| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. உட்டா²னப²லஸுத்தவண்ணனா
4. Uṭṭhānaphalasuttavaṇṇanā
134. சதுத்தே² உட்டா²னவீரியேனேவ தி³வஸங் வீதினாமெத்வா தஸ்ஸ நிஸ்ஸந்த³ப²லமத்தங் கிஞ்சிதே³வ லபி⁴த்வா ஜீவிகங் கப்பேதி, தங் பன உட்டா²னங் ஆக³ம்ம கிஞ்சி புஞ்ஞப²லங் நப்படிலப⁴தி , அயங் உட்டா²னப²லூபஜீவீ ந கம்மப²லூபஜீவீ நாம. சாதுமஹாராஜிகே பன தே³வே ஆதி³ங் கத்வா ஸப்³பே³பி தே³வா உட்டா²னவீரியேன வினா புஞ்ஞப²லஸ்ஸேவ உபஜீவனதோ கம்மப²லூபஜீவினோ ந உட்டா²னப²லூபஜீவினோ நாம. ராஜராஜமஹாமத்தாத³யோ உட்டா²னப²லூபஜீவினோ ச கம்மப²லூபஜீவினோ ச. நேரயிகஸத்தா நேவ உட்டா²னப²லூபஜீவினோ ந கம்மப²லூபஜீவினோ. இமஸ்மிங் ஸுத்தே புஞ்ஞப²லமேவ கம்மப²லந்தி அதி⁴ப்பேதங், தஞ்ச தேஸங் நத்தி².
134. Catutthe uṭṭhānavīriyeneva divasaṃ vītināmetvā tassa nissandaphalamattaṃ kiñcideva labhitvā jīvikaṃ kappeti, taṃ pana uṭṭhānaṃ āgamma kiñci puññaphalaṃ nappaṭilabhati , ayaṃ uṭṭhānaphalūpajīvī na kammaphalūpajīvī nāma. Cātumahārājike pana deve ādiṃ katvā sabbepi devā uṭṭhānavīriyena vinā puññaphalasseva upajīvanato kammaphalūpajīvino na uṭṭhānaphalūpajīvino nāma. Rājarājamahāmattādayo uṭṭhānaphalūpajīvino ca kammaphalūpajīvino ca. Nerayikasattā neva uṭṭhānaphalūpajīvino na kammaphalūpajīvino. Imasmiṃ sutte puññaphalameva kammaphalanti adhippetaṃ, tañca tesaṃ natthi.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. உட்டா²னப²லஸுத்தங் • 4. Uṭṭhānaphalasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3-4. உக்³க⁴டிதஞ்ஞூஸுத்தாதி³வண்ணனா • 3-4. Ugghaṭitaññūsuttādivaṇṇanā
