| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੨. ਉਯ੍ਯੋਜਨਸਿਕ੍ਖਾਪਦવਣ੍ਣਨਾ
2. Uyyojanasikkhāpadavaṇṇanā
੨੭੪. ਦੁਤਿਯਸਿਕ੍ਖਾਪਦੇ – ਪਟਿਕ੍ਕਮਨੇਪੀਤਿ ਆਸਨਸਾਲਾਯਮ੍ਪਿ। ਭਤ੍ਤવਿਸ੍ਸਗ੍ਗਨ੍ਤਿ ਭਤ੍ਤਕਿਚ੍ਚਂ। ਨ ਸਮ੍ਭਾવੇਸੀਤਿ ਨ ਪਾਪੁਣਿ।
274. Dutiyasikkhāpade – paṭikkamanepīti āsanasālāyampi. Bhattavissagganti bhattakiccaṃ. Na sambhāvesīti na pāpuṇi.
੨੭੬. ਅਨਾਚਾਰਨ੍ਤਿ વੁਤ੍ਤਾવਸੇਸਂ ਕਾਯવਚੀਦ੍વਾਰવੀਤਿਕ੍ਕਮਂ। ਦਸ੍ਸਨੂਪਚਾਰਂ વਾ ਸવਨੂਪਚਾਰਂ વਾ વਿਜਹਨ੍ਤਸ੍ਸਾਤਿ ਏਤ੍ਥ ਯਦਿ ਠਿਤੋ વਾ ਨਿਸਿਨ੍ਨੋ વਾ ਉਯ੍ਯੋਜੇਤਿ; ਯੋ ਉਯ੍ਯੋਜਿਤੋ, ਸੋ વਿਜਹਤਿ, ਤਸ੍ਸ ਚ ਆਪਤ੍ਤਿ ਨਾਮ ਨਤ੍ਥਿ। ਤਸ੍ਮਿਂ ਪਨ વਿਜਹਨ੍ਤੇਪਿ ਅਤ੍ਥਤੋ ਇਤਰੇਨ વਿਜਹਿਤਮੇવ ਹੋਤਿ। ਤਸ੍ਮਾ ਯੋ ਉਯ੍ਯੋਜੇਤਿ, ਤਸ੍ਸੇવਾਯਂ ਆਪਤ੍ਤਿ। ਤਤ੍ਥ ਸਚੇ ਉਪਚਾਰਬ੍ਭਨ੍ਤਰੇ ਏਕੋ ਪਾਦੋ ਹੋਤਿ, ਦੁਕ੍ਕਟਂ। ਸੀਮਾਤਿਕ੍ਕਮੇ ਪਾਚਿਤ੍ਤਿਯਂ। ਏਤ੍ਥ ਚ ਦਸ੍ਸਨੂਪਚਾਰਸ੍ਸ ਅਬ੍ਭੋਕਾਸੇ ਦ੍વਾਦਸਹਤ੍ਥਪ੍ਪਮਾਣਂ, ਤਥਾ ਸવਨੂਪਚਾਰਸ੍ਸ। ਸਚੇ ਪਨ ਅਨ੍ਤਰਾ ਕੁਟ੍ਟਦ੍વਾਰਪਾਕਾਰਾਦਯੋ ਹੋਨ੍ਤਿ, ਤੇਹਿ ਅਨ੍ਤਰਿਤਭਾવੋ ਦਸ੍ਸਨੂਪਚਾਰਾਤਿਕ੍ਕਮੋ, ਤਸ੍ਸ વਸੇਨ ਆਪਤ੍ਤਿ વੇਦਿਤਬ੍ਬਾ। ਨ ਅਞ੍ਞੋ ਕੋਚਿ ਪਚ੍ਚਯੋ ਹੋਤੀਤਿ ਠਪੇਤ੍વਾ વੁਤ੍ਤਪ੍ਪਕਾਰਮਨਾਚਾਰਂ ਅਞ੍ਞਂ ਕਿਞ੍ਚਿ ਕਾਰਣਂ ਨ ਹੋਤਿ।
276.Anācāranti vuttāvasesaṃ kāyavacīdvāravītikkamaṃ. Dassanūpacāraṃ vā savanūpacāraṃ vāvijahantassāti ettha yadi ṭhito vā nisinno vā uyyojeti; yo uyyojito, so vijahati, tassa ca āpatti nāma natthi. Tasmiṃ pana vijahantepi atthato itarena vijahitameva hoti. Tasmā yo uyyojeti, tassevāyaṃ āpatti. Tattha sace upacārabbhantare eko pādo hoti, dukkaṭaṃ. Sīmātikkame pācittiyaṃ. Ettha ca dassanūpacārassa abbhokāse dvādasahatthappamāṇaṃ, tathā savanūpacārassa. Sace pana antarā kuṭṭadvārapākārādayo honti, tehi antaritabhāvo dassanūpacārātikkamo, tassa vasena āpatti veditabbā. Na añño koci paccayo hotīti ṭhapetvā vuttappakāramanācāraṃ aññaṃ kiñci kāraṇaṃ na hoti.
੨੭੭. ਕਲਿਸਾਸਨਂ ਆਰੋਪੇਤੀਤਿ ‘‘ਕਲੀ’’ਤਿ ਕੋਧੋ; ਤਸ੍ਸ ਸਾਸਨਂ ਆਰੋਪੇਤਿ; ਕੋਧਸ੍ਸ ਆਣਂ ਆਰੋਪੇਤਿ; ਕੋਧવਸੇਨ ਠਾਨਨਿਸਜ੍ਜਾਦੀਸੁ ਦੋਸਂ ਦਸ੍ਸੇਤ੍વਾ ‘‘ਪਸ੍ਸਥ ਭੋ ਇਮਸ੍ਸ ਠਾਨਂ, ਨਿਸਜ੍ਜਂ ਆਲੋਕਿਤਂ વਿਲੋਕਿਤਂ ਖਾਣੁਕੋ વਿਯ ਤਿਟ੍ਠਤਿ, ਸੁਨਖੋ વਿਯ ਨਿਸੀਦਤਿ, ਮਕ੍ਕਟੋ વਿਯ ਇਤੋ ਚਿਤੋ ਚ વਿਲੋਕੇਤੀ’’ਤਿ ਏવਂ ਅਮਨਾਪવਚਨਂ વਦਤਿ ‘‘ਅਪ੍ਪੇવ ਨਾਮ ਇਮਿਨਾਪਿ ਉਬ੍ਬਾਲ਼੍ਹੋ ਪਕ੍ਕਮੇਯ੍ਯਾ’’ਤਿ। ਸੇਸਂ ਉਤ੍ਤਾਨਮੇવ।
277.Kalisāsanaṃ āropetīti ‘‘kalī’’ti kodho; tassa sāsanaṃ āropeti; kodhassa āṇaṃ āropeti; kodhavasena ṭhānanisajjādīsu dosaṃ dassetvā ‘‘passatha bho imassa ṭhānaṃ, nisajjaṃ ālokitaṃ vilokitaṃ khāṇuko viya tiṭṭhati, sunakho viya nisīdati, makkaṭo viya ito cito ca viloketī’’ti evaṃ amanāpavacanaṃ vadati ‘‘appeva nāma imināpi ubbāḷho pakkameyyā’’ti. Sesaṃ uttānameva.
ਤਿਸਮੁਟ੍ਠਾਨਂ – ਕਾਯਚਿਤ੍ਤਤੋ વਾਚਾਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਤਿવੇਦਨਨ੍ਤਿ।
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, tivedananti.
ਉਯ੍ਯੋਜਨਸਿਕ੍ਖਾਪਦਂ ਦੁਤਿਯਂ।
Uyyojanasikkhāpadaṃ dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਉਯ੍ਯੋਜਨਸਿਕ੍ਖਾਪਦવਣ੍ਣਨਾ • 2. Uyyojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਉਯ੍ਯੋਜਨਸਿਕ੍ਖਾਪਦવਣ੍ਣਨਾ • 2. Uyyojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਉਯ੍ਯੋਜਨਸਿਕ੍ਖਾਪਦવਣ੍ਣਨਾ • 2. Uyyojanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਉਯ੍ਯੋਜਨਸਿਕ੍ਖਾਪਦਂ • 2. Uyyojanasikkhāpadaṃ
