| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১০. উয্যোধিকসিক্খাপদং
10. Uyyodhikasikkhāpadaṃ
৩২২. দসমে যুজ্ঝন্তীতি সংপহরন্তি। ‘‘বলস্স অগ্গং এত্থা’’তিইমিনা ভিন্নাধিকরণবাহিরত্থসমাসং দস্সেতি। ‘‘জানন্তী’’তিপদং অত্থসম্পুণ্ণত্থায পক্খিত্তং। অগ্গন্তি কোট্ঠাসং। বলং গণীযতি এত্থাতি বলগ্গন্তি ৰচনত্থোপি যুজ্জতি। তেনাহ ‘‘বলগণনট্ঠান’’ন্তি। ইদঞ্হি ৰচনং অম্বসেচনগরুসিননযেন ৰুত্তং। কথং? ‘‘বলগণনট্ঠান’’ন্তি ৰদন্তেন অট্ঠকথাচরিযেন ‘‘বলস্স অগ্গং জানন্তি এত্থাতি বলগ্গ’’ন্তি ৰচনত্থস্স পিণ্ডত্থো চ ঞাপীযতি, ‘‘বলং গণীযতি এত্থাতি বলগ্গ’’ন্তি ৰচনত্থো চ দস্সীযতি। ৰিযূহীযতে সম্পিণ্ডীযতে ব্যূহো, সেনায ব্যূহো সেনাব্যূহোতি অত্থং দস্সেতি ‘‘সেনায ৰিযূহ’’ন্তিআদিনা। অণতি ভেরৰসদ্দং করোতীতি অণীকং, মুদ্ধজণকারো, হত্থীযেৰ অণীকং হত্থাণীকং। এসেৰ নযো সেসেসুপি। যো হত্থী পুব্বে ৰুত্তো, তেন হত্থিনাতি যোজনাতি। দসমং।
322. Dasame yujjhantīti saṃpaharanti. ‘‘Balassa aggaṃ etthā’’tiiminā bhinnādhikaraṇabāhiratthasamāsaṃ dasseti. ‘‘Jānantī’’tipadaṃ atthasampuṇṇatthāya pakkhittaṃ. Agganti koṭṭhāsaṃ. Balaṃ gaṇīyati etthāti balagganti vacanatthopi yujjati. Tenāha ‘‘balagaṇanaṭṭhāna’’nti. Idañhi vacanaṃ ambasecanagarusinanayena vuttaṃ. Kathaṃ? ‘‘Balagaṇanaṭṭhāna’’nti vadantena aṭṭhakathācariyena ‘‘balassa aggaṃ jānanti etthāti balagga’’nti vacanatthassa piṇḍattho ca ñāpīyati, ‘‘balaṃ gaṇīyati etthāti balagga’’nti vacanattho ca dassīyati. Viyūhīyate sampiṇḍīyate byūho, senāya byūho senābyūhoti atthaṃ dasseti ‘‘senāya viyūha’’ntiādinā. Aṇati bheravasaddaṃ karotīti aṇīkaṃ, muddhajaṇakāro, hatthīyeva aṇīkaṃ hatthāṇīkaṃ. Eseva nayo sesesupi. Yo hatthī pubbe vutto, tena hatthināti yojanāti. Dasamaṃ.
অচেলকৰগ্গো পঞ্চমো।
Acelakavaggo pañcamo.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৫. অচেলকৰগ্গো • 5. Acelakavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ১০. উয্যোধিকসিক্খাপদৰণ্ণনা • 10. Uyyodhikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ১০. উয্যোধিকসিক্খাপদৰণ্ণনা • 10. Uyyodhikasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১০. উয্যোধিকসিক্খাপদৰণ্ণনা • 10. Uyyodhikasikkhāpadavaṇṇanā
