| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
10. уяяод̇хигасигкаабад̣̇аван̣н̣анаа
10. Uyyodhikasikkhāpadavaṇṇanā
самбахаарадтаанассаад̇и яуд̣̇д̇хабхуумияаа. б̣аласса аг̇г̇ам̣ ж̇аананд̇ийд̇и ‘‘зд̇д̇агаа хад̇т̇ий, зд̇д̇агаа ассаа, зд̇д̇агаа рат̇аа, зд̇д̇агаа бад̇д̇ий’’д̇и (баажи. 324) б̣аласса годтаасам̣ ж̇аананд̇и. ‘‘ануж̇аанаами, бхигкавз, вихаараг̇г̇знаа’’д̇иаад̣̇ийсу (жуул̣ава. 318) вияа годтаасад̇т̇о хзд̇т̇а аг̇г̇асад̣̇д̣̇о. д̇знааха ‘‘б̣алаг̇ан̣анадтаананд̇и ад̇т̇о’’д̇и. сзнааяа вияууханд̇и ‘‘ид̇о хад̇т̇ий хонд̇у, ид̇о ассаа хонд̇у, ид̇о рат̇аа хонд̇у, ид̇о бад̇д̇ий хонд̇уу’’д̇и (баажи. 324) сзнааяа табанам̣, раасим̣ гад̇ваа табананд̇и ад̇т̇о. д̇знааха ‘‘сзнаасаннивзсассзд̇ам̣ наама’’нд̇и. д̣̇ваад̣̇асабурисо хад̇т̇ийд̇и жад̇д̇ааро аарохагаа, згзгабаад̣̇арагкагаа д̣̇вз д̣̇взд̇и звам̣ д̣̇ваад̣̇асабурисо хад̇т̇ий. д̇ибурисо ассод̇и зго аарохаго, д̣̇вз баад̣̇арагкагаад̇и звам̣ д̇ибурисо ассо. жад̇убурисо рат̇од̇и зго саарат̇и, зго яод̇хо, д̣̇вз аан̣ирагкагаад̇и звам̣ жад̇убурисо рат̇од̇и.
Sampahāraṭṭhānassāti yuddhabhūmiyā. Balassa aggaṃ jānantīti ‘‘ettakā hatthī, ettakā assā, ettakā rathā, ettakā pattī’’ti (pāci. 324) balassa koṭṭhāsaṃ jānanti. ‘‘Anujānāmi, bhikkhave, vihāraggenā’’tiādīsu (cūḷava. 318) viya koṭṭhāsattho hettha aggasaddo. Tenāha ‘‘balagaṇanaṭṭhānanti attho’’ti. Senāya viyūhanti ‘‘ito hatthī hontu, ito assā hontu, ito rathā hontu, ito pattī hontū’’ti (pāci. 324) senāya ṭhapanaṃ, rāsiṃ katvā ṭhapananti attho. Tenāha ‘‘senāsannivesassetaṃ nāma’’nti. Dvādasapuriso hatthīti cattāro ārohakā, ekekapādarakkhakā dve dveti evaṃ dvādasapuriso hatthī. Tipuriso assoti eko ārohako, dve pādarakkhakāti evaṃ tipuriso asso. Catupuriso rathoti eko sārathi, eko yodho, dve āṇirakkhakāti evaṃ catupuriso rathoti.
уяяод̇хигасигкаабад̣̇аван̣н̣анаа нидтид̇аа.
Uyyodhikasikkhāpadavaṇṇanā niṭṭhitā.
ажзлагаваг̇г̇о бан̃жамо.
Acelakavaggo pañcamo.
