| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
3. උත්‌තරිමනුස්‌සධම්‌මසුත්‌තං
3. Uttarimanussadhammasuttaṃ
77. ‘‘ඡ, භික්‌ඛවෙ, ධම්‌මෙ අප්‌පහාය අභබ්‌බො උත්‌තරිමනුස්‌සධම්‌මං අලමරියඤාණදස්‌සනවිසෙසං සච්‌ඡිකාතුං. කතමෙ ඡ? මුට්‌ඨස්‌සච්‌චං, අසම්‌පජඤ්‌ඤං, ඉන්‌ද්‍රියෙසු අගුත්‌තද්‌වාරතං, භොජනෙ අමත්‌තඤ්‌ඤුතං, කුහනං, ලපනං. ඉමෙ ඛො, භික්‌ඛවෙ, ඡ ධම්‌මෙ අප්‌පහාය අභබ්‌බො උත්‌තරිමනුස්‌සධම්‌මං අලමරියඤාණදස්‌සනවිසෙසං සච්‌ඡිකාතුං.
77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
‘‘ඡ, භික්‌ඛවෙ, ධම්‌මෙ පහාය භබ්‌බො උත්‌තරිමනුස්‌සධම්‌මං අලමරියඤාණදස්‌සනවිසෙසං සච්‌ඡිකාතුං. කතමෙ ඡ? මුට්‌ඨස්‌සච්‌චං, අසම්‌පජඤ්‌ඤං, ඉන්‌ද්‍රියෙසු අගුත්‌තද්‌වාරතං, භොජනෙ අමත්‌තඤ්‌ඤුතං, කුහනං, ලපනං. ඉමෙ ඛො, භික්‌ඛවෙ, ඡ ධම්‌මෙ පහාය භබ්‌බො උත්‌තරිමනුස්‌සධම්‌මං අලමරියඤාණදස්‌සනවිසෙසං සච්‌ඡිකාතු’’න්‌ති. තතියං.
‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 3. උත්‌තරිමනුස්‌සධම්‌මසුත්‌තවණ්‌ණනා • 3. Uttarimanussadhammasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-3. දුක්‌ඛසුත්‌තාදිවණ්‌ණනා • 1-3. Dukkhasuttādivaṇṇanā
