| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. д̇ад̇ияаваг̇г̇о
3. Tatiyavaggo
1. уд̇д̇арад̇т̇зраг̇аат̇ааван̣н̣анаа
1. Uttarattheragāthāvaṇṇanā
канд̇хаа маяаа барин̃н̃аад̇аад̇и ааяасмад̇о уд̇д̇арад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о ид̇о жад̇унавуд̇з габбз сид̣̇д̇хад̇т̇асса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о саасанз лад̣̇д̇хаббасаад̣̇о худ̇ваа убаасагад̇д̇ам̣ бадивзд̣̇зси. со сад̇т̇ари бариниб̣б̣уд̇з ад̇д̇ано н̃аад̇агз саннибаад̇зд̇ваа б̣ахум̣ бууж̇аасаггаарам̣ самбхарид̇ваа д̇хаад̇убууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саагзд̇з б̣раахман̣агулз ниб̣б̣ад̇д̇ид̇ваа уд̇д̇арод̇и лад̣̇д̇ханаамо ваяаббад̇д̇о гзнажид̣̇зва гаран̣ийязна саавад̇т̇им̣ г̇ад̇о ган̣д̣амб̣амуулз гад̇ам̣ яамагабаадихаарияам̣ д̣̇исваа басийд̣̇ид̇ваа буна гаал̣агаараамасуд̇д̇ад̣̇зсанааяа (а. ни. 4.24) абхивад̣дхамаанасад̣̇д̇хо баб̣б̣аж̇ид̇ваа сад̇т̇аараа сад̣̇д̇хим̣ рааж̇аг̇ахам̣ г̇анд̇ваа убасамбаж̇ж̇ид̇ваа д̇ад̇т̇зва васанд̇о вибассанам̣ бадтабзд̇ваа нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.49.106-110) –
Khandhāmayā pariññātāti āyasmato uttarattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto ito catunavute kappe siddhatthassa bhagavato kāle kulagehe nibbattitvā viññutaṃ patto sāsane laddhappasādo hutvā upāsakattaṃ paṭivedesi. So satthari parinibbute attano ñātake sannipātetvā bahuṃ pūjāsakkāraṃ sambharitvā dhātupūjaṃ akāsi. So tena puññakammena devamanussesu saṃsaranto imasmiṃ buddhuppāde sākete brāhmaṇakule nibbattitvā uttaroti laddhanāmo vayappatto kenacideva karaṇīyena sāvatthiṃ gato kaṇḍambamūle kataṃ yamakapāṭihāriyaṃ disvā pasīditvā puna kāḷakārāmasuttadesanāya (a. ni. 4.24) abhivaḍḍhamānasaddho pabbajitvā satthārā saddhiṃ rājagahaṃ gantvā upasampajjitvā tattheva vasanto vipassanaṃ paṭṭhapetvā nacirasseva chaḷabhiñño ahosi. Tena vuttaṃ apadāne (apa. thera 2.49.106-110) –
‘‘ниб̣б̣уд̇з логанаат̇амхи, сид̣̇д̇хад̇т̇з логанааяагз;
‘‘Nibbute lokanāthamhi, siddhatthe lokanāyake;
мама н̃аад̇ий самаанзд̇ваа, д̇хаад̇убууж̇ам̣ агаасахам̣.
Mama ñātī samānetvā, dhātupūjaṃ akāsahaṃ.
‘‘жад̇уннавуд̇ид̇о габбз, яам̣ д̇хаад̇умабхибууж̇аяим̣;
‘‘Catunnavutito kappe, yaṃ dhātumabhipūjayiṃ;
д̣̇уг̇г̇ад̇им̣ наабхиж̇аанаами, д̇хаад̇убууж̇ааяид̣̇ам̣ палам̣.
Duggatiṃ nābhijānāmi, dhātupūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа сад̇т̇ари саавад̇т̇ияам̣ вихаранд̇з б̣уд̣̇д̇хубадтаанад̇т̇ам̣ рааж̇аг̇ахад̇о саавад̇т̇им̣ убаг̇ад̇о бхигкуухи ‘‘гим̣, аавусо, баб̣б̣аж̇ж̇аагижжам̣ д̇аяаа мад̇т̇агам̣ баабид̇а’’нд̇и будто ан̃н̃ам̣ б̣яаагаронд̇о –
Chaḷabhiñño pana hutvā satthari sāvatthiyaṃ viharante buddhupaṭṭhānatthaṃ rājagahato sāvatthiṃ upagato bhikkhūhi ‘‘kiṃ, āvuso, pabbajjākiccaṃ tayā matthakaṃ pāpita’’nti puṭṭho aññaṃ byākaronto –
161.
161.
‘‘канд̇хаа маяаа барин̃н̃аад̇аа, д̇ан̣хаа мз сусамуухад̇аа;
‘‘Khandhā mayā pariññātā, taṇhā me susamūhatā;
бхаавид̇аа мама б̣ож̇жхан̇г̇аа, бад̇д̇о мз аасавагкаяо.
Bhāvitā mama bojjhaṅgā, patto me āsavakkhayo.
162.
162.
‘‘сохам̣ канд̇хз барин̃н̃ааяа, аб̣б̣ахид̇ваана ж̇аалиним̣;
‘‘Sohaṃ khandhe pariññāya, abbahitvāna jāliniṃ;
бхааваяид̇ваана б̣ож̇жхан̇г̇з, ниб̣б̣ааяиссам̣ анаасаво’’д̇и. – г̇аат̇аад̣̇ваяам̣ абхааси;
Bhāvayitvāna bojjhaṅge, nibbāyissaṃ anāsavo’’ti. – gāthādvayaṃ abhāsi;
д̇ад̇т̇а канд̇хаад̇и бан̃жубаад̣̇аанагканд̇хаа. барин̃н̃аад̇аад̇и ‘‘ид̣̇ам̣ д̣̇угкам̣, на ид̇о бхияяо’’д̇и барижчиж̇ж̇а н̃аад̇аа бхаавид̇аа. д̇зна д̣̇угкасса арияасажжасса барин̃н̃аабхисамаяамааха. д̇ан̣хаад̇и д̇асад̇и барид̇асад̇ийд̇и д̇ан̣хаа. сусамуухад̇аад̇и самуг̇гхаадид̇аа. зд̇зна самуд̣̇аяасажжасса бахаанаабхисамаяам̣ вад̣̇ад̇и. бхаавид̇аа мама б̣ож̇жхан̇г̇аад̇и б̣од̇хисан̇каад̇ааяа сад̇иаад̣̇ид̇хаммасаамаг̇г̇ияаа, д̇ам̣саман̇г̇ино ваа б̣од̇хисан̇каад̇асса арияабуг̇г̇аласса ан̇г̇аад̇и б̣ож̇жхан̇г̇аа. сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇аа маг̇г̇абарияаабаннаа д̇хаммаа маяаа бхаавид̇аа уббаад̣̇ид̇аа вад̣дхид̇аа. б̣ож̇жхан̇г̇аг̇г̇ахан̣знзва жзд̇т̇а д̇ам̣сахажарид̇ад̇ааяа саб̣б̣з маг̇г̇ад̇хаммаа, саб̣б̣з жа б̣од̇хибагкияад̇хаммаа г̇ахид̇аад̇и д̣̇адтаб̣б̣аа. зд̇знзва маг̇г̇асажжасса бхааванаабхисамаяам̣ д̣̇ассзд̇и. бад̇д̇о мз аасавагкаяод̇и гаамаасаваад̣̇аяо аасаваа кийяанд̇и зд̇т̇аад̇и аасавагкаяод̇и лад̣̇д̇ханаамо асан̇кад̇ад̇хаммо маяаа бад̇д̇о ад̇хиг̇ад̇о. зд̇зна нирод̇хасажжасса сажчигирияаабхисамаяам̣ гат̇зд̇и. зд̇д̇аавад̇аа ад̇д̇ано саубаад̣̇исзсаниб̣б̣аанасамбад̇д̇им̣ д̣̇ассзд̇и.
Tattha khandhāti pañcupādānakkhandhā. Pariññātāti ‘‘idaṃ dukkhaṃ, na ito bhiyyo’’ti paricchijja ñātā bhāvitā. Tena dukkhassa ariyasaccassa pariññābhisamayamāha. Taṇhāti tasati paritasatīti taṇhā. Susamūhatāti samugghāṭitā. Etena samudayasaccassa pahānābhisamayaṃ vadati. Bhāvitā mama bojjhaṅgāti bodhisaṅkhātāya satiādidhammasāmaggiyā, taṃsamaṅgino vā bodhisaṅkhātassa ariyapuggalassa aṅgāti bojjhaṅgā. Satidhammavicayavīriyapītipassaddhisamādhiupekkhāsaṅkhātā maggapariyāpannā dhammā mayā bhāvitā uppāditā vaḍḍhitā. Bojjhaṅgaggahaṇeneva cettha taṃsahacaritatāya sabbe maggadhammā, sabbe ca bodhipakkhiyadhammā gahitāti daṭṭhabbā. Eteneva maggasaccassa bhāvanābhisamayaṃ dasseti. Patto me āsavakkhayoti kāmāsavādayo āsavā khīyanti etthāti āsavakkhayoti laddhanāmo asaṅkhatadhammo mayā patto adhigato. Etena nirodhasaccassa sacchikiriyābhisamayaṃ katheti. Ettāvatā attano saupādisesanibbānasampattiṃ dasseti.
ид̣̇аани бана анубаад̣̇исзсаниб̣б̣аанасамбад̇д̇им̣ д̣̇ассзнд̇о ‘‘соха’’нд̇иаад̣̇инаа д̣̇уд̇ияам̣ г̇аат̇амааха. д̇ассад̇т̇о – сохам̣ звам̣ вуд̇д̇анаязна канд̇хз барин̃н̃ааяа бариж̇аанид̇ваа, д̇ат̇аа бариж̇аананд̇о зва сагаад̇д̇абхаавабараад̇д̇абхаавзсу аж̇жхад̇д̇игаб̣аахирааяад̇анзсу ад̇ийд̇аад̣̇ибхзд̣̇абхиннзсу сам̣сиб̣б̣анаагаарам̣ бунаббунам̣ бавад̇д̇исан̇каад̇ам̣ ж̇аалам̣ зд̇асса ад̇т̇ийд̇и ж̇аалинийд̇и лад̣̇д̇ханаамам̣ д̇ан̣хам̣ аб̣б̣ахид̇ваана мама жид̇д̇асанд̇аанад̇о уд̣̇д̇харид̇ваа, д̇ат̇аа нам̣ уд̣̇д̇харанд̇оязва вуд̇д̇аббабхзд̣̇з б̣ож̇жхан̇г̇з бхааваяид̇ваана д̇з бхааванаабаарибуурим̣ баабзд̇ваа д̇ад̇о зва анаасаво худ̇ваа тид̇о ид̣̇аани жаримагажид̇д̇анирод̇хзна анубаад̣̇аано вияа ж̇аад̇авзд̣̇о ниб̣б̣ааяиссам̣ бариниб̣б̣ааяиссаамийд̇и.
Idāni pana anupādisesanibbānasampattiṃ dassento ‘‘soha’’ntiādinā dutiyaṃ gāthamāha. Tassattho – sohaṃ evaṃ vuttanayena khandhe pariññāya parijānitvā, tathā parijānanto eva sakaattabhāvaparaattabhāvesu ajjhattikabāhirāyatanesu atītādibhedabhinnesu saṃsibbanākāraṃ punappunaṃ pavattisaṅkhātaṃ jālaṃ etassa atthīti jālinīti laddhanāmaṃ taṇhaṃ abbahitvāna mama cittasantānato uddharitvā, tathā naṃ uddharantoyeva vuttappabhede bojjhaṅge bhāvayitvāna te bhāvanāpāripūriṃ pāpetvā tato eva anāsavo hutvā ṭhito idāni carimakacittanirodhena anupādāno viya jātavedo nibbāyissaṃ parinibbāyissāmīti.
уд̇д̇арад̇т̇зраг̇аат̇ааван̣н̣анаа нидтид̇аа.
Uttarattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. уд̇д̇арад̇т̇зраг̇аат̇аа • 1. Uttarattheragāthā
