| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
10. உய்யோதி⁴கஸிக்கா²பத³ங்
10. Uyyodhikasikkhāpadaṃ
322. த³ஸமே யுஜ்ஜ²ந்தீதி ஸங்பஹரந்தி. ‘‘ப³லஸ்ஸ அக்³க³ங் எத்தா²’’திஇமினா பி⁴ன்னாதி⁴கரணபா³ஹிரத்த²ஸமாஸங் த³ஸ்ஸேதி. ‘‘ஜானந்தீ’’திபத³ங் அத்த²ஸம்புண்ணத்தா²ய பக்கி²த்தங். அக்³க³ந்தி கொட்டா²ஸங். ப³லங் க³ணீயதி எத்தா²தி ப³லக்³க³ந்தி வசனத்தோ²பி யுஜ்ஜதி. தேனாஹ ‘‘ப³லக³ணனட்டா²ன’’ந்தி. இத³ஞ்ஹி வசனங் அம்ப³ஸேசனக³ருஸினநயேன வுத்தங். கத²ங்? ‘‘ப³லக³ணனட்டா²ன’’ந்தி வத³ந்தேன அட்ட²கதா²சரியேன ‘‘ப³லஸ்ஸ அக்³க³ங் ஜானந்தி எத்தா²தி ப³லக்³க³’’ந்தி வசனத்த²ஸ்ஸ பிண்ட³த்தோ² ச ஞாபீயதி, ‘‘ப³லங் க³ணீயதி எத்தா²தி ப³லக்³க³’’ந்தி வசனத்தோ² ச த³ஸ்ஸீயதி. வியூஹீயதே ஸம்பிண்டீ³யதே ப்³யூஹோ, ஸேனாய ப்³யூஹோ ஸேனாப்³யூஹோதி அத்த²ங் த³ஸ்ஸேதி ‘‘ஸேனாய வியூஹ’’ந்திஆதி³னா. அணதி பே⁴ரவஸத்³த³ங் கரோதீதி அணீகங், முத்³த⁴ஜணகாரோ, ஹத்தீ²யேவ அணீகங் ஹத்தா²ணீகங். ஏஸேவ நயோ ஸேஸேஸுபி. யோ ஹத்தீ² புப்³பே³ வுத்தோ, தேன ஹத்தி²னாதி யோஜனாதி. த³ஸமங்.
322. Dasame yujjhantīti saṃpaharanti. ‘‘Balassa aggaṃ etthā’’tiiminā bhinnādhikaraṇabāhiratthasamāsaṃ dasseti. ‘‘Jānantī’’tipadaṃ atthasampuṇṇatthāya pakkhittaṃ. Agganti koṭṭhāsaṃ. Balaṃ gaṇīyati etthāti balagganti vacanatthopi yujjati. Tenāha ‘‘balagaṇanaṭṭhāna’’nti. Idañhi vacanaṃ ambasecanagarusinanayena vuttaṃ. Kathaṃ? ‘‘Balagaṇanaṭṭhāna’’nti vadantena aṭṭhakathācariyena ‘‘balassa aggaṃ jānanti etthāti balagga’’nti vacanatthassa piṇḍattho ca ñāpīyati, ‘‘balaṃ gaṇīyati etthāti balagga’’nti vacanattho ca dassīyati. Viyūhīyate sampiṇḍīyate byūho, senāya byūho senābyūhoti atthaṃ dasseti ‘‘senāya viyūha’’ntiādinā. Aṇati bheravasaddaṃ karotīti aṇīkaṃ, muddhajaṇakāro, hatthīyeva aṇīkaṃ hatthāṇīkaṃ. Eseva nayo sesesupi. Yo hatthī pubbe vutto, tena hatthināti yojanāti. Dasamaṃ.
அசேலகவக்³கோ³ பஞ்சமோ.
Acelakavaggo pañcamo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 10. உய்யோதி⁴கஸிக்கா²பத³வண்ணனா • 10. Uyyodhikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 10. உய்யோதி⁴கஸிக்கா²பத³வண்ணனா • 10. Uyyodhikasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 10. உய்யோதி⁴கஸிக்கா²பத³வண்ணனா • 10. Uyyodhikasikkhāpadavaṇṇanā
