| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. уяяож̇анасигкаабад̣̇аван̣н̣анаа
2. Uyyojanasikkhāpadavaṇṇanā
г̇аамам̣ ваа ниг̇амам̣ ваад̇и зд̇т̇а наг̇арамби г̇аамаг̇г̇ахан̣знзва г̇ахид̇анд̇и д̣̇адтаб̣б̣ам̣. бависиссаамаад̇и зд̇т̇а г̇ахзд̇ваа ‘‘г̇анд̇ваа’’д̇и баатасзсо, асаманнаахааро ваа д̇ассаа ид̇т̇ияаа д̇асмим̣ г̇аамз саннихид̇абхаавам̣ аж̇аананд̇о ваа ‘‘зхаавусо, г̇аамам̣ ваа ниг̇амам̣ ваа бин̣д̣ааяа бависиссаамаа’’д̇и бхигкум̣ г̇ахзд̇ваа г̇анд̇ваад̇и ад̇т̇о. яам̣ гин̃жи аамисанд̇и яааг̇уаад̣̇игам̣ яам̣ гин̃жи аамисам̣. уяяож̇зяяаад̇и ад̇д̇ано гийл̣аануруубам̣ ид̇т̇им̣ д̣̇исваа уяяож̇зяяа бахин̣зяяа. д̇знааха ‘‘маад̇уг̇аамзна сад̣̇д̇хи’’нд̇иаад̣̇и. аад̣̇исад̣̇д̣̇зна вуд̇д̇аавасзсам̣ гааяаважийд̣̇вааравийд̇иггамам̣ сан̇г̇ан̣хаад̇и. ‘‘г̇ажчаа’’д̇иаад̣̇ийни вад̇ваад̇и ‘‘г̇ажчаавусо, на мз д̇аяаа сад̣̇д̇хим̣ гат̇аа ваа нисаж̇ж̇аа ваа паасу ход̇и, згагасса мз гат̇аа ваа нисаж̇ж̇аа ваа паасу ход̇ий’’д̇и (баажи. 275) вад̇ваа. зд̇ам̣ анаажаарамзваад̇и зд̇ам̣ яат̇аавуд̇д̇ам̣ хасанаад̣̇ианаажаарамзва. на ан̃н̃ам̣ бад̇ируубам̣ гааран̣анд̇и табзд̇ваа вуд̇д̇аббагаарам̣ анаажаарам̣ убхиннам̣ згад̇о на яаабанаад̣̇им̣ ан̃н̃ам̣ бад̇ируубагааран̣ам̣ бажжаяам̣ гарид̇ваа на ход̇ийд̇и ад̇т̇о. ассаад̇и уяяож̇агасса. сод̇и яо уяяож̇ид̇о, со.
Gāmaṃ vā nigamaṃ vāti ettha nagarampi gāmaggahaṇeneva gahitanti daṭṭhabbaṃ. Pavisissāmāti ettha gahetvā ‘‘gantvā’’ti pāṭhaseso, asamannāhāro vā tassā itthiyā tasmiṃ gāme sannihitabhāvaṃ ajānanto vā ‘‘ehāvuso, gāmaṃ vā nigamaṃ vā piṇḍāya pavisissāmā’’ti bhikkhuṃ gahetvā gantvāti attho. Yaṃ kiñci āmisanti yāguādikaṃ yaṃ kiñci āmisaṃ. Uyyojeyyāti attano kīḷānurūpaṃ itthiṃ disvā uyyojeyya pahiṇeyya. Tenāha ‘‘mātugāmena saddhi’’ntiādi. Ādisaddena vuttāvasesaṃ kāyavacīdvāravītikkamaṃ saṅgaṇhāti. ‘‘Gacchā’’tiādīni vatvāti ‘‘gacchāvuso, na me tayā saddhiṃ kathā vā nisajjā vā phāsu hoti, ekakassa me kathā vā nisajjā vā phāsu hotī’’ti (pāci. 275) vatvā. Etaṃ anācāramevāti etaṃ yathāvuttaṃ hasanādianācārameva. Na aññaṃ patirūpaṃ kāraṇanti ṭhapetvā vuttappakāraṃ anācāraṃ ubhinnaṃ ekato na yāpanādiṃ aññaṃ patirūpakāraṇaṃ paccayaṃ karitvā na hotīti attho. Assāti uyyojakassa. Soti yo uyyojito, so.
анубасамбаннзд̇и сааман̣зрз. сова ид̇ха анубасамбаннод̇и ад̇хиббзд̇од̇и вад̣̇анд̇и. убхиннамбийд̇и убасамбаннасса ваа анубасамбаннасса ваад̇и д̣̇виннамби. галисаасанааробанзд̇и (баажи. адта. 277) галийд̇и год̇хо, д̇асса саасанам̣ аан̣ам̣ галисаасанам̣ , д̇ассааробанзд̇и ад̇т̇о, ‘‘аббзва наама иминааби уб̣б̣аал̣хо баггамзяяаа’’д̇и год̇хавасзна таананисаж̇ж̇аад̣̇ийсу д̣̇осам̣ д̣̇ассзд̇ваа ‘‘бассат̇а бхо имасса таанам̣ нисаж̇ж̇ам̣ аалогид̇ам̣ вилогид̇ам̣, каан̣у вияа д̇идтад̇и, сунако вияа нисийд̣̇ад̇и, маггадо вияа ид̇о жид̇о жа вилогзд̇ий’’д̇и звам̣ аманаабаважанасса бхан̣анзд̇и вуд̇д̇ам̣ ход̇и. суд̣̇д̇хажид̇д̇зна банзвам̣ бхан̣анз д̣̇осо над̇т̇и. звамаад̣̇ийхийд̇и зд̇т̇а аад̣̇исад̣̇д̣̇зна ‘‘махаг̇гхам̣ бхан̣д̣ам̣ бассид̇ваа лобхад̇хаммам̣ уббаад̣̇зссад̇ий’’д̇и уяяож̇зд̇и, ‘‘маад̇уг̇аамам̣ бассид̇ваа анабхирад̇им̣ уббаад̣̇зссад̇ий’’д̇и уяяож̇зд̇и, ‘‘г̇илаанасса ваа охияяагасса ваа вихаарабааласса ваа яааг̇ум̣ ваа бхад̇д̇ам̣ ваа каад̣̇анийяам̣ ваа нийхараа’’д̇и уяяож̇зд̇и, ‘‘на анаажаарам̣ аажарид̇угаамо сад̇и гаран̣ийяз уяяож̇зд̇ий’’д̇и (баажи. 278) зд̇зсам̣ г̇ахан̣ам̣.
Anupasampanneti sāmaṇere. Sova idha anupasampannoti adhippetoti vadanti. Ubhinnampīti upasampannassa vā anupasampannassa vāti dvinnampi. Kalisāsanāropaneti (pāci. aṭṭha. 277) kalīti kodho, tassa sāsanaṃ āṇaṃ kalisāsanaṃ, tassāropaneti attho, ‘‘appeva nāma imināpi ubbāḷho pakkameyyā’’ti kodhavasena ṭhānanisajjādīsu dosaṃ dassetvā ‘‘passatha bho imassa ṭhānaṃ nisajjaṃ ālokitaṃ vilokitaṃ, khāṇu viya tiṭṭhati, sunakho viya nisīdati, makkaṭo viya ito cito ca viloketī’’ti evaṃ amanāpavacanassa bhaṇaneti vuttaṃ hoti. Suddhacittena panevaṃ bhaṇane doso natthi. Evamādīhīti ettha ādisaddena ‘‘mahagghaṃ bhaṇḍaṃ passitvā lobhadhammaṃ uppādessatī’’ti uyyojeti, ‘‘mātugāmaṃ passitvā anabhiratiṃ uppādessatī’’ti uyyojeti, ‘‘gilānassa vā ohiyyakassa vā vihārapālassa vā yāguṃ vā bhattaṃ vā khādanīyaṃ vā nīharā’’ti uyyojeti, ‘‘na anācāraṃ ācaritukāmo sati karaṇīye uyyojetī’’ti (pāci. 278) etesaṃ gahaṇaṃ.
уяяож̇анасигкаабад̣̇аван̣н̣анаа нидтид̇аа.
Uyyojanasikkhāpadavaṇṇanā niṭṭhitā.
