| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
2. உய்யோஜனஸிக்கா²பத³ங்
2. Uyyojanasikkhāpadaṃ
274. து³தியே படிக்கமனஅஸனஸாலஸத்³தா³னங் பரியாயத்தா வுத்தங் ‘‘அஸனஸாலாயபீ’’தி. ப⁴த்தஸ்ஸ விஸ்ஸஜ்ஜனங் ப⁴த்தவிஸ்ஸக்³கோ³தி கதே ப⁴த்தகிச்சந்தி ஆஹ ‘‘ப⁴த்தகிச்ச’’ந்தி. ஸம்பூ⁴தா⁴துஸ்ஸ பபுப்³ப³அபதா⁴த்வத்த²த்தா வுத்தங் ‘‘ந பாபுணீ’’தி.
274. Dutiye paṭikkamanaasanasālasaddānaṃ pariyāyattā vuttaṃ ‘‘asanasālāyapī’’ti. Bhattassa vissajjanaṃ bhattavissaggoti kate bhattakiccanti āha ‘‘bhattakicca’’nti. Sambhūdhātussa papubbaapadhātvatthattā vuttaṃ ‘‘na pāpuṇī’’ti.
276. வுத்தாவஸேஸந்தி வுத்தேஹி மாதுகா³மேன ஸத்³தி⁴ங் ஹஸிதுகாமதாதீ³ஹி அவஸேஸங். தஸ்மிந்தி உய்யோஜிதபி⁴க்கு²ம்ஹி. அத்த²தோதி விஜஹந்தவிஜஹிதபி⁴க்கூ²னங் அவினாபா⁴வஸங்கா²தஅத்த²தோ. இதரேனாதி உய்யோஜகபி⁴க்கு²னா. தத்தா²தி ‘‘த³ஸ்ஸனூபசாரங் வா ஸவனூபசாரங் வா’’திவசனே. எத்தா²தி நித்³தா⁴ரணஸமுதா³யோ, த³ஸ்ஸனூபசாரஸவனூபசாரேஸூதி அத்தோ². ‘‘ததா²திஇமினா த்³வாத³ஸஹத்த²பமாணங் அதிதி³ஸதி. தேஹீதி குட்டாதீ³ஹி. தஸ்ஸாதி த³ஸ்ஸனூபசாராதிக்கமஸ்ஸ. ‘‘வுத்தபகாரமனாசார’’ந்தி இமினா ‘‘ந அஞ்ஞோ கோசி பச்சயோ’’தி எத்த² அஞ்ஞஸத்³த³ஸ்ஸ அபாதா³னங் த³ஸ்ஸேதி, ‘‘காரண’’ந்திஇமினா பச்சயஸத்³த³ஸ்ஸத்த²ங்.
276.Vuttāvasesanti vuttehi mātugāmena saddhiṃ hasitukāmatādīhi avasesaṃ. Tasminti uyyojitabhikkhumhi. Atthatoti vijahantavijahitabhikkhūnaṃ avinābhāvasaṅkhātaatthato. Itarenāti uyyojakabhikkhunā. Tatthāti ‘‘dassanūpacāraṃ vā savanūpacāraṃ vā’’tivacane. Etthāti niddhāraṇasamudāyo, dassanūpacārasavanūpacāresūti attho. ‘‘Tathātiiminā dvādasahatthapamāṇaṃ atidisati. Tehīti kuṭṭādīhi. Tassāti dassanūpacārātikkamassa. ‘‘Vuttapakāramanācāra’’nti iminā ‘‘na añño koci paccayo’’ti ettha aññasaddassa apādānaṃ dasseti, ‘‘kāraṇa’’ntiiminā paccayasaddassatthaṃ.
277. கலிஸத்³த³ஸ்ஸ பாபபராஜயஸங்கா²தேஸு த்³வீஸு அத்தே²ஸு பாபஸங்கா²தோ கோதோ⁴தி ஆஹ ‘‘கலீதி கோதோ⁴’’தி. ‘‘ஆண’’ந்திஇமினா ஸாஸனஸத்³த³ஸ்ஸத்த²ங் த³ஸ்ஸேதி. வுத்தஞ்ஹி ‘‘ஆணா ச ஸாஸனங் ஞெய்ய’’ந்தி. கோத⁴வஸேன வத³தீதி ஸம்ப³ந்தோ⁴. த³ஸ்ஸெத்வா வத³தீதி யோஜனா. இமஸ்ஸ டா²னங் நிஸஜ்ஜங் ஆலோகிதங் விலோகிதங் பஸ்ஸத² போ⁴தி யோஜனா. இமினாபீதி அமனாபவசனங் வசனேனாபீதி. து³தியங்.
277.Kalisaddassa pāpaparājayasaṅkhātesu dvīsu atthesu pāpasaṅkhāto kodhoti āha ‘‘kalīti kodho’’ti. ‘‘Āṇa’’ntiiminā sāsanasaddassatthaṃ dasseti. Vuttañhi ‘‘āṇā ca sāsanaṃ ñeyya’’nti. Kodhavasena vadatīti sambandho. Dassetvā vadatīti yojanā. Imassa ṭhānaṃ nisajjaṃ ālokitaṃ vilokitaṃ passatha bhoti yojanā. Imināpīti amanāpavacanaṃ vacanenāpīti. Dutiyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. உய்யோஜனஸிக்கா²பத³வண்ணனா • 2. Uyyojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. உய்யோஜனஸிக்கா²பத³வண்ணனா • 2. Uyyojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 2. உய்யோஜனஸிக்கா²பத³வண்ணனா • 2. Uyyojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. உய்யோஜனஸிக்கா²பத³வண்ணனா • 2. Uyyojanasikkhāpadavaṇṇanā
