| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༣. ཨུཏྟརིམནུསྶདྷམྨསུཏྟཾ
3. Uttarimanussadhammasuttaṃ
༧༧. ‘‘ཚ, བྷིཀྑཝེ, དྷམྨེ ཨཔྤཧཱཡ ཨབྷབྦོ ཨུཏྟརིམནུསྶདྷམྨཾ ཨལམརིཡཉཱཎདསྶནཝིསེསཾ སཙྪིཀཱཏུཾ། ཀཏམེ ཚ? མུཊྛསྶཙྩཾ, ཨསམྤཛཉྙཾ, ཨིནྡྲིཡེསུ ཨགུཏྟདྭཱརཏཾ, བྷོཛནེ ཨམཏྟཉྙུཏཾ, ཀུཧནཾ, ལཔནཾ། ཨིམེ ཁོ, བྷིཀྑཝེ, ཚ དྷམྨེ ཨཔྤཧཱཡ ཨབྷབྦོ ཨུཏྟརིམནུསྶདྷམྨཾ ཨལམརིཡཉཱཎདསྶནཝིསེསཾ སཙྪིཀཱཏུཾ།
77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
‘‘ཚ, བྷིཀྑཝེ, དྷམྨེ པཧཱཡ བྷབྦོ ཨུཏྟརིམནུསྶདྷམྨཾ ཨལམརིཡཉཱཎདསྶནཝིསེསཾ སཙྪིཀཱཏུཾ། ཀཏམེ ཚ? མུཊྛསྶཙྩཾ, ཨསམྤཛཉྙཾ, ཨིནྡྲིཡེསུ ཨགུཏྟདྭཱརཏཾ, བྷོཛནེ ཨམཏྟཉྙུཏཾ, ཀུཧནཾ, ལཔནཾ། ཨིམེ ཁོ, བྷིཀྑཝེ, ཚ དྷམྨེ པཧཱཡ བྷབྦོ ཨུཏྟརིམནུསྶདྷམྨཾ ཨལམརིཡཉཱཎདསྶནཝིསེསཾ སཙྪིཀཱཏུ’’ནྟི། ཏཏིཡཾ།
‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༣. ཨུཏྟརིམནུསྶདྷམྨསུཏྟཝཎྞནཱ • 3. Uttarimanussadhammasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༣. དུཀྑསུཏྟཱདིཝཎྞནཱ • 1-3. Dukkhasuttādivaṇṇanā
