| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៣. ឧត្តរិមនុស្សធម្មសុត្តំ
3. Uttarimanussadhammasuttaṃ
៧៧. ‘‘ឆ, ភិក្ខវេ, ធម្មេ អប្បហាយ អភព្ពោ ឧត្តរិមនុស្សធម្មំ អលមរិយញាណទស្សនវិសេសំ សច្ឆិកាតុំ។ កតមេ ឆ? មុដ្ឋស្សច្ចំ, អសម្បជញ្ញំ, ឥន្ទ្រិយេសុ អគុត្តទ្វារតំ, ភោជនេ អមត្តញ្ញុតំ, កុហនំ, លបនំ។ ឥមេ ខោ, ភិក្ខវេ, ឆ ធម្មេ អប្បហាយ អភព្ពោ ឧត្តរិមនុស្សធម្មំ អលមរិយញាណទស្សនវិសេសំ សច្ឆិកាតុំ។
77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
‘‘ឆ, ភិក្ខវេ, ធម្មេ បហាយ ភព្ពោ ឧត្តរិមនុស្សធម្មំ អលមរិយញាណទស្សនវិសេសំ សច្ឆិកាតុំ។ កតមេ ឆ? មុដ្ឋស្សច្ចំ, អសម្បជញ្ញំ, ឥន្ទ្រិយេសុ អគុត្តទ្វារតំ, ភោជនេ អមត្តញ្ញុតំ, កុហនំ, លបនំ។ ឥមេ ខោ, ភិក្ខវេ, ឆ ធម្មេ បហាយ ភព្ពោ ឧត្តរិមនុស្សធម្មំ អលមរិយញាណទស្សនវិសេសំ សច្ឆិកាតុ’’ន្តិ។ តតិយំ។
‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៣. ឧត្តរិមនុស្សធម្មសុត្តវណ្ណនា • 3. Uttarimanussadhammasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-៣. ទុក្ខសុត្តាទិវណ្ណនា • 1-3. Dukkhasuttādivaṇṇanā
