| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. уд̇д̇ияад̇т̇зраг̇аат̇ааван̣н̣анаа
9. Uttiyattheragāthāvaṇṇanā
сад̣̇д̣̇ам̣ суд̇ваа сад̇и мудтаад̇и ааяасмад̇о уд̇д̇ияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о сумзд̇хасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннажид̇д̇о г̇онагаад̣̇иад̇т̇ад̇ам̣ сауд̇д̇аражчад̣̇ам̣ б̣уд̣̇д̇хаарахам̣ баллан̇гам̣ г̇анд̇хагудияам̣ бан̃н̃аабзд̇ваа ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ сагяарааж̇агулз ниб̣б̣ад̇д̇и, д̇асса уд̇д̇ияод̇и наамам̣ ахоси. со ваяаббад̇д̇о сад̇т̇у н̃аад̇исамааг̇амз б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа саман̣ад̇хаммам̣ гаронд̇о згад̣̇ивасам̣ наамам̣ бин̣д̣ааяа бавидто анд̇араамаг̇г̇з маад̇уг̇аамасса г̇ийд̇асад̣̇д̣̇ам̣ суд̇ваа аяонисоманасигааравасзна д̇ад̇т̇а чанд̣̇арааг̇з уббаннз бадисан̇каанаб̣алзна д̇ам̣ вигкамбхзд̇ваа вихаарам̣ бависид̇ваа сан̃ж̇аад̇асам̣взг̇о д̣̇иваадтаанз нисийд̣̇ид̇ваа д̇аавад̣̇зва вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.15.48-52) –
Saddaṃsutvā sati muṭṭhāti āyasmato uttiyattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto sumedhassa bhagavato kāle kulagehe nibbattitvā viññutaṃ patto ekadivasaṃ satthāraṃ disvā pasannacitto gonakādiatthataṃ sauttaracchadaṃ buddhārahaṃ pallaṅkaṃ gandhakuṭiyaṃ paññāpetvā adāsi. So tena puññakammena devamanussesu saṃsaranto imasmiṃ buddhuppāde kapilavatthusmiṃ sakyarājakule nibbatti, tassa uttiyoti nāmaṃ ahosi. So vayappatto satthu ñātisamāgame buddhānubhāvaṃ disvā paṭiladdhasaddho pabbajitvā samaṇadhammaṃ karonto ekadivasaṃ nāmaṃ piṇḍāya paviṭṭho antarāmagge mātugāmassa gītasaddaṃ sutvā ayonisomanasikāravasena tattha chandarāge uppanne paṭisaṅkhānabalena taṃ vikkhambhetvā vihāraṃ pavisitvā sañjātasaṃvego divāṭṭhāne nisīditvā tāvadeva vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.15.48-52) –
‘‘сумзд̇хасса бхаг̇авад̇о, логаж̇здтасса д̇аад̣̇ино;
‘‘Sumedhassa bhagavato, lokajeṭṭhassa tādino;
баллан̇го хи маяаа д̣̇инно, сауд̇д̇арасабажчад̣̇о.
Pallaṅko hi mayā dinno, sauttarasapacchado.
‘‘сад̇д̇арад̇анасамбанно, баллан̇го ааси со д̇ад̣̇аа;
‘‘Sattaratanasampanno, pallaṅko āsi so tadā;
мама сан̇габбаман̃н̃ааяа, ниб̣б̣ад̇д̇ад̇и сад̣̇аа мама.
Mama saṅkappamaññāya, nibbattati sadā mama.
‘‘д̇им̣сагаббасахассамхи, баллан̇гамад̣̇ад̣̇им̣ д̇ад̣̇аа;
‘‘Tiṃsakappasahassamhi, pallaṅkamadadiṃ tadā;
д̣̇уг̇г̇ад̇им̣ наабхиж̇аанаами, баллан̇гасса ид̣̇ам̣ палам̣.
Duggatiṃ nābhijānāmi, pallaṅkassa idaṃ phalaṃ.
‘‘вийсагаббасахассамхи, суван̣н̣аабхаа д̇аяо ж̇анаа;
‘‘Vīsakappasahassamhi, suvaṇṇābhā tayo janā;
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано гилзсуббад̇д̇инид̣̇ассанзна ‘‘гилзсз аж̇иг̇ужчанд̇асса над̇т̇и ваддад̣̇угкад̇о сийсугкибанам̣, ахам̣ бана д̇з ж̇иг̇ужчимзваа’’д̇и д̣̇ассзнд̇о –
Arahattaṃ pana patvā attano kilesuppattinidassanena ‘‘kilese ajigucchantassa natthi vaṭṭadukkhato sīsukkhipanaṃ, ahaṃ pana te jigucchimevā’’ti dassento –
99.
99.
‘‘сад̣̇д̣̇ам̣ суд̇ваа сад̇и мудтаа, бияам̣ нимид̇д̇ам̣ манасигарод̇о;
‘‘Saddaṃ sutvā sati muṭṭhā, piyaṃ nimittaṃ manasikaroto;
саарад̇д̇ажид̇д̇о взд̣̇зд̇и, д̇ан̃жа аж̇жхоса д̇идтад̇и;
Sārattacitto vedeti, tañca ajjhosa tiṭṭhati;
д̇асса вад̣дханд̇и аасаваа, сам̣саара убаг̇аамино’’д̇и. – г̇аат̇ам̣ абхааси;
Tassa vaḍḍhanti āsavā, saṃsāra upagāmino’’ti. – gāthaṃ abhāsi;
д̇ад̇т̇а сад̣̇д̣̇анд̇и раж̇ж̇анийяам̣ сад̣̇д̣̇аарамман̣ам̣, сам̣саараубаг̇ааминод̇и –
Tattha saddanti rajjanīyaṃ saddārammaṇaṃ, saṃsāraupagāminoti –
‘‘канд̇хаанан̃жа бадибаади, д̇хаад̇уааяад̇анаана жа;
‘‘Khandhānañca paṭipāṭi, dhātuāyatanāna ca;
аб̣б̣ожчиннам̣ вад̇д̇амаанаа, сам̣саарод̇и бавужжад̇ий’’д̇и. –
Abbocchinnaṃ vattamānā, saṃsāroti pavuccatī’’ti. –
звам̣ вуд̇д̇асам̣саараваддагааран̣ам̣ худ̇ваа убаг̇амзнд̇ийд̇и сам̣саараубаг̇аамино, ‘‘сам̣сааруубаг̇аамино’’д̇и ваа баато. сзсам̣ ананд̇араг̇аат̇ааяа вуд̇д̇анаяамзва.
Evaṃ vuttasaṃsāravaṭṭakāraṇaṃ hutvā upagamentīti saṃsāraupagāmino, ‘‘saṃsārūpagāmino’’ti vā pāṭho. Sesaṃ anantaragāthāya vuttanayameva.
уд̇д̇ияад̇т̇зраг̇аат̇ааван̣н̣анаа нидтид̇аа.
Uttiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. уд̇д̇ияад̇т̇зраг̇аат̇аа • 9. Uttiyattheragāthā
