| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
২. উয্যোজনসিক্খাপদং
2. Uyyojanasikkhāpadaṃ
২৭৪. দুতিযে পটিক্কমনঅসনসালসদ্দানং পরিযাযত্তা ৰুত্তং ‘‘অসনসালাযপী’’তি। ভত্তস্স ৰিস্সজ্জনং ভত্তৰিস্সগ্গোতি কতে ভত্তকিচ্চন্তি আহ ‘‘ভত্তকিচ্চ’’ন্তি। সম্ভূধাতুস্স পপুব্বঅপধাত্ৰত্থত্তা ৰুত্তং ‘‘ন পাপুণী’’তি।
274. Dutiye paṭikkamanaasanasālasaddānaṃ pariyāyattā vuttaṃ ‘‘asanasālāyapī’’ti. Bhattassa vissajjanaṃ bhattavissaggoti kate bhattakiccanti āha ‘‘bhattakicca’’nti. Sambhūdhātussa papubbaapadhātvatthattā vuttaṃ ‘‘na pāpuṇī’’ti.
২৭৬. ৰুত্তাৰসেসন্তি ৰুত্তেহি মাতুগামেন সদ্ধিং হসিতুকামতাদীহি অৰসেসং। তস্মিন্তি উয্যোজিতভিক্খুম্হি। অত্থতোতি ৰিজহন্তৰিজহিতভিক্খূনং অৰিনাভাৰসঙ্খাতঅত্থতো। ইতরেনাতি উয্যোজকভিক্খুনা। তত্থাতি ‘‘দস্সনূপচারং ৰা সৰনূপচারং ৰা’’তিৰচনে। এত্থাতি নিদ্ধারণসমুদাযো, দস্সনূপচারসৰনূপচারেসূতি অত্থো। ‘‘তথাতিইমিনা দ্ৰাদসহত্থপমাণং অতিদিসতি। তেহীতি কুট্টাদীহি। তস্সাতি দস্সনূপচারাতিক্কমস্স। ‘‘ৰুত্তপকারমনাচার’’ন্তি ইমিনা ‘‘ন অঞ্ঞো কোচি পচ্চযো’’তি এত্থ অঞ্ঞসদ্দস্স অপাদানং দস্সেতি, ‘‘কারণ’’ন্তিইমিনা পচ্চযসদ্দস্সত্থং।
276.Vuttāvasesanti vuttehi mātugāmena saddhiṃ hasitukāmatādīhi avasesaṃ. Tasminti uyyojitabhikkhumhi. Atthatoti vijahantavijahitabhikkhūnaṃ avinābhāvasaṅkhātaatthato. Itarenāti uyyojakabhikkhunā. Tatthāti ‘‘dassanūpacāraṃ vā savanūpacāraṃ vā’’tivacane. Etthāti niddhāraṇasamudāyo, dassanūpacārasavanūpacāresūti attho. ‘‘Tathātiiminā dvādasahatthapamāṇaṃ atidisati. Tehīti kuṭṭādīhi. Tassāti dassanūpacārātikkamassa. ‘‘Vuttapakāramanācāra’’nti iminā ‘‘na añño koci paccayo’’ti ettha aññasaddassa apādānaṃ dasseti, ‘‘kāraṇa’’ntiiminā paccayasaddassatthaṃ.
২৭৭. কলিসদ্দস্স পাপপরাজযসঙ্খাতেসু দ্ৰীসু অত্থেসু পাপসঙ্খাতো কোধোতি আহ ‘‘কলীতি কোধো’’তি। ‘‘আণ’’ন্তিইমিনা সাসনসদ্দস্সত্থং দস্সেতি। ৰুত্তঞ্হি ‘‘আণা চ সাসনং ঞেয্য’’ন্তি। কোধৰসেন ৰদতীতি সম্বন্ধো। দস্সেত্ৰা ৰদতীতি যোজনা। ইমস্স ঠানং নিসজ্জং আলোকিতং ৰিলোকিতং পস্সথ ভোতি যোজনা। ইমিনাপীতি অমনাপৰচনং ৰচনেনাপীতি। দুতিযং।
277.Kalisaddassa pāpaparājayasaṅkhātesu dvīsu atthesu pāpasaṅkhāto kodhoti āha ‘‘kalīti kodho’’ti. ‘‘Āṇa’’ntiiminā sāsanasaddassatthaṃ dasseti. Vuttañhi ‘‘āṇā ca sāsanaṃ ñeyya’’nti. Kodhavasena vadatīti sambandho. Dassetvā vadatīti yojanā. Imassa ṭhānaṃ nisajjaṃ ālokitaṃ vilokitaṃ passatha bhoti yojanā. Imināpīti amanāpavacanaṃ vacanenāpīti. Dutiyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৫. অচেলকৰগ্গো • 5. Acelakavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ২. উয্যোজনসিক্খাপদৰণ্ণনা • 2. Uyyojanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. উয্যোজনসিক্খাপদৰণ্ণনা • 2. Uyyojanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. উয্যোজনসিক্খাপদৰণ্ণনা • 2. Uyyojanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. উয্যোজনসিক্খাপদৰণ্ণনা • 2. Uyyojanasikkhāpadavaṇṇanā
