| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. уд̇д̇ияад̇т̇зраабад̣̇аанаван̣н̣анаа
8. Uttiyattheraapadānavaṇṇanā
жанд̣̇абхааг̇аанад̣̇ийд̇ийрзд̇иаад̣̇игам̣ ааяасмад̇о уд̇д̇ияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз жанд̣̇абхааг̇аанад̣̇ияам̣ сусумааро худ̇ваа ниб̣б̣ад̇д̇о над̣̇ийд̇ийрам̣ убаг̇ад̇ам̣ бхаг̇аванд̇ам̣ д̣̇исваа басаннажид̇д̇о баарам̣ нзд̇угаамо д̇ийрасамийбзязва нибаж̇ж̇и. бхаг̇аваа д̇асса анугамбааяа бидтияам̣ баад̣̇з табзси. со д̇удто уд̣̇аг̇г̇о бийд̇ивзг̇зна махуссаахо худ̇ваа сод̇ам̣ чинд̣̇анд̇о сийгхзна ж̇авзна бхаг̇аванд̇ам̣ барад̇ийрам̣ нзси. бхаг̇аваа д̇асса жид̇д̇аббасаад̣̇ам̣ н̃ад̇ваа ‘‘аяам̣ ид̇о жуд̇о д̣̇звалогз ниб̣б̣ад̇д̇иссад̇и , д̇ад̇о бадтааяа суг̇ад̇ийсуязва сам̣саранд̇о ид̇о жад̇уннавуд̇игаббз амад̇ам̣ баабун̣иссад̇ий’’д̇и б̣яаагарид̇ваа баггаами.
Candabhāgānadītīretiādikaṃ āyasmato uttiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle candabhāgānadiyaṃ susumāro hutvā nibbatto nadītīraṃ upagataṃ bhagavantaṃ disvā pasannacitto pāraṃ netukāmo tīrasamīpeyeva nipajji. Bhagavā tassa anukampāya piṭṭhiyaṃ pāde ṭhapesi. So tuṭṭho udaggo pītivegena mahussāho hutvā sotaṃ chindanto sīghena javena bhagavantaṃ paratīraṃ nesi. Bhagavā tassa cittappasādaṃ ñatvā ‘‘ayaṃ ito cuto devaloke nibbattissati , tato paṭṭhāya sugatīsuyeva saṃsaranto ito catunnavutikappe amataṃ pāpuṇissatī’’ti byākaritvā pakkāmi.
со д̇ат̇аа суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасса б̣раахман̣асса буд̇д̇о худ̇ваа ниб̣б̣ад̇д̇и, уд̇д̇ияод̇исса наамам̣ агам̣су. со ваяаббад̇д̇о ‘‘амад̇ам̣ бариязсиссаамий’’д̇и бариб̣б̣ааж̇аго худ̇ваа згад̣̇ивасам̣ бхаг̇аванд̇ам̣ д̣̇исваа убасан̇гамид̇ваа ванд̣̇ид̇ваа д̇хаммам̣ суд̇ваа бадилад̣̇д̇хасад̣̇д̇хо худ̇ваа саасанз баб̣б̣аж̇ид̇ваа сийлад̣̇идтийнам̣ ависод̇хид̇ад̇д̇аа висзсам̣ ниб̣б̣ад̇д̇зд̇ум̣ асаггонд̇о ан̃н̃ам̣ бхигкум̣ висзсам̣ ниб̣б̣ад̇д̇зд̇ваа ан̃н̃ам̣ б̣яаагаронд̇ам̣ д̣̇исваа сад̇т̇аарам̣ убасан̇гамид̇ваа сан̇кзбзна оваад̣̇ам̣ яаажи. сад̇т̇ааби д̇асса , ‘‘д̇асмаад̇иха д̇вам̣, уд̇д̇ияа, аад̣̇имзва висод̇хзхий’’д̇иаад̣̇инаа (сам̣. ни. 5.382) сан̇кзбзнзва оваад̣̇ам̣ ад̣̇ааси. со сад̇т̇у оваад̣̇з тад̇ваа вибассанам̣ аарабхи. д̇асса аарад̣̇д̇хавибассагасса ааб̣аад̇хо уббаж̇ж̇и. уббаннз ааб̣аад̇хз ж̇аад̇асам̣взг̇о вийрияаарамбхавад̇т̇ум̣ н̃ад̇ваа вибассанам̣ вад̣дхзд̇ваа арахад̇д̇ам̣ баабун̣и.
So tathā sugatīsuyeva saṃsaranto imasmiṃ buddhuppāde sāvatthiyaṃ aññatarassa brāhmaṇassa putto hutvā nibbatti, uttiyotissa nāmaṃ akaṃsu. So vayappatto ‘‘amataṃ pariyesissāmī’’ti paribbājako hutvā ekadivasaṃ bhagavantaṃ disvā upasaṅkamitvā vanditvā dhammaṃ sutvā paṭiladdhasaddho hutvā sāsane pabbajitvā sīladiṭṭhīnaṃ avisodhitattā visesaṃ nibbattetuṃ asakkonto aññaṃ bhikkhuṃ visesaṃ nibbattetvā aññaṃ byākarontaṃ disvā satthāraṃ upasaṅkamitvā saṅkhepena ovādaṃ yāci. Satthāpi tassa , ‘‘tasmātiha tvaṃ, uttiya, ādimeva visodhehī’’tiādinā (saṃ. ni. 5.382) saṅkhepeneva ovādaṃ adāsi. So satthu ovāde ṭhatvā vipassanaṃ ārabhi. Tassa āraddhavipassakassa ābādho uppajji. Uppanne ābādhe jātasaṃvego vīriyārambhavatthuṃ ñatvā vipassanaṃ vaḍḍhetvā arahattaṃ pāpuṇi.
169. звам̣ со гад̇асамбхаараануруубзна бад̇д̇аарахад̇д̇апало ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о жанд̣̇абхааг̇аанад̣̇ийд̇ийрзд̇иаад̣̇имааха. д̇ад̇т̇а жанд̣̇абхааг̇аанад̣̇ийд̇ийрзд̇и барисуд̣̇д̇хабан̣д̣арабулинад̇алзхи жа бабхаасамбаннабасаннамад̇хурод̣̇агабарибун̣н̣ад̇ааяа жа жанд̣̇аббабхаагиран̣асассирийгаабхаа над̣̇амаанаа сад̣̇д̣̇ам̣ гурумаанаа г̇ажчад̇ийд̇и жанд̣̇абхааг̇аанад̣̇ий, д̇ассаа жанд̣̇абхааг̇аанад̣̇ияаа д̇ийрз сусумааро ахосинд̇и самб̣анд̇хо. д̇ад̇т̇а сусумаарод̇и куд̣̇д̣̇агамажчаг̇умб̣з кан̣д̣аакан̣д̣игам̣ гаронд̇о маарзд̇ийд̇и сусумааро, жан̣д̣амажчо гумбхийлод̇и ад̇т̇о. сабхож̇анабасуд̇оханд̇и ахам̣ сабхож̇анз сагаг̇ожарз басуд̇о б̣яаавадо. над̣̇ийд̇ид̇т̇ам̣ аг̇ажчаханд̇и бхаг̇авад̇о ааг̇аманагаалз ахам̣ над̣̇ийд̇ид̇т̇ам̣ аг̇ажчим̣ бад̇д̇омхи.
169. Evaṃ so katasambhārānurūpena pattaarahattaphalo attano pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Tattha candabhāgānadītīreti parisuddhapaṇḍarapulinatalehi ca pabhāsampannapasannamadhurodakaparipuṇṇatāya ca candappabhākiraṇasassirīkābhā nadamānā saddaṃ kurumānā gacchatīti candabhāgānadī, tassā candabhāgānadiyā tīre susumāro ahosinti sambandho. Tattha susumāroti khuddakamacchagumbe khaṇḍākhaṇḍikaṃ karonto māretīti susumāro, caṇḍamaccho kumbhīloti attho. Sabhojanapasutohanti ahaṃ sabhojane sakagocare pasuto byāvaṭo. Nadītitthaṃ agacchahanti bhagavato āgamanakāle ahaṃ nadītitthaṃ agacchiṃ pattomhi.
170. сид̣̇д̇хад̇т̇о д̇амхи самаязд̇и д̇асмим̣ мама д̇ид̇т̇аг̇аманагаалз сид̣̇д̇хад̇т̇о бхаг̇аваа аг̇г̇абуг̇г̇ало саб̣б̣асад̇д̇зсу ж̇здто сздто саяамбхуу саяамзва бхууд̇о ж̇аад̇о б̣уд̣̇д̇хабхууд̇о со бхаг̇аваа над̣̇им̣ д̇арид̇угаамо над̣̇ийд̇ийрам̣ убааг̇ами.
170.Siddhattho tamhi samayeti tasmiṃ mama titthagamanakāle siddhattho bhagavā aggapuggalo sabbasattesu jeṭṭho seṭṭho sayambhū sayameva bhūto jāto buddhabhūto so bhagavā nadiṃ taritukāmo nadītīraṃ upāgami.
172. бзд̇д̇игам̣ висаяам̣ маяханд̇и маяхам̣ бид̇убид̇аамахаад̣̇ийхи барамбараанийд̇ам̣, яад̣̇ид̣̇ам̣ самбад̇д̇асамбад̇д̇амахаанубхааваанам̣ д̇аран̣анд̇и ад̇т̇о.
172.Pettikaṃ visayaṃ mayhanti mayhaṃ pitupitāmahādīhi paramparānītaṃ, yadidaṃ sampattasampattamahānubhāvānaṃ taraṇanti attho.
173. мама уг̇г̇аж̇ж̇анам̣ суд̇ваад̇и маяхам̣ уг̇г̇аж̇ж̇анам̣ аараад̇ханам̣ суд̇ваа махаамуни бхаг̇аваа абхирухийд̇и самб̣анд̇хо. сзсам̣ уд̇д̇аанад̇т̇амзваад̇и.
173.Mamauggajjanaṃ sutvāti mayhaṃ uggajjanaṃ ārādhanaṃ sutvā mahāmuni bhagavā abhiruhīti sambandho. Sesaṃ uttānatthamevāti.
уд̇д̇ияад̇т̇зраабад̣̇аанаван̣н̣анаа самад̇д̇аа.
Uttiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. уд̇д̇ияад̇т̇зраабад̣̇аанам̣ • 8. Uttiyattheraapadānaṃ
