| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၃. ဥတ္တရိမနုသ္သဓမ္မသုတ္တံ
3. Uttarimanussadhammasuttaṃ
၇၇. ‘‘ဆ, ဘိက္ခဝေ, ဓမ္မေ အပ္ပဟာယ အဘဗ္ဗော ဥတ္တရိမနုသ္သဓမ္မံ အလမရိယဉာဏဒသ္သနဝိသေသံ သစ္ဆိကာတုံ။ ကတမေ ဆ? မုဋ္ဌသ္သစ္စံ, အသမ္ပဇညံ, ဣန္ဒ္ရိယေသု အဂုတ္တဒ္ဝာရတံ, ဘောဇနေ အမတ္တညုတံ, ကုဟနံ, လပနံ။ ဣမေ ခော, ဘိက္ခဝေ, ဆ ဓမ္မေ အပ္ပဟာယ အဘဗ္ဗော ဥတ္တရိမနုသ္သဓမ္မံ အလမရိယဉာဏဒသ္သနဝိသေသံ သစ္ဆိကာတုံ။
77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
‘‘ဆ, ဘိက္ခဝေ, ဓမ္မေ ပဟာယ ဘဗ္ဗော ဥတ္တရိမနုသ္သဓမ္မံ အလမရိယဉာဏဒသ္သနဝိသေသံ သစ္ဆိကာတုံ။ ကတမေ ဆ? မုဋ္ဌသ္သစ္စံ, အသမ္ပဇညံ, ဣန္ဒ္ရိယေသု အဂုတ္တဒ္ဝာရတံ, ဘောဇနေ အမတ္တညုတံ, ကုဟနံ, လပနံ။ ဣမေ ခော, ဘိက္ခဝေ, ဆ ဓမ္မေ ပဟာယ ဘဗ္ဗော ဥတ္တရိမနုသ္သဓမ္မံ အလမရိယဉာဏဒသ္သနဝိသေသံ သစ္ဆိကာတု’’န္တိ။ တတိယံ။
‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. ဥတ္တရိမနုသ္သဓမ္မသုတ္တဝဏ္ဏနာ • 3. Uttarimanussadhammasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၃. ဒုက္ခသုတ္တာဒိဝဏ္ဏနာ • 1-3. Dukkhasuttādivaṇṇanā
