| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. уд̇д̇ияасуд̇д̇аван̣н̣анаа
5. Uttiyasuttavaṇṇanā
95. бан̃жамз д̇ун̣хий ахосийд̇и сад̇д̇уубалад̣̇д̇хияам̣ тад̇ваа абужчам̣ бужчад̇ийд̇и д̇ун̣хий ахоси. саб̣б̣асаамуггам̣сигам̣ вад̇а мзд̇и маяаа саб̣б̣абужчаанам̣ уд̇д̇амабужчам̣ бужчид̇о саман̣о г̇од̇амо сам̣саад̣̇зд̇и но виссаж̇ж̇зд̇и, нууна на висахад̇и на саггод̇и виссаж̇ж̇зд̇унд̇и звам̣ баабигам̣ д̣̇идтим̣ маа бадилабхийд̇и. д̇ад̣̇ассаад̇и д̇ам̣ звам̣ уббаннам̣ д̣̇идтиг̇ад̇ам̣ бхавзяяа. бажжанд̇иманд̇и яасмаа маж̇жхимад̣̇зсз наг̇арасса уд̣̇д̇хаабаад̣̇ийни т̇ираани ваа хонд̇у д̣̇уб̣б̣алаани ваа, саб̣б̣асо ваа бана маа хонд̇у, жораасан̇гаа на ход̇и. д̇асмаа д̇ам̣ аг̇г̇ахзд̇ваа ‘‘бажжанд̇имам̣ наг̇ара’’нд̇и ааха. д̣̇ал̣худ̣̇д̇хаабанд̇и т̇ирабаагаарабаад̣̇ам̣. д̣̇ал̣хабаагаарад̇оран̣анд̇и т̇ирабаагааран̃жзва т̇ирабидтисан̇гхаадан̃жа. згад̣̇вааранд̇и гасмаа ааха? б̣ахуд̣̇ваарасмин̃хи наг̇арз б̣ахуухи бан̣д̣ид̇ад̣̇овааригзхи бхавид̇аб̣б̣ам̣, згад̣̇ваарз згова ваддад̇и. д̇ат̇ааг̇ад̇асса жа бан̃н̃ааяа ан̃н̃о сад̣̇исо над̇т̇и. д̇асмаа сад̇т̇у бан̣д̣ид̇абхаавасса обаммад̇т̇ам̣ згам̣язва д̣̇овааригам̣ д̣̇ассзд̇ум̣ ‘‘згад̣̇ваара’’нд̇и ааха. бан̣д̣ид̇од̇и бан̣д̣ижжзна саманнааг̇ад̇о. б̣яад̇д̇од̇и взяяад̇д̇иязна саманнааг̇ад̇о. мзд̇хаавийд̇и таануббад̇д̇ияабан̃н̃аасан̇каад̇ааяа мзд̇хааяа саманнааг̇ад̇о. анубарияааяабат̇анд̇и анубарияааяанаамагам̣ маг̇г̇ам̣. баагаарасанд̇хинд̇и д̣̇виннам̣ идтагаанам̣ абаг̇ад̇адтаанам̣. баагааравиваранд̇и баагаарасса чиннадтаанам̣. д̇ад̣̇звзд̇ам̣ бан̃ханд̇и д̇ам̣язва ‘‘сассад̇о лого’’д̇иаад̣̇инаа наязна будтам̣ табанийяабан̃хам̣ бунаби бужчи. саб̣б̣о жа д̇зна логод̇и сад̇д̇уубалад̣̇д̇хияам̣язва тад̇ваа ан̃н̃знаагаарзна бужчад̇ийд̇и д̣̇ассзд̇и.
95. Pañcame tuṇhī ahosīti sattūpaladdhiyaṃ ṭhatvā apucchaṃ pucchatīti tuṇhī ahosi. Sabbasāmukkaṃsikaṃ vata meti mayā sabbapucchānaṃ uttamapucchaṃ pucchito samaṇo gotamo saṃsādeti no vissajjeti, nūna na visahati na sakkoti vissajjetunti evaṃ pāpikaṃ diṭṭhiṃ mā paṭilabhīti. Tadassāti taṃ evaṃ uppannaṃ diṭṭhigataṃ bhaveyya. Paccantimanti yasmā majjhimadese nagarassa uddhāpādīni thirāni vā hontu dubbalāni vā, sabbaso vā pana mā hontu, corāsaṅkā na hoti. Tasmā taṃ aggahetvā ‘‘paccantimaṃ nagara’’nti āha. Daḷhuddhāpanti thirapākārapādaṃ. Daḷhapākāratoraṇanti thirapākārañceva thirapiṭṭhisaṅghāṭañca. Ekadvāranti kasmā āha? Bahudvārasmiñhi nagare bahūhi paṇḍitadovārikehi bhavitabbaṃ, ekadvāre ekova vaṭṭati. Tathāgatassa ca paññāya añño sadiso natthi. Tasmā satthu paṇḍitabhāvassa opammatthaṃ ekaṃyeva dovārikaṃ dassetuṃ ‘‘ekadvāra’’nti āha. Paṇḍitoti paṇḍiccena samannāgato. Byattoti veyyattiyena samannāgato. Medhāvīti ṭhānuppattiyapaññāsaṅkhātāya medhāya samannāgato. Anupariyāyapathanti anupariyāyanāmakaṃ maggaṃ. Pākārasandhinti dvinnaṃ iṭṭhakānaṃ apagataṭṭhānaṃ. Pākāravivaranti pākārassa chinnaṭṭhānaṃ. Tadevetaṃ pañhanti taṃyeva ‘‘sassato loko’’tiādinā nayena puṭṭhaṃ ṭhapanīyapañhaṃ punapi pucchi. Sabbo ca tena lokoti sattūpaladdhiyaṃyeva ṭhatvā aññenākārena pucchatīti dasseti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. уд̇д̇ияасуд̇д̇ам̣ • 5. Uttiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. уд̇д̇ияасуд̇д̇аван̣н̣анаа • 5. Uttiyasuttavaṇṇanā
