| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੦. ਉਯ੍ਯੋਧਿਕਸਿਕ੍ਖਾਪਦਂ
10. Uyyodhikasikkhāpadaṃ
੩੨੨. ਦਸਮੇ ਯੁਜ੍ਝਨ੍ਤੀਤਿ ਸਂਪਹਰਨ੍ਤਿ। ‘‘ਬਲਸ੍ਸ ਅਗ੍ਗਂ ਏਤ੍ਥਾ’’ਤਿਇਮਿਨਾ ਭਿਨ੍ਨਾਧਿਕਰਣਬਾਹਿਰਤ੍ਥਸਮਾਸਂ ਦਸ੍ਸੇਤਿ। ‘‘ਜਾਨਨ੍ਤੀ’’ਤਿਪਦਂ ਅਤ੍ਥਸਮ੍ਪੁਣ੍ਣਤ੍ਥਾਯ ਪਕ੍ਖਿਤ੍ਤਂ। ਅਗ੍ਗਨ੍ਤਿ ਕੋਟ੍ਠਾਸਂ। ਬਲਂ ਗਣੀਯਤਿ ਏਤ੍ਥਾਤਿ ਬਲਗ੍ਗਨ੍ਤਿ વਚਨਤ੍ਥੋਪਿ ਯੁਜ੍ਜਤਿ। ਤੇਨਾਹ ‘‘ਬਲਗਣਨਟ੍ਠਾਨ’’ਨ੍ਤਿ। ਇਦਞ੍ਹਿ વਚਨਂ ਅਮ੍ਬਸੇਚਨਗਰੁਸਿਨਨਯੇਨ વੁਤ੍ਤਂ। ਕਥਂ? ‘‘ਬਲਗਣਨਟ੍ਠਾਨ’’ਨ੍ਤਿ વਦਨ੍ਤੇਨ ਅਟ੍ਠਕਥਾਚਰਿਯੇਨ ‘‘ਬਲਸ੍ਸ ਅਗ੍ਗਂ ਜਾਨਨ੍ਤਿ ਏਤ੍ਥਾਤਿ ਬਲਗ੍ਗ’’ਨ੍ਤਿ વਚਨਤ੍ਥਸ੍ਸ ਪਿਣ੍ਡਤ੍ਥੋ ਚ ਞਾਪੀਯਤਿ, ‘‘ਬਲਂ ਗਣੀਯਤਿ ਏਤ੍ਥਾਤਿ ਬਲਗ੍ਗ’’ਨ੍ਤਿ વਚਨਤ੍ਥੋ ਚ ਦਸ੍ਸੀਯਤਿ। વਿਯੂਹੀਯਤੇ ਸਮ੍ਪਿਣ੍ਡੀਯਤੇ ਬ੍ਯੂਹੋ, ਸੇਨਾਯ ਬ੍ਯੂਹੋ ਸੇਨਾਬ੍ਯੂਹੋਤਿ ਅਤ੍ਥਂ ਦਸ੍ਸੇਤਿ ‘‘ਸੇਨਾਯ વਿਯੂਹ’’ਨ੍ਤਿਆਦਿਨਾ। ਅਣਤਿ ਭੇਰવਸਦ੍ਦਂ ਕਰੋਤੀਤਿ ਅਣੀਕਂ, ਮੁਦ੍ਧਜਣਕਾਰੋ, ਹਤ੍ਥੀਯੇવ ਅਣੀਕਂ ਹਤ੍ਥਾਣੀਕਂ। ਏਸੇવ ਨਯੋ ਸੇਸੇਸੁਪਿ। ਯੋ ਹਤ੍ਥੀ ਪੁਬ੍ਬੇ વੁਤ੍ਤੋ, ਤੇਨ ਹਤ੍ਥਿਨਾਤਿ ਯੋਜਨਾਤਿ। ਦਸਮਂ।
322. Dasame yujjhantīti saṃpaharanti. ‘‘Balassa aggaṃ etthā’’tiiminā bhinnādhikaraṇabāhiratthasamāsaṃ dasseti. ‘‘Jānantī’’tipadaṃ atthasampuṇṇatthāya pakkhittaṃ. Agganti koṭṭhāsaṃ. Balaṃ gaṇīyati etthāti balagganti vacanatthopi yujjati. Tenāha ‘‘balagaṇanaṭṭhāna’’nti. Idañhi vacanaṃ ambasecanagarusinanayena vuttaṃ. Kathaṃ? ‘‘Balagaṇanaṭṭhāna’’nti vadantena aṭṭhakathācariyena ‘‘balassa aggaṃ jānanti etthāti balagga’’nti vacanatthassa piṇḍattho ca ñāpīyati, ‘‘balaṃ gaṇīyati etthāti balagga’’nti vacanattho ca dassīyati. Viyūhīyate sampiṇḍīyate byūho, senāya byūho senābyūhoti atthaṃ dasseti ‘‘senāya viyūha’’ntiādinā. Aṇati bheravasaddaṃ karotīti aṇīkaṃ, muddhajaṇakāro, hatthīyeva aṇīkaṃ hatthāṇīkaṃ. Eseva nayo sesesupi. Yo hatthī pubbe vutto, tena hatthināti yojanāti. Dasamaṃ.
ਅਚੇਲਕવਗ੍ਗੋ ਪਞ੍ਚਮੋ।
Acelakavaggo pañcamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧੦. ਉਯ੍ਯੋਧਿਕਸਿਕ੍ਖਾਪਦવਣ੍ਣਨਾ • 10. Uyyodhikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧੦. ਉਯ੍ਯੋਧਿਕਸਿਕ੍ਖਾਪਦવਣ੍ਣਨਾ • 10. Uyyodhikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧੦. ਉਯ੍ਯੋਧਿਕਸਿਕ੍ਖਾਪਦવਣ੍ਣਨਾ • 10. Uyyodhikasikkhāpadavaṇṇanā
