| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
8. уяяуд̇д̇асзнаасигкаабад̣̇аван̣н̣анаа
8. Uyyuttasenāsikkhāpadavaṇṇanā
жад̇уран̇г̇ининд̇и хад̇т̇иассарат̇абад̇д̇ийд̇и жад̇д̇аари ан̇г̇аани зд̇иссаад̇и жад̇уран̇г̇иний, д̇ам̣ жад̇уран̇г̇иним̣. ‘‘д̣̇ваад̣̇асабурисо хад̇т̇ий, д̇ибурисо ассо, жад̇убурисо рат̇о, жад̇д̇ааро бурисаа сарахад̇т̇аа бад̇д̇ий’’д̇и (баажи. 314) аяам̣ бажчимагодияаа жад̇уран̇г̇асаманнааг̇ад̇аа сзнаа наама, ийд̣̇исам̣ сзнанд̇и ад̇т̇о. д̇ам̣ бана виж̇ахид̇ваад̇и гзнажи анд̇арид̇аа ваа ниннам̣ орул̣хаа ваа на д̣̇иссад̇и, ид̇ха тад̇ваана саггаа д̣̇адтунд̇и д̇ам̣ д̣̇ассануубажаарам̣ виж̇ахид̇ваа ан̃н̃ам̣ таанам̣ г̇анд̇ваа.
Caturaṅgininti hatthiassarathapattīti cattāri aṅgāni etissāti caturaṅginī, taṃ caturaṅginiṃ. ‘‘Dvādasapuriso hatthī, tipuriso asso, catupuriso ratho, cattāro purisā sarahatthā pattī’’ti (pāci. 314) ayaṃ pacchimakoṭiyā caturaṅgasamannāgatā senā nāma, īdisaṃ senanti attho. Taṃ pana vijahitvāti kenaci antaritā vā ninnaṃ oruḷhā vā na dissati, idha ṭhatvāna sakkā daṭṭhunti taṃ dassanūpacāraṃ vijahitvā aññaṃ ṭhānaṃ gantvā.
сзнаад̣̇ассанавад̇т̇усминд̇и сзнам̣ д̣̇ассанааяа г̇аманавад̇т̇усмим̣. аяамзва ваа баато. хад̇т̇иаад̣̇ийсу згамзганд̇и хад̇т̇иаад̣̇ийсу жад̇уусу ан̇г̇зсу згамзгам̣, анд̇амасо згабурисаарул̣хахад̇т̇имби згамби сарахад̇т̇ам̣ бурисанд̇и ад̇т̇о. ануяяуд̇д̇аа наама рааж̇аа уяяаанам̣ ваа над̣̇им̣ ваа г̇ажчад̇и, звам̣ ануяяуд̇д̇аа ход̇и. д̇ат̇ааруубаббажжаязд̇и ‘‘маад̇уло сзнааяа г̇илаано ход̇ий’’д̇иаад̣̇игз (баажи. 312) ануруубагааран̣з сад̇и. аабад̣̇аасууд̇и ж̇ийвид̇аб̣рахмажарияанд̇арааязсу ‘‘зд̇т̇а г̇ад̇о мужжиссаамий’’д̇и г̇ажчад̇о анаабад̇д̇и.
Senādassanavatthusminti senaṃ dassanāya gamanavatthusmiṃ. Ayameva vā pāṭho. Hatthiādīsu ekamekanti hatthiādīsu catūsu aṅgesu ekamekaṃ, antamaso ekapurisāruḷhahatthimpi ekampi sarahatthaṃ purisanti attho. Anuyyuttā nāma rājā uyyānaṃ vā nadiṃ vā gacchati, evaṃ anuyyuttā hoti. Tathārūpappaccayeti ‘‘mātulo senāya gilāno hotī’’tiādike (pāci. 312) anurūpakāraṇe sati. Āpadāsūti jīvitabrahmacariyantarāyesu ‘‘ettha gato muccissāmī’’ti gacchato anāpatti.
уяяуд̇д̇асзнаасигкаабад̣̇аван̣н̣анаа нидтид̇аа.
Uyyuttasenāsikkhāpadavaṇṇanā niṭṭhitā.
