| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. อุฎฺฐานผลสุตฺตวณฺณนา
4. Uṭṭhānaphalasuttavaṇṇanā
๑๓๔. จตุเตฺถ อุฎฺฐานวีริเยเนว ทิวสํ วีตินาเมตฺวา ตสฺส นิสฺสนฺทผลมตฺตํ กิญฺจิเทว ลภิตฺวา ชีวิกํ กเปฺปติ, ตํ ปน อุฎฺฐานํ อาคมฺม กิญฺจิ ปุญฺญผลํ นปฺปฎิลภติ , อยํ อุฎฺฐานผลูปชีวี น กมฺมผลูปชีวี นามฯ จาตุมหาราชิเก ปน เทเว อาทิํ กตฺวา สเพฺพปิ เทวา อุฎฺฐานวีริเยน วินา ปุญฺญผลเสฺสว อุปชีวนโต กมฺมผลูปชีวิโน น อุฎฺฐานผลูปชีวิโน นามฯ ราชราชมหามตฺตาทโย อุฎฺฐานผลูปชีวิโน จ กมฺมผลูปชีวิโน จฯ เนรยิกสตฺตา เนว อุฎฺฐานผลูปชีวิโน น กมฺมผลูปชีวิโนฯ อิมสฺมิํ สุเตฺต ปุญฺญผลเมว กมฺมผลนฺติ อธิเปฺปตํ, ตญฺจ เตสํ นตฺถิฯ
134. Catutthe uṭṭhānavīriyeneva divasaṃ vītināmetvā tassa nissandaphalamattaṃ kiñcideva labhitvā jīvikaṃ kappeti, taṃ pana uṭṭhānaṃ āgamma kiñci puññaphalaṃ nappaṭilabhati , ayaṃ uṭṭhānaphalūpajīvī na kammaphalūpajīvī nāma. Cātumahārājike pana deve ādiṃ katvā sabbepi devā uṭṭhānavīriyena vinā puññaphalasseva upajīvanato kammaphalūpajīvino na uṭṭhānaphalūpajīvino nāma. Rājarājamahāmattādayo uṭṭhānaphalūpajīvino ca kammaphalūpajīvino ca. Nerayikasattā neva uṭṭhānaphalūpajīvino na kammaphalūpajīvino. Imasmiṃ sutte puññaphalameva kammaphalanti adhippetaṃ, tañca tesaṃ natthi.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. อุฎฺฐานผลสุตฺตํ • 4. Uṭṭhānaphalasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓-๔. อุคฺฆฎิตญฺญูสุตฺตาทิวณฺณนา • 3-4. Ugghaṭitaññūsuttādivaṇṇanā
