| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. уяяож̇анасигкаабад̣̇аван̣н̣анаа
2. Uyyojanasikkhāpadavaṇṇanā
274. д̣̇уд̇ияасигкаабад̣̇з – бадиггаманзбийд̇и аасанасаалааяамби. бхад̇д̇ависсаг̇г̇анд̇и бхад̇д̇агижжам̣. на самбхаавзсийд̇и на баабун̣и.
274. Dutiyasikkhāpade – paṭikkamanepīti āsanasālāyampi. Bhattavissagganti bhattakiccaṃ. Na sambhāvesīti na pāpuṇi.
276. анаажааранд̇и вуд̇д̇аавасзсам̣ гааяаважийд̣̇вааравийд̇иггамам̣. д̣̇ассануубажаарам̣ ваа савануубажаарам̣ ваа виж̇аханд̇ассаад̇и зд̇т̇а яад̣̇и тид̇о ваа нисинно ваа уяяож̇зд̇и; яо уяяож̇ид̇о, со виж̇ахад̇и, д̇асса жа аабад̇д̇и наама над̇т̇и. д̇асмим̣ бана виж̇аханд̇зби ад̇т̇ад̇о ид̇арзна виж̇ахид̇амзва ход̇и. д̇асмаа яо уяяож̇зд̇и, д̇ассзвааяам̣ аабад̇д̇и. д̇ад̇т̇а сажз убажаараб̣бханд̇арз зго баад̣̇о ход̇и, д̣̇уггадам̣. сиймаад̇иггамз баажид̇д̇ияам̣. зд̇т̇а жа д̣̇ассануубажаарасса аб̣бхогаасз д̣̇ваад̣̇асахад̇т̇аббамаан̣ам̣, д̇ат̇аа савануубажаарасса. сажз бана анд̇араа гуддад̣̇ваарабаагаараад̣̇аяо хонд̇и, д̇зхи анд̇арид̇абхааво д̣̇ассануубажаараад̇иггамо, д̇асса васзна аабад̇д̇и взд̣̇ид̇аб̣б̣аа. на ан̃н̃о гожи бажжаяо ход̇ийд̇и табзд̇ваа вуд̇д̇аббагаараманаажаарам̣ ан̃н̃ам̣ гин̃жи гааран̣ам̣ на ход̇и.
276.Anācāranti vuttāvasesaṃ kāyavacīdvāravītikkamaṃ. Dassanūpacāraṃ vā savanūpacāraṃ vāvijahantassāti ettha yadi ṭhito vā nisinno vā uyyojeti; yo uyyojito, so vijahati, tassa ca āpatti nāma natthi. Tasmiṃ pana vijahantepi atthato itarena vijahitameva hoti. Tasmā yo uyyojeti, tassevāyaṃ āpatti. Tattha sace upacārabbhantare eko pādo hoti, dukkaṭaṃ. Sīmātikkame pācittiyaṃ. Ettha ca dassanūpacārassa abbhokāse dvādasahatthappamāṇaṃ, tathā savanūpacārassa. Sace pana antarā kuṭṭadvārapākārādayo honti, tehi antaritabhāvo dassanūpacārātikkamo, tassa vasena āpatti veditabbā. Na añño koci paccayo hotīti ṭhapetvā vuttappakāramanācāraṃ aññaṃ kiñci kāraṇaṃ na hoti.
277. галисаасанам̣ ааробзд̇ийд̇и ‘‘галий’’д̇и год̇хо; д̇асса саасанам̣ ааробзд̇и; год̇хасса аан̣ам̣ ааробзд̇и; год̇хавасзна таананисаж̇ж̇аад̣̇ийсу д̣̇осам̣ д̣̇ассзд̇ваа ‘‘бассат̇а бхо имасса таанам̣, нисаж̇ж̇ам̣ аалогид̇ам̣ вилогид̇ам̣ каан̣уго вияа д̇идтад̇и, сунако вияа нисийд̣̇ад̇и, маггадо вияа ид̇о жид̇о жа вилогзд̇ий’’д̇и звам̣ аманаабаважанам̣ вад̣̇ад̇и ‘‘аббзва наама иминааби уб̣б̣аал̣хо баггамзяяаа’’д̇и. сзсам̣ уд̇д̇аанамзва.
277.Kalisāsanaṃ āropetīti ‘‘kalī’’ti kodho; tassa sāsanaṃ āropeti; kodhassa āṇaṃ āropeti; kodhavasena ṭhānanisajjādīsu dosaṃ dassetvā ‘‘passatha bho imassa ṭhānaṃ, nisajjaṃ ālokitaṃ vilokitaṃ khāṇuko viya tiṭṭhati, sunakho viya nisīdati, makkaṭo viya ito cito ca viloketī’’ti evaṃ amanāpavacanaṃ vadati ‘‘appeva nāma imināpi ubbāḷho pakkameyyā’’ti. Sesaṃ uttānameva.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̇ивзд̣̇ананд̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, tivedananti.
уяяож̇анасигкаабад̣̇ам̣ д̣̇уд̇ияам̣.
Uyyojanasikkhāpadaṃ dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. ажзлагаваг̇г̇о • 5. Acelakavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. уяяож̇анасигкаабад̣̇аван̣н̣анаа • 2. Uyyojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. уяяож̇анасигкаабад̣̇аван̣н̣анаа • 2. Uyyojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. уяяож̇анасигкаабад̣̇аван̣н̣анаа • 2. Uyyojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. уяяож̇анасигкаабад̣̇ам̣ • 2. Uyyojanasikkhāpadaṃ
