| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੮. ਉਯ੍ਯੁਤ੍ਤਸੇਨਾਸਿਕ੍ਖਾਪਦવਣ੍ਣਨਾ
8. Uyyuttasenāsikkhāpadavaṇṇanā
੩੧੧. ਅਟ੍ਠਮੇ – ਅਬ੍ਭੁਯ੍ਯਾਤੋਤਿ ਅਭਿਉਯ੍ਯਾਤੋ; ਪਰਸੇਨਂ ਅਭਿਮੁਖੋ ਗਮਿਸ੍ਸਾਮੀਤਿ ਨਗਰਤੋ ਨਿਗ੍ਗਤੋਤਿ ਅਤ੍ਥੋ। ਉਯ੍ਯੁਤ੍ਤਨ੍ਤਿ ਕਤਉਯ੍ਯੋਗਂ; ਗਾਮਤੋ ਨਿਕ੍ਖਨ੍ਤਨ੍ਤਿ ਅਤ੍ਥੋ।
311. Aṭṭhame – abbhuyyātoti abhiuyyāto; parasenaṃ abhimukho gamissāmīti nagarato niggatoti attho. Uyyuttanti katauyyogaṃ; gāmato nikkhantanti attho.
੩੧੪. ਦ੍વਾਦਸਪੁਰਿਸੋ ਹਤ੍ਥੀਤਿ ਚਤ੍ਤਾਰੋ ਆਰੋਹਕਾ ਏਕੇਕਪਾਦਰਕ੍ਖਕਾ ਦ੍વੇ ਦ੍વੇਤਿ ਏવਂ ਦ੍વਾਦਸਪੁਰਿਸੋ ਹੋਤਿ। ਤਿਪੁਰਿਸੋ ਅਸ੍ਸੋਤਿ ਏਕੋ ਆਰੋਹਕੋ ਦ੍વੇ ਪਾਦਰਕ੍ਖਕਾਤਿ ਏવਂ ਤਿਪੁਰਿਸੋ ਹੋਤਿ। ਚਤੁਪੁਰਿਸੋ ਰਥੋਤਿ ਏਕੋ ਸਾਰਥਿ ਏਕੋ ਯੋਧੋ ਦ੍વੇ ਆਣਿਰਕ੍ਖਕਾਤਿ ਏવਂ ਚਤੁਪੁਰਿਸੋ ਹੋਤਿ। ਚਤ੍ਤਾਰੋ ਪੁਰਿਸਾ ਸਰਹਤ੍ਥਾਤਿ ਆવੁਧਹਤ੍ਥਾ ਚਤ੍ਤਾਰੋ ਪੁਰਿਸਾਤਿ ਅਯਂ ਪਚ੍ਛਿਮਕੋਟਿਯਾ ਚਤੁਰਙ੍ਗਸਮਨ੍ਨਾਗਤਾ ਸੇਨਾ ਨਾਮ। ਈਦਿਸਂ ਸੇਨਂ ਦਸ੍ਸਨਾਯ ਗਚ੍ਛਤੋ ਪਦੇ ਪਦੇ ਦੁਕ੍ਕਟਂ। ਦਸ੍ਸਨੂਪਚਾਰਂ વਿਜਹਿਤ੍વਾਤਿ ਕੇਨਚਿ ਅਨ੍ਤਰਿਤਾ વਾ ਨਿਨ੍ਨਂ ਓਰੁਲ਼੍ਹਾ વਾ ਨ ਦਿਸ੍ਸਤਿ; ਇਧ ਠਤ੍વਾ ਨ ਸਕ੍ਕਾ ਦਟ੍ਠੁਨ੍ਤਿ ਅਞ੍ਞਂ ਠਾਨਂ ਗਨ੍ਤ੍વਾ ਪਸ੍ਸਤੋ ਪਯੋਗੇ ਪਯੋਗੇ ਪਾਚਿਤ੍ਤਿਯਨ੍ਤਿ ਅਤ੍ਥੋ।
314.Dvādasapuriso hatthīti cattāro ārohakā ekekapādarakkhakā dve dveti evaṃ dvādasapuriso hoti. Tipuriso assoti eko ārohako dve pādarakkhakāti evaṃ tipuriso hoti. Catupuriso rathoti eko sārathi eko yodho dve āṇirakkhakāti evaṃ catupuriso hoti. Cattāro purisā sarahatthāti āvudhahatthā cattāro purisāti ayaṃ pacchimakoṭiyā caturaṅgasamannāgatā senā nāma. Īdisaṃ senaṃ dassanāya gacchato pade pade dukkaṭaṃ. Dassanūpacāraṃ vijahitvāti kenaci antaritā vā ninnaṃ oruḷhā vā na dissati; idha ṭhatvā na sakkā daṭṭhunti aññaṃ ṭhānaṃ gantvā passato payoge payoge pācittiyanti attho.
੩੧੫. ਏਕਮੇਕਨ੍ਤਿ ਹਤ੍ਥਿਆਦੀਸੁ ਚਤੂਸੁ ਅਙ੍ਗੇਸੁ ਏਕਮੇਕਂ; ਅਨ੍ਤਮਸੋ ਏਕਪੁਰਿਸਾਰੁਲ਼੍ਹਕਹਤ੍ਥਿਮ੍ਪਿ ਏਕਮ੍ਪਿ ਸਰਹਤ੍ਥਂ ਪੁਰਿਸਂ। ਅਨੁਯ੍ਯੁਤ੍ਤਾ ਨਾਮ ਰਾਜਾ ਉਯ੍ਯਾਨਂ વਾ ਨਦਿਂ વਾ ਗਚ੍ਛਤਿ; ਏવਂ ਅਨੁਯ੍ਯੁਤ੍ਤਾ ਹੋਤਿ।
315.Ekamekanti hatthiādīsu catūsu aṅgesu ekamekaṃ; antamaso ekapurisāruḷhakahatthimpi ekampi sarahatthaṃ purisaṃ. Anuyyuttā nāma rājā uyyānaṃ vā nadiṃ vā gacchati; evaṃ anuyyuttā hoti.
੩੧੬. ਆਪਦਾਸੂਤਿ ਜੀવਿਤਬ੍ਰਹ੍ਮਚਰਿਯਨ੍ਤਰਾਯੇਸੁ ਸਤਿ ਏਤ੍ਥ ਗਤੋ ਮੁਞ੍ਚਿਸ੍ਸਾਮੀਤਿ ਗਚ੍ਛਤੋ ਅਨਾਪਤ੍ਤਿ। ਸੇਸਮੇਤ੍ਥ ਉਤ੍ਤਾਨਮੇવ। ਏਲ਼ਕਲੋਮਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਤਿવੇਦਨਨ੍ਤਿ।
316.Āpadāsūti jīvitabrahmacariyantarāyesu sati ettha gato muñcissāmīti gacchato anāpatti. Sesamettha uttānameva. Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, lokavajjaṃ, kāyakammaṃ, akusalacittaṃ, tivedananti.
ਉਯ੍ਯੁਤ੍ਤਸੇਨਾਸਿਕ੍ਖਾਪਦਂ ਅਟ੍ਠਮਂ।
Uyyuttasenāsikkhāpadaṃ aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੮. ਉਯ੍ਯੁਤ੍ਤਸੇਨਾਸਿਕ੍ਖਾਪਦવਣ੍ਣਨਾ • 8. Uyyuttasenāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਉਯ੍ਯੁਤ੍ਤਸੇਨਾਸਿਕ੍ਖਾਪਦવਣ੍ਣਨਾ • 8. Uyyuttasenāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੮. ਉਯ੍ਯੁਤ੍ਤਸੇਨਾਸਿਕ੍ਖਾਪਦવਣ੍ਣਨਾ • 8. Uyyuttasenāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮. ਉਯ੍ਯੁਤ੍ਤਸੇਨਾਸਿਕ੍ਖਾਪਦਂ • 8. Uyyuttasenāsikkhāpadaṃ
