| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. уд̇д̇ияасуд̇д̇ам̣
10. Uttiyasuttaṃ
30. саавад̇т̇инид̣̇аанам̣ . ат̇а ко ааяасмаа уд̇д̇ияо язна бхаг̇аваа д̇знубасан̇гами…бз… згаманд̇ам̣ нисинно ко ааяасмаа уд̇д̇ияо бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘бан̃жа гаамаг̇ун̣аа вуд̇д̇аа бхаг̇авад̇аа. гад̇амз ну ко бан̃жа гаамаг̇ун̣аа вуд̇д̇аа бхаг̇авад̇аа’’’д̇и? ‘‘саад̇ху саад̇ху, уд̇д̇ияа! бан̃жимз ко, уд̇д̇ияа, гаамаг̇ун̣аа вуд̇д̇аа маяаа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа – имз ко, уд̇д̇ияа, бан̃жа гаамаг̇ун̣аа вуд̇д̇аа маяаа. имзсам̣ ко, уд̇д̇ияа, бан̃жаннам̣ гаамаг̇ун̣аанам̣ бахаанааяа арияо адтан̇г̇иго маг̇г̇о бхаавзд̇аб̣б̣о. гад̇амо арияо адтан̇г̇иго маг̇г̇о? сзяяат̇ид̣̇ам̣ – саммаад̣̇идти…бз… саммаасамаад̇хи. имзсам̣ ко, уд̇д̇ияа, бан̃жаннам̣ гаамаг̇ун̣аанам̣ бахаанааяа аяам̣ арияо адтан̇г̇иго маг̇г̇о бхаавзд̇аб̣б̣о’’д̇и. д̣̇асамам̣.
30. Sāvatthinidānaṃ . Atha kho āyasmā uttiyo yena bhagavā tenupasaṅkami…pe… ekamantaṃ nisinno kho āyasmā uttiyo bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘pañca kāmaguṇā vuttā bhagavatā. Katame nu kho pañca kāmaguṇā vuttā bhagavatā’’’ti? ‘‘Sādhu sādhu, uttiya! Pañcime kho, uttiya, kāmaguṇā vuttā mayā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, uttiya, pañca kāmaguṇā vuttā mayā. Imesaṃ kho, uttiya, pañcannaṃ kāmaguṇānaṃ pahānāya ariyo aṭṭhaṅgiko maggo bhāvetabbo. Katamo ariyo aṭṭhaṅgiko maggo? Seyyathidaṃ – sammādiṭṭhi…pe… sammāsamādhi. Imesaṃ kho, uttiya, pañcannaṃ kāmaguṇānaṃ pahānāya ayaṃ ariyo aṭṭhaṅgiko maggo bhāvetabbo’’ti. Dasamaṃ.
мижчад̇д̇аваг̇г̇о д̇ад̇ияо.
Micchattavaggo tatiyo.
д̇ассуд̣̇д̣̇аанам̣ –
Tassuddānaṃ –
мижчад̇д̇ам̣ агусалам̣ д̇хаммам̣, д̣̇увз бадибад̣̇ааби жа;
Micchattaṃ akusalaṃ dhammaṃ, duve paṭipadāpi ca;
асаббурисзна д̣̇вз гумбхо, самаад̇хи взд̣̇ануд̇д̇иязнаад̇и.
Asappurisena dve kumbho, samādhi vedanuttiyenāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. мижчад̇д̇аваг̇г̇аван̣н̣анаа • 3. Micchattavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. мижчад̇д̇аваг̇г̇аван̣н̣анаа • 3. Micchattavaggavaṇṇanā
