| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒. อุโยฺยชนสิกฺขาปทํ
2. Uyyojanasikkhāpadaṃ
๒๗๔. ทุติเย ปฎิกฺกมนอสนสาลสทฺทานํ ปริยายตฺตา วุตฺตํ ‘‘อสนสาลายปี’’ติฯ ภตฺตสฺส วิสฺสชฺชนํ ภตฺตวิสฺสโคฺคติ กเต ภตฺตกิจฺจนฺติ อาห ‘‘ภตฺตกิจฺจ’’นฺติฯ สมฺภูธาตุสฺส ปปุพฺพอปธาตฺวตฺถตฺตา วุตฺตํ ‘‘น ปาปุณี’’ติฯ
274. Dutiye paṭikkamanaasanasālasaddānaṃ pariyāyattā vuttaṃ ‘‘asanasālāyapī’’ti. Bhattassa vissajjanaṃ bhattavissaggoti kate bhattakiccanti āha ‘‘bhattakicca’’nti. Sambhūdhātussa papubbaapadhātvatthattā vuttaṃ ‘‘na pāpuṇī’’ti.
๒๗๖. วุตฺตาวเสสนฺติ วุเตฺตหิ มาตุคาเมน สทฺธิํ หสิตุกามตาทีหิ อวเสสํฯ ตสฺมินฺติ อุโยฺยชิตภิกฺขุมฺหิฯ อตฺถโตติ วิชหนฺตวิชหิตภิกฺขูนํ อวินาภาวสงฺขาตอตฺถโตฯ อิตเรนาติ อุโยฺยชกภิกฺขุนาฯ ตตฺถาติ ‘‘ทสฺสนูปจารํ วา สวนูปจารํ วา’’ติวจเนฯ เอตฺถาติ นิทฺธารณสมุทาโย, ทสฺสนูปจารสวนูปจาเรสูติ อโตฺถฯ ‘‘ตถาติอิมินา ทฺวาทสหตฺถปมาณํ อติทิสติฯ เตหีติ กุฎฺฎาทีหิฯ ตสฺสาติ ทสฺสนูปจาราติกฺกมสฺสฯ ‘‘วุตฺตปการมนาจาร’’นฺติ อิมินา ‘‘น อโญฺญ โกจิ ปจฺจโย’’ติ เอตฺถ อญฺญสทฺทสฺส อปาทานํ ทเสฺสติ, ‘‘การณ’’นฺติอิมินา ปจฺจยสทฺทสฺสตฺถํฯ
276.Vuttāvasesanti vuttehi mātugāmena saddhiṃ hasitukāmatādīhi avasesaṃ. Tasminti uyyojitabhikkhumhi. Atthatoti vijahantavijahitabhikkhūnaṃ avinābhāvasaṅkhātaatthato. Itarenāti uyyojakabhikkhunā. Tatthāti ‘‘dassanūpacāraṃ vā savanūpacāraṃ vā’’tivacane. Etthāti niddhāraṇasamudāyo, dassanūpacārasavanūpacāresūti attho. ‘‘Tathātiiminā dvādasahatthapamāṇaṃ atidisati. Tehīti kuṭṭādīhi. Tassāti dassanūpacārātikkamassa. ‘‘Vuttapakāramanācāra’’nti iminā ‘‘na añño koci paccayo’’ti ettha aññasaddassa apādānaṃ dasseti, ‘‘kāraṇa’’ntiiminā paccayasaddassatthaṃ.
๒๗๗. กลิสทฺทสฺส ปาปปราชยสงฺขาเตสุ ทฺวีสุ อเตฺถสุ ปาปสงฺขาโต โกโธติ อาห ‘‘กลีติ โกโธ’’ติฯ ‘‘อาณ’’นฺติอิมินา สาสนสทฺทสฺสตฺถํ ทเสฺสติฯ วุตฺตญฺหิ ‘‘อาณา จ สาสนํ เญยฺย’’นฺติฯ โกธวเสน วทตีติ สมฺพโนฺธฯ ทเสฺสตฺวา วทตีติ โยชนาฯ อิมสฺส ฐานํ นิสชฺชํ อาโลกิตํ วิโลกิตํ ปสฺสถ โภติ โยชนาฯ อิมินาปีติ อมนาปวจนํ วจเนนาปีติฯ ทุติยํฯ
277.Kalisaddassa pāpaparājayasaṅkhātesu dvīsu atthesu pāpasaṅkhāto kodhoti āha ‘‘kalīti kodho’’ti. ‘‘Āṇa’’ntiiminā sāsanasaddassatthaṃ dasseti. Vuttañhi ‘‘āṇā ca sāsanaṃ ñeyya’’nti. Kodhavasena vadatīti sambandho. Dassetvā vadatīti yojanā. Imassa ṭhānaṃ nisajjaṃ ālokitaṃ vilokitaṃ passatha bhoti yojanā. Imināpīti amanāpavacanaṃ vacanenāpīti. Dutiyaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๕. อเจลกวโคฺค • 5. Acelakavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๒. อุโยฺยชนสิกฺขาปทวณฺณนา • 2. Uyyojanasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๒. อุโยฺยชนสิกฺขาปทวณฺณนา • 2. Uyyojanasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๒. อุโยฺยชนสิกฺขาปทวณฺณนา • 2. Uyyojanasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๒. อุโยฺยชนสิกฺขาปทวณฺณนา • 2. Uyyojanasikkhāpadavaṇṇanā
