| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. уд̇д̇арад̇т̇зраабад̣̇аанаван̣н̣анаа
6. Uttarattheraapadānavaṇṇanā
чадтаабад̣̇аанз сумзд̇хо наама самб̣уд̣̇д̇ход̇иаад̣̇игам̣ ааяасмад̇о уд̇д̇арасааман̣зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сумзд̇хасса бхаг̇авад̇о гаалз виж̇ж̇аад̇харо худ̇ваа аагаасзна вижарад̇и. д̇зна жа самаязна сад̇т̇аа д̇ассзва ануг̇г̇ан̣ханад̇т̇ам̣ вананд̇арз ан̃н̃ад̇арасмим̣ ругкамуулз нисийд̣̇и чаб̣б̣ан̣н̣аб̣уд̣̇д̇харам̣сияо виссаж̇ж̇знд̇о. со анд̇алигкзна г̇ажчанд̇о бхаг̇аванд̇ам̣ д̣̇исваа басаннамаанасо аагаасад̇о оруяха сувисуд̣̇д̇хзхи вибулзхи ган̣игаарабубпзхи бхаг̇аванд̇ам̣ бууж̇зси, бубпаани б̣уд̣̇д̇хаанубхаавзна сад̇т̇у убари чад̇д̇аагаарзна адтам̣су, со д̇зна бхияяосомад̇д̇ааяа басаннажид̇д̇о худ̇ваа абарабхааг̇з гаалам̣ гад̇ваа д̇аавад̇им̣сзсу ниб̣б̣ад̇д̇ид̇ваа д̣̇иб̣б̣асамбад̇д̇им̣ анубхаванд̇о яаавад̇ааяугам̣ д̇ад̇т̇а тад̇ваа д̇ад̇о жуд̇о д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз б̣раахман̣амахаасааласса буд̇д̇о худ̇ваа ниб̣б̣ад̇д̇и, уд̇д̇арод̇исса наамам̣ ахоси. со вин̃н̃уд̇ам̣ бад̇д̇о б̣раахман̣авиж̇ж̇аасу нибпад̇д̇им̣ г̇анд̇ваа ж̇аад̇ияаа руубзна виж̇ж̇ааяа ваязна сийлаажаарзна жа логасса самбхааванийяо ж̇аад̇о.
Chaṭṭhāpadāne sumedho nāma sambuddhotiādikaṃ āyasmato uttarasāmaṇerassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle vijjādharo hutvā ākāsena vicarati. Tena ca samayena satthā tasseva anuggaṇhanatthaṃ vanantare aññatarasmiṃ rukkhamūle nisīdi chabbaṇṇabuddharaṃsiyo vissajjento. So antalikkhena gacchanto bhagavantaṃ disvā pasannamānaso ākāsato oruyha suvisuddhehi vipulehi kaṇikārapupphehi bhagavantaṃ pūjesi, pupphāni buddhānubhāvena satthu upari chattākārena aṭṭhaṃsu, so tena bhiyyosomattāya pasannacitto hutvā aparabhāge kālaṃ katvā tāvatiṃsesu nibbattitvā dibbasampattiṃ anubhavanto yāvatāyukaṃ tattha ṭhatvā tato cuto devamanussesu saṃsaranto imasmiṃ buddhuppāde rājagahe brāhmaṇamahāsālassa putto hutvā nibbatti, uttarotissa nāmaṃ ahosi. So viññutaṃ patto brāhmaṇavijjāsu nipphattiṃ gantvā jātiyā rūpena vijjāya vayena sīlācārena ca lokassa sambhāvanīyo jāto.
д̇асса д̇ам̣ самбад̇д̇им̣ д̣̇исваа вассагааро маг̇ад̇хамахаамад̇д̇о ад̇д̇ано д̇хийд̇арам̣ д̣̇аад̇угаамо худ̇ваа ад̇д̇ано ад̇хиббааяам̣ бавзд̣̇зси. со ниссаран̣аж̇жхаасаяад̇ааяа д̇ам̣ бадигкибид̇ваа гаалзна гаалам̣ д̇хаммасзнаабад̇им̣ баяирубаасанд̇о д̇асса санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вад̇д̇асамбанно худ̇ваа т̇зрам̣ убадтахад̇и.
Tassa taṃ sampattiṃ disvā vassakāro magadhamahāmatto attano dhītaraṃ dātukāmo hutvā attano adhippāyaṃ pavedesi. So nissaraṇajjhāsayatāya taṃ paṭikkhipitvā kālena kālaṃ dhammasenāpatiṃ payirupāsanto tassa santike dhammaṃ sutvā paṭiladdhasaddho pabbajitvā vattasampanno hutvā theraṃ upaṭṭhahati.
д̇зна жа самаязна т̇зрасса ан̃н̃ад̇аро ааб̣аад̇хо уббанно, д̇асса бхзсаж̇ж̇ад̇т̇ааяа уд̇д̇аро сааман̣зро баад̇ова бад̇д̇ажийварамаад̣̇ааяа вихаарад̇о нигканд̇о анд̇араамаг̇г̇з д̇ал̣аагасса самийбз бад̇д̇ам̣ табзд̇ваа уд̣̇агасамийбам̣ г̇анд̇ваа мукам̣ д̇ховад̇и. ат̇а ан̃н̃ад̇аро уман̇г̇ажоро гад̇агаммо аарагкабурисзхи ануб̣ад̣̇д̇хо аг̇г̇амаг̇г̇зна наг̇арад̇о нигкамид̇ваа балааяанд̇о ад̇д̇анаа г̇ахид̇ам̣ рад̇анабхан̣д̣ид̇ам̣ сааман̣зрасса бад̇д̇з багкибид̇ваа балааяи. сааман̣зроби бад̇д̇асамийбам̣ убаг̇ад̇о. жорам̣ ануб̣анд̇ханд̇аа рааж̇абурисаа сааман̣зрасса бад̇д̇з бхан̣д̣игам̣ д̣̇исваа ‘‘аяам̣ жоро, иминаа жорияам̣ гад̇а’’нд̇и сааман̣зрам̣ бажчааб̣аахам̣ б̣анд̇хид̇ваа вассагаарасса б̣раахман̣асса д̣̇ассзсум̣. вассагааро жа д̇ад̣̇аа ран̃н̃о винижчаяз нияуд̇д̇о худ̇ваа чзж̇ж̇абхзж̇ж̇ам̣ анусаасад̇и, со ‘‘буб̣б̣з мама важанам̣ наад̣̇ияи, суд̣̇д̇хабаасан̣д̣иязсу баб̣б̣аж̇ий’’д̇и (т̇зраг̇аа. адта. 1.уд̇д̇арад̇т̇зраг̇аат̇ааван̣н̣анаа) гаммам̣ асод̇хзд̇ваа гхаад̇угаамад̇д̇аава ж̇ийванд̇амзва д̇ам̣ суулз уд̇д̇аасзси.
Tena ca samayena therassa aññataro ābādho uppanno, tassa bhesajjatthāya uttaro sāmaṇero pātova pattacīvaramādāya vihārato nikkhanto antarāmagge taḷākassa samīpe pattaṃ ṭhapetvā udakasamīpaṃ gantvā mukhaṃ dhovati. Atha aññataro umaṅgacoro katakammo ārakkhapurisehi anubaddho aggamaggena nagarato nikkhamitvā palāyanto attanā gahitaṃ ratanabhaṇḍitaṃ sāmaṇerassa patte pakkhipitvā palāyi. Sāmaṇeropi pattasamīpaṃ upagato. Coraṃ anubandhantā rājapurisā sāmaṇerassa patte bhaṇḍikaṃ disvā ‘‘ayaṃ coro, iminā coriyaṃ kata’’nti sāmaṇeraṃ pacchābāhaṃ bandhitvā vassakārassa brāhmaṇassa dassesuṃ. Vassakāro ca tadā rañño vinicchaye niyutto hutvā chejjabhejjaṃ anusāsati, so ‘‘pubbe mama vacanaṃ nādiyi, suddhapāsaṇḍiyesu pabbajī’’ti (theragā. aṭṭha. 1.uttarattheragāthāvaṇṇanā) kammaṃ asodhetvā ghātukāmattāva jīvantameva taṃ sūle uttāsesi.
ат̇асса бхаг̇аваа н̃аан̣абарибаагам̣ ологзд̇ваа д̇ам̣ таанам̣ г̇анд̇ваа вибпуранд̇ахад̇т̇анакаман̣имаяуукасамбхиннасид̇аабхад̇ааяа баг̇гхаранд̇аж̇аад̇ихин̇г̇улагасуван̣н̣арасад̇хаарам̣ вияа ж̇аалааг̇ун̣тид̇амуд̣̇уд̇алунад̣̇ийгхан̇г̇улихад̇т̇ам̣ уд̇д̇арасса сийсз табзд̇ваа ‘‘уд̇д̇ара, ид̣̇ам̣ д̇з буримагаммасса палам̣ уббаннам̣, д̇ад̇т̇а д̇аяаа бажжавзгкан̣аб̣алзна ад̇хиваасанаа гаад̇аб̣б̣аа’’д̇и вад̇ваа аж̇жхаасаяаануруубам̣ д̇хаммам̣ д̣̇зсзси. уд̇д̇аро амад̇аабхисзгасад̣̇исзна сад̇т̇у хад̇т̇асампассзна сан̃ж̇аад̇аббасаад̣̇асоманассад̇ааяа ул̣аарабийд̇ибаамож̇ж̇ам̣ бадилабхид̇ваа яат̇аабарижид̇ам̣ вибассанаамаг̇г̇ам̣ самааруул̣хо н̃аан̣асса барибаагам̣ г̇ад̇ад̇д̇аа сад̇т̇у жа д̣̇зсанаавилаасзна д̇аавад̣̇зва маг̇г̇абадибаадияаа саб̣б̣з гилзсз кзбзд̇ваа чал̣абхин̃н̃о ахоси. чал̣абхин̃н̃о бана худ̇ваа суулад̇о удтахид̇ваа бараануд̣̇д̣̇аяааяа аагаасз тад̇ваа баадихаарияам̣ д̣̇ассзси. махааж̇ано ажчарияаб̣бхуд̇ажид̇д̇аж̇аад̇о ахоси. д̇аавад̣̇звасса ван̣о сам̣руул̣хи, со бхигкуухи, ‘‘аавусо, д̇аад̣̇исад̣̇угкам̣ анубхаванд̇о гат̇ам̣ д̇вам̣ вибассанам̣ ануяун̃ж̇ид̇ум̣ асагкий’’д̇и будто, ‘‘баг̇зва мз, аавусо, сам̣саарз аад̣̇ийнаво, сан̇каараанан̃жа сабхааво суд̣̇идто, зваахам̣ д̇аад̣̇исам̣ д̣̇угкам̣ анубхаванд̇оби асагким̣ вибассанам̣ вад̣дхзд̇ваа висзсам̣ ад̇хиг̇анд̇у’’нд̇и ааха. ‘‘буб̣б̣аж̇аад̇ияаа д̣̇ахарагаалз магкигам̣ г̇ахзд̇ваа нимб̣асуулагам̣ г̇ахзд̇ваа суулааробанагийл̣ам̣ бадижжа звам̣ анзгаж̇аад̇исад̇зсу суулааробанад̣̇угкаманубхавид̇ваа имааяа барияосаанаж̇аад̇ияаа зваруубам̣ д̣̇угкаманубхууд̇а’’нд̇и ааха.
Athassa bhagavā ñāṇaparipākaṃ oloketvā taṃ ṭhānaṃ gantvā vipphurantahatthanakhamaṇimayūkhasambhinnasitābhatāya paggharantajātihiṅgulakasuvaṇṇarasadhāraṃ viya jālāguṇṭhitamudutalunadīghaṅgulihatthaṃ uttarassa sīse ṭhapetvā ‘‘uttara, idaṃ te purimakammassa phalaṃ uppannaṃ, tattha tayā paccavekkhaṇabalena adhivāsanā kātabbā’’ti vatvā ajjhāsayānurūpaṃ dhammaṃ desesi. Uttaro amatābhisekasadisena satthu hatthasamphassena sañjātappasādasomanassatāya uḷārapītipāmojjaṃ paṭilabhitvā yathāparicitaṃ vipassanāmaggaṃ samārūḷho ñāṇassa paripākaṃ gatattā satthu ca desanāvilāsena tāvadeva maggapaṭipāṭiyā sabbe kilese khepetvā chaḷabhiñño ahosi. Chaḷabhiñño pana hutvā sūlato uṭṭhahitvā parānuddayāya ākāse ṭhatvā pāṭihāriyaṃ dassesi. Mahājano acchariyabbhutacittajāto ahosi. Tāvadevassa vaṇo saṃrūḷhi, so bhikkhūhi, ‘‘āvuso, tādisadukkhaṃ anubhavanto kathaṃ tvaṃ vipassanaṃ anuyuñjituṃ asakkhī’’ti puṭṭho, ‘‘pageva me, āvuso, saṃsāre ādīnavo, saṅkhārānañca sabhāvo sudiṭṭho, evāhaṃ tādisaṃ dukkhaṃ anubhavantopi asakkhiṃ vipassanaṃ vaḍḍhetvā visesaṃ adhigantu’’nti āha. ‘‘Pubbajātiyā daharakāle makkhikaṃ gahetvā nimbasūlakaṃ gahetvā sūlāropanakīḷaṃ paṭicca evaṃ anekajātisatesu sūlāropanadukkhamanubhavitvā imāya pariyosānajātiyā evarūpaṃ dukkhamanubhūta’’nti āha.
55. ат̇а абарабхааг̇з буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о сумзд̇хо наама самб̣уд̣̇д̇ход̇иаад̣̇имааха. д̇ад̇т̇а ануд̇д̇аанабад̣̇аван̣н̣анамзва гариссаама.
55. Atha aparabhāge pubbakammaṃ saritvā somanassajāto pubbacaritāpadānaṃ pakāsento sumedho nāma sambuddhotiādimāha. Tattha anuttānapadavaṇṇanameva karissāma.
57. виж̇ж̇аад̇харо д̇ад̣̇аа аасинд̇и б̣аахирагаманд̇аад̣̇ивиж̇ж̇аасид̣̇д̇хияаа аагаасаг̇аамисамад̇т̇о худ̇ваа жаран̣авасзна д̇ам̣ виж̇ж̇ам̣ рагкид̇ваа авинаасзд̇ваа барихаран̣авасзна виж̇ж̇аад̇хараяони аасим̣ ахосинд̇и ад̇т̇о. анд̇алигкажаро аханд̇и анд̇ам̣ барияосаанам̣ годим̣ ликад̇з сам̣гариссад̇ийд̇и анд̇алигкам̣. ат̇а ваа анд̇ам̣ барияосаанам̣ ликяад̇з ологияад̇з зд̇знаад̇и анд̇алигкам̣, д̇асмим̣ анд̇алигкз, аагаасз жаран̣асийло аханд̇и ад̇т̇о. д̇исуулам̣ сугад̇ам̣ г̇аяхаад̇и д̇икин̣ам̣ суулам̣, аг̇г̇ам̣ аавуд̇хам̣. д̇исуулам̣ сунд̣̇арам̣ гад̇ам̣, годданагхам̣санамад̣̇д̣̇анабахаран̣авасзна судту гад̇ам̣ суулаавуд̇хам̣ г̇аяха г̇ахзд̇ваа амб̣арад̇о г̇ажчаамийд̇и ад̇т̇о. сзсам̣ саб̣б̣ам̣ хздтаа вуд̇д̇анаяад̇д̇аава наяаануяог̇зна сувин̃н̃зяяамзваад̇и.
57.Vijjādharo tadā āsinti bāhirakamantādivijjāsiddhiyā ākāsagāmisamattho hutvā caraṇavasena taṃ vijjaṃ rakkhitvā avināsetvā pariharaṇavasena vijjādharayoni āsiṃ ahosinti attho. Antalikkhacaro ahanti antaṃ pariyosānaṃ koṭiṃ likhate saṃkarissatīti antalikkhaṃ. Atha vā antaṃ pariyosānaṃ likhyate olokiyate etenāti antalikkhaṃ, tasmiṃ antalikkhe, ākāse caraṇasīlo ahanti attho. Tisūlaṃ sukataṃ gayhāti tikhiṇaṃ sūlaṃ, aggaṃ āvudhaṃ. Tisūlaṃ sundaraṃ kataṃ, koṭṭanaghaṃsanamaddanapaharaṇavasena suṭṭhu kataṃ sūlāvudhaṃ gayha gahetvā ambarato gacchāmīti attho. Sesaṃ sabbaṃ heṭṭhā vuttanayattāva nayānuyogena suviññeyyamevāti.
уд̇д̇арад̇т̇зраабад̣̇аанаван̣н̣анаа самад̇д̇аа.
Uttarattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. уд̇д̇арад̇т̇зраабад̣̇аанам̣ • 6. Uttarattheraapadānaṃ
