| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
8. уяяуд̇д̇асзнаасигкаабад̣̇аван̣н̣анаа
8. Uyyuttasenāsikkhāpadavaṇṇanā
311. адтамз – аб̣бхуяяаад̇од̇и абхиуяяаад̇о; барасзнам̣ абхимуко г̇амиссаамийд̇и наг̇арад̇о ниг̇г̇ад̇од̇и ад̇т̇о. уяяуд̇д̇анд̇и гад̇ауяяог̇ам̣; г̇аамад̇о нигканд̇анд̇и ад̇т̇о.
311. Aṭṭhame – abbhuyyātoti abhiuyyāto; parasenaṃ abhimukho gamissāmīti nagarato niggatoti attho. Uyyuttanti katauyyogaṃ; gāmato nikkhantanti attho.
314. д̣̇ваад̣̇асабурисо хад̇т̇ийд̇и жад̇д̇ааро аарохагаа згзгабаад̣̇арагкагаа д̣̇вз д̣̇взд̇и звам̣ д̣̇ваад̣̇асабурисо ход̇и. д̇ибурисо ассод̇и зго аарохаго д̣̇вз баад̣̇арагкагаад̇и звам̣ д̇ибурисо ход̇и. жад̇убурисо рат̇од̇и зго саарат̇и зго яод̇хо д̣̇вз аан̣ирагкагаад̇и звам̣ жад̇убурисо ход̇и. жад̇д̇ааро бурисаа сарахад̇т̇аад̇и аавуд̇хахад̇т̇аа жад̇д̇ааро бурисаад̇и аяам̣ бажчимагодияаа жад̇уран̇г̇асаманнааг̇ад̇аа сзнаа наама. ийд̣̇исам̣ сзнам̣ д̣̇ассанааяа г̇ажчад̇о бад̣̇з бад̣̇з д̣̇уггадам̣. д̣̇ассануубажаарам̣ виж̇ахид̇ваад̇и гзнажи анд̇арид̇аа ваа ниннам̣ орул̣хаа ваа на д̣̇иссад̇и; ид̇ха тад̇ваа на саггаа д̣̇адтунд̇и ан̃н̃ам̣ таанам̣ г̇анд̇ваа бассад̇о баяог̇з баяог̇з баажид̇д̇ияанд̇и ад̇т̇о.
314.Dvādasapuriso hatthīti cattāro ārohakā ekekapādarakkhakā dve dveti evaṃ dvādasapuriso hoti. Tipuriso assoti eko ārohako dve pādarakkhakāti evaṃ tipuriso hoti. Catupuriso rathoti eko sārathi eko yodho dve āṇirakkhakāti evaṃ catupuriso hoti. Cattāro purisā sarahatthāti āvudhahatthā cattāro purisāti ayaṃ pacchimakoṭiyā caturaṅgasamannāgatā senā nāma. Īdisaṃ senaṃ dassanāya gacchato pade pade dukkaṭaṃ. Dassanūpacāraṃ vijahitvāti kenaci antaritā vā ninnaṃ oruḷhā vā na dissati; idha ṭhatvā na sakkā daṭṭhunti aññaṃ ṭhānaṃ gantvā passato payoge payoge pācittiyanti attho.
315. згамзганд̇и хад̇т̇иаад̣̇ийсу жад̇уусу ан̇г̇зсу згамзгам̣; анд̇амасо згабурисаарул̣хагахад̇т̇имби згамби сарахад̇т̇ам̣ бурисам̣. ануяяуд̇д̇аа наама рааж̇аа уяяаанам̣ ваа над̣̇им̣ ваа г̇ажчад̇и; звам̣ ануяяуд̇д̇аа ход̇и.
315.Ekamekanti hatthiādīsu catūsu aṅgesu ekamekaṃ; antamaso ekapurisāruḷhakahatthimpi ekampi sarahatthaṃ purisaṃ. Anuyyuttā nāma rājā uyyānaṃ vā nadiṃ vā gacchati; evaṃ anuyyuttā hoti.
316. аабад̣̇аасууд̇и ж̇ийвид̇аб̣рахмажарияанд̇арааязсу сад̇и зд̇т̇а г̇ад̇о мун̃жиссаамийд̇и г̇ажчад̇о анаабад̇д̇и. сзсамзд̇т̇а уд̇д̇аанамзва. зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̇ивзд̣̇ананд̇и.
316.Āpadāsūti jīvitabrahmacariyantarāyesu sati ettha gato muñcissāmīti gacchato anāpatti. Sesamettha uttānameva. Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, lokavajjaṃ, kāyakammaṃ, akusalacittaṃ, tivedananti.
уяяуд̇д̇асзнаасигкаабад̣̇ам̣ адтамам̣.
Uyyuttasenāsikkhāpadaṃ aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. ажзлагаваг̇г̇о • 5. Acelakavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. уяяуд̇д̇асзнаасигкаабад̣̇аван̣н̣анаа • 8. Uyyuttasenāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. уяяуд̇д̇асзнаасигкаабад̣̇аван̣н̣анаа • 8. Uyyuttasenāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. уяяуд̇д̇асзнаасигкаабад̣̇аван̣н̣анаа • 8. Uyyuttasenāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. уяяуд̇д̇асзнаасигкаабад̣̇ам̣ • 8. Uyyuttasenāsikkhāpadaṃ
