| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. уд̇д̇ияад̇т̇зраг̇аат̇ааван̣н̣анаа
10. Uttiyattheragāthāvaṇṇanā
ааб̣аад̇хз мз самуббаннзд̇и ааяасмад̇о уд̇д̇ияад̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а виваддуубаниссаяам̣ бун̃н̃ам̣ убажинанд̇о ид̇о жад̇унавуд̇з габбз сид̣̇д̇хад̇т̇асса бхаг̇авад̇о гаалз жанд̣̇абхааг̇ааяа над̣̇ияаа махааруубо сусумааро худ̇ваа ниб̣б̣ад̇д̇о. со баарам̣ г̇анд̇ум̣ над̣̇ияаа д̇ийрам̣ убаг̇ад̇ам̣ бхаг̇аванд̇ам̣ д̣̇исваа басаннажид̇д̇о баарам̣ нзд̇угаамо д̇ийрасамийбз нибаж̇ж̇и. бхаг̇аваа д̇асса анугамбааяа бидтияам̣ баад̣̇з табзси. со хадто уд̣̇аг̇г̇о бийд̇ивзг̇зна д̣̇иг̇ун̣уссаахо худ̇ваа сод̇ам̣ чинд̣̇анд̇о сийгхзна ж̇авзна бхаг̇аванд̇ам̣ барад̇ийрам̣ нзси. бхаг̇аваа д̇асса жид̇д̇аббасаад̣̇ам̣ ологзд̇ваа ‘‘аяам̣ ид̇о жуд̇о д̣̇звалогз ниб̣б̣ад̇д̇ид̇ваа д̇ад̇о бадтааяа суг̇ад̇ийсуязва сам̣саранд̇о ид̇о жад̇унавуд̇з габбз амад̇ам̣ баабун̣иссад̇ий’’д̇и б̣яаагарид̇ваа баггаами.
Ābādhe me samuppanneti āyasmato uttiyattherassa gāthā. Kā uppatti? So kira purimabuddhesu katādhikāro tattha tattha vivaṭṭūpanissayaṃ puññaṃ upacinanto ito catunavute kappe siddhatthassa bhagavato kāle candabhāgāya nadiyā mahārūpo susumāro hutvā nibbatto. So pāraṃ gantuṃ nadiyā tīraṃ upagataṃ bhagavantaṃ disvā pasannacitto pāraṃ netukāmo tīrasamīpe nipajji. Bhagavā tassa anukampāya piṭṭhiyaṃ pāde ṭhapesi. So haṭṭho udaggo pītivegena diguṇussāho hutvā sotaṃ chindanto sīghena javena bhagavantaṃ paratīraṃ nesi. Bhagavā tassa cittappasādaṃ oloketvā ‘‘ayaṃ ito cuto devaloke nibbattitvā tato paṭṭhāya sugatīsuyeva saṃsaranto ito catunavute kappe amataṃ pāpuṇissatī’’ti byākaritvā pakkāmi.
со д̇ат̇аа суг̇ад̇ийсуязва бариб̣бхаманд̇о имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасса б̣раахман̣асса буд̇д̇о худ̇ваа ниб̣б̣ад̇д̇и уд̇д̇ияо наама наамзна. со ваяаббад̇д̇о ‘‘амад̇ам̣ бариязсиссаамий’’д̇и бариб̣б̣ааж̇аго худ̇ваа вижаранд̇о згад̣̇ивасам̣ бхаг̇аванд̇ам̣ убасан̇гамид̇ваа д̇хаммам̣ суд̇ваа саасанз баб̣б̣аж̇ид̇вааби сийлаад̣̇ийнам̣ ависод̇хид̇ад̇д̇аа висзсам̣ ниб̣б̣ад̇д̇зд̇ум̣ асаггонд̇о ан̃н̃з бхигкуу висзсам̣ ниб̣б̣ад̇д̇зд̇ваа ан̃н̃ам̣ б̣яаагаронд̇з д̣̇исваа сад̇т̇аарам̣ убасан̇гамид̇ваа сан̇кзбзнзва оваад̣̇ам̣ яаажи. сад̇т̇ааби д̇асса ‘‘д̇асмаад̇иха д̇вам̣, уд̇д̇ияа, аад̣̇имзва висод̇хзхий’’д̇иаад̣̇инаа (сам̣. ни. 5.369) сан̇кзбзнзва оваад̣̇ам̣ ад̣̇ааси. со д̇асса оваад̣̇з тад̇ваа вибассанам̣ аарабхи. д̇асса аарад̣̇д̇хавибассанасса ааб̣аад̇хо уббаж̇ж̇и. уббаннз бана ааб̣аад̇хз сан̃ж̇аад̇асам̣взг̇о вийрияаарамбхавад̇т̇ум̣ гад̇ваа вибассанааяа гаммам̣ гаронд̇о вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.3.169-179) –
So tathā sugatīsuyeva paribbhamanto imasmiṃ buddhuppāde sāvatthiyaṃ aññatarassa brāhmaṇassa putto hutvā nibbatti uttiyo nāma nāmena. So vayappatto ‘‘amataṃ pariyesissāmī’’ti paribbājako hutvā vicaranto ekadivasaṃ bhagavantaṃ upasaṅkamitvā dhammaṃ sutvā sāsane pabbajitvāpi sīlādīnaṃ avisodhitattā visesaṃ nibbattetuṃ asakkonto aññe bhikkhū visesaṃ nibbattetvā aññaṃ byākaronte disvā satthāraṃ upasaṅkamitvā saṅkhepeneva ovādaṃ yāci. Satthāpi tassa ‘‘tasmātiha tvaṃ, uttiya, ādimeva visodhehī’’tiādinā (saṃ. ni. 5.369) saṅkhepeneva ovādaṃ adāsi. So tassa ovāde ṭhatvā vipassanaṃ ārabhi. Tassa āraddhavipassanassa ābādho uppajji. Uppanne pana ābādhe sañjātasaṃvego vīriyārambhavatthuṃ katvā vipassanāya kammaṃ karonto vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 1.3.169-179) –
‘‘жанд̣̇абхааг̇аанад̣̇ийд̇ийрз, сусумааро ахам̣ д̇ад̣̇аа;
‘‘Candabhāgānadītīre, susumāro ahaṃ tadā;
саг̇ожарабасуд̇охам̣, над̣̇ид̇ид̇т̇ам̣ аг̇ажчахам̣.
Sagocarapasutohaṃ, nadititthaṃ agacchahaṃ.
‘‘сид̣̇д̇хад̇т̇о д̇амхи самаяз, саяамбхуу аг̇г̇абуг̇г̇ало;
‘‘Siddhattho tamhi samaye, sayambhū aggapuggalo;
над̣̇им̣ д̇арид̇угаамо со, над̣̇ид̇ид̇т̇ам̣ убааг̇ами.
Nadiṃ taritukāmo so, nadititthaṃ upāgami.
‘‘убаг̇ад̇з жа самб̣уд̣̇д̇хз, ахамби д̇ад̇т̇убааг̇амим̣;
‘‘Upagate ca sambuddhe, ahampi tatthupāgamiṃ;
убаг̇анд̇ваана самб̣уд̣̇д̇хам̣, имам̣ ваажам̣ уд̣̇ийраяим̣.
Upagantvāna sambuddhaṃ, imaṃ vācaṃ udīrayiṃ.
‘‘абхирууха махаавийра, д̇аарзссаами ахам̣ д̇увам̣;
‘‘Abhirūha mahāvīra, tāressāmi ahaṃ tuvaṃ;
бзд̇д̇игам̣ висаяам̣ маяхам̣, анугамба махаамуни.
Pettikaṃ visayaṃ mayhaṃ, anukampa mahāmuni.
‘‘мама уг̇г̇аж̇ж̇анам̣ суд̇ваа, абхируухи махаамуни;
‘‘Mama uggajjanaṃ sutvā, abhirūhi mahāmuni;
хадто хадтзна жид̇д̇зна, д̇аарзсим̣ логанааяагам̣.
Haṭṭho haṭṭhena cittena, tāresiṃ lokanāyakaṃ.
‘‘над̣̇ияаа бааримз д̇ийрз, сид̣̇д̇хад̇т̇о логанааяаго;
‘‘Nadiyā pārime tīre, siddhattho lokanāyako;
ассаасзси мамам̣ д̇ад̇т̇а, амад̇ам̣ баабун̣иссад̇и.
Assāsesi mamaṃ tattha, amataṃ pāpuṇissati.
‘‘д̇амхаа гааяаа жавид̇ваана, д̣̇звалогам̣ аг̇ажчахам̣;
‘‘Tamhā kāyā cavitvāna, devalokaṃ agacchahaṃ;
д̣̇иб̣б̣асукам̣ анубхавим̣, ажчараахи бурагкад̇о.
Dibbasukhaṃ anubhaviṃ, accharāhi purakkhato.
‘‘сад̇д̇агкад̇д̇ун̃жа д̣̇звинд̣̇о, д̣̇звараж̇ж̇амагаасахам̣;
‘‘Sattakkhattuñca devindo, devarajjamakāsahaṃ;
д̇ийн̣игкад̇д̇ум̣ жаггавад̇д̇ий, махияаа иссаро ахум̣.
Tīṇikkhattuṃ cakkavattī, mahiyā issaro ahuṃ.
‘‘вивзгамануяуд̇д̇охам̣ , нибаго жа сусам̣вуд̇о;
‘‘Vivekamanuyuttohaṃ , nipako ca susaṃvuto;
д̇хаарзми анд̇имам̣ д̣̇зхам̣, саммаасамб̣уд̣̇д̇хасаасанз.
Dhāremi antimaṃ dehaṃ, sammāsambuddhasāsane.
‘‘жад̇уннавуд̇ид̇о габбз, д̇аарзсим̣ яам̣ нараасабхам̣;
‘‘Catunnavutito kappe, tāresiṃ yaṃ narāsabhaṃ;
д̣̇уг̇г̇ад̇им̣ наабхиж̇аанаами, д̇аран̣ааяа ид̣̇ам̣ палам̣.
Duggatiṃ nābhijānāmi, taraṇāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано саммаа бадибад̇д̇ияаа барибун̣н̣аагааравибхааванамукзна ан̃н̃ам̣ б̣яаагаронд̇о ‘‘ааб̣аад̇хз мз самуббаннз’’д̇и г̇аат̇ам̣ абхааси.
Arahattaṃ pana patvā attano sammā paṭipattiyā paripuṇṇākāravibhāvanamukhena aññaṃ byākaronto ‘‘ābādhe me samuppanne’’ti gāthaṃ abhāsi.
30. д̇ад̇т̇а ааб̣аад̇хз мз самуббаннзд̇и сарийрасса ааб̣аад̇ханад̇о ‘‘ааб̣аад̇хо’’д̇и лад̣̇д̇ханаамз висабхааг̇ад̇хаад̇угкобхахзд̇угз рог̇з маяхам̣ сан̃ж̇аад̇з. сад̇и мз уд̣̇абаж̇ж̇ат̇аад̇и ‘‘уббанно ко мз ааб̣аад̇хо, таанам̣ ко банзд̇ам̣ виж̇ж̇ад̇и, яад̣̇ид̣̇ам̣ ааб̣аад̇хо вад̣дхзяяа. яаава банааяам̣ ааб̣аад̇хо на вад̣дхад̇и, ханд̣̇аахам̣ вийрияам̣ аарабхаами ‘аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяаа’’’д̇и вийрияаарамбхавад̇т̇убхууд̇аа сад̇и д̇ассзва ааб̣аад̇хасса васзна д̣̇угкааяа взд̣̇анааяа бийл̣ияамаанасса маяхам̣ уд̣̇абаад̣̇и. д̇знааха ‘‘ааб̣од̇хо мз самуббанно, гаало мз наббамаж̇ж̇ид̇у’’нд̇и. звам̣ уббаннан̃хи сад̇им̣ ан̇гусам̣ гад̇ваа аяам̣ т̇зро арахад̇д̇ам̣ бад̇д̇од̇и.
30. Tattha ābādhe me samuppanneti sarīrassa ābādhanato ‘‘ābādho’’ti laddhanāme visabhāgadhātukkhobhahetuke roge mayhaṃ sañjāte. Sati me udapajjathāti ‘‘uppanno kho me ābādho, ṭhānaṃ kho panetaṃ vijjati, yadidaṃ ābādho vaḍḍheyya. Yāva panāyaṃ ābādho na vaḍḍhati, handāhaṃ vīriyaṃ ārabhāmi ‘appattassa pattiyā anadhigatassa adhigamāya asacchikatassa sacchikiriyāyā’’’ti vīriyārambhavatthubhūtā sati tasseva ābādhassa vasena dukkhāya vedanāya pīḷiyamānassa mayhaṃ udapādi. Tenāha ‘‘ābodho me samuppanno, kālo me nappamajjitu’’nti. Evaṃ uppannañhi satiṃ aṅkusaṃ katvā ayaṃ thero arahattaṃ pattoti.
уд̇д̇ияад̇т̇зраг̇аат̇ааван̣н̣анаа нидтид̇аа.
Uttiyattheragāthāvaṇṇanā niṭṭhitā.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. уд̇д̇ияад̇т̇зраг̇аат̇аа • 10. Uttiyattheragāthā
