijjāmhi anāsavā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а жид̇д̇ам̣ убадтабзд̇ваанаад̇и бхааванаажид̇д̇ам̣ гаммадтаанз убадтабзд̇ваа. гат̇ам̣? згаг̇г̇ам̣ сусамаахид̇ам̣ бажжавзгкат̇аад̇и бадибад̇д̇им̣ авзгкат̇а, сан̇каарз анижжаад̇иби, д̣̇угкаад̇иби, анад̇д̇аад̇иби лагкан̣ад̇д̇аяам̣ вибассат̇аад̇и ад̇т̇о. ид̣̇ан̃жа оваад̣̇агаалз ад̇д̇ано ан̃н̃зсан̃жа бхигкунийнам̣ т̇зрияаад̣̇ийнам̣ оваад̣̇асса ануваад̣̇авасзна вуд̇д̇ам̣. бадаажаараанусаасанинд̇и бадаажаарааяа т̇зрияаа анусидтим̣. ‘‘бадаажаарааяа саасана’’нд̇иби ваа баато.
Tattha cittaṃ upaṭṭhapetvānāti bhāvanācittaṃ kammaṭṭhāne upaṭṭhapetvā. Kathaṃ? Ekaggaṃ susamāhitaṃ paccavekkhathāti paṭipattiṃ avekkhatha, saṅkhāre aniccātipi, dukkhātipi, anattātipi lakkhaṇattayaṃ vipassathāti attho. Idañca ovādakāle attano aññesañca bhikkhunīnaṃ theriyādīnaṃ ovādassa anuvādavasena vuttaṃ. Paṭācārānusāsaninti paṭācārāya theriyā anusiṭṭhiṃ. ‘‘Paṭācārāya sāsana’’ntipi vā pāṭho.
ат̇а вудтаасинд̇и д̇звиж̇ж̇аабхааваббад̇д̇ид̇о бажчаа аасанад̇о вудтаасим̣. аяамби т̇зрий згад̣̇ивасам̣ бадаажаарааяа т̇зрияаа санд̇игз гаммадтаанам̣ сод̇хзд̇ваа ад̇д̇ано васанадтаанам̣ бависид̇ваа баллан̇гам̣ аабхуж̇ид̇ваа нисийд̣̇и. ‘‘на д̇аавимам̣ баллан̇гам̣ бхинд̣̇иссаами, яаава мз на анубаад̣̇ааяа аасавзхи жид̇д̇ам̣ вимужжад̇ий’’д̇и нижчаяам̣ гад̇ваа саммасанам̣ аарабхид̇ваа, ануггамзна вибассанам̣ уссуггаабзд̇ваа маг̇г̇абадибаадияаа абхин̃н̃аабадисамбхид̣̇аабариваарам̣ арахад̇д̇ам̣ бад̇ваа згуунавийсад̇ияаа бажжавзгкан̣аан̃аан̣ааяа бавад̇д̇ааяа ‘‘ид̣̇аанимхи гад̇агижжаа’’д̇и соманассаж̇аад̇аа имаа г̇аат̇аа уд̣̇аанзд̇ваа баад̣̇з басаарзси арун̣уг̇г̇аманавзлааяам̣. д̇ад̇о саммад̣̇зва вибхаад̇ааяа рад̇д̇ияаа т̇зрияаа санд̇игам̣ убаг̇анд̇ваа имаа г̇аат̇аа бажжуд̣̇аахааси. д̇зна вуд̇д̇ам̣ ‘‘гад̇аа д̇з анусаасаний’’д̇иаад̣̇и. сзсам̣ саб̣б̣ам̣ хздтаа вуд̇д̇анаяамзва.
Atha vuṭṭhāsinti tevijjābhāvappattito pacchā āsanato vuṭṭhāsiṃ. Ayampi therī ekadivasaṃ paṭācārāya theriyā santike kammaṭṭhānaṃ sodhetvā attano vasanaṭṭhānaṃ pavisitvā pallaṅkaṃ ābhujitvā nisīdi. ‘‘Na tāvimaṃ pallaṅkaṃ bhindissāmi, yāva me na anupādāya āsavehi cittaṃ vimuccatī’’ti nicchayaṃ katvā sammasanaṃ ārabhitvā, anukkamena vipassanaṃ ussukkāpetvā maggapaṭipāṭiyā abhiññāpaṭisambhidāparivāraṃ arahattaṃ patvā ekūnavīsatiyā paccavekkhaṇāñāṇāya pavattāya ‘‘idānimhi katakiccā’’ti somanassajātā imā gāthā udānetvā pāde pasāresi aruṇuggamanavelāyaṃ. Tato sammadeva vibhātāya rattiyā theriyā santikaṃ upagantvā imā gāthā paccudāhāsi. Tena vuttaṃ ‘‘katā te anusāsanī’’tiādi. Sesaṃ sabbaṃ heṭṭhā vuttanayameva.
уд̇д̇араат̇зрийг̇аат̇ааван̣н̣анаа нидтид̇аа.
Uttarātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. уд̇д̇араат̇зрийг̇аат̇аа • 1. Uttarātherīgāthā
