| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
10. важжагудивад̇д̇агат̇аа
10. Vaccakuṭivattakathā
373. д̇зна ко бана самаязна ан̃н̃ад̇аро бхигку б̣раахман̣аж̇аад̇иго важжам̣ гад̇ваа на ижчад̇и аажамзд̇ум̣ – го имам̣ васалам̣ д̣̇уг̇г̇анд̇хам̣ аамасиссад̇ийд̇и 1. д̇асса важжамаг̇г̇з гими сан̣таад̇и. ат̇а ко со бхигку бхигкуунам̣ зд̇амад̇т̇ам̣ аарожзси. ‘‘гим̣ бана д̇вам̣, аавусо, важжам̣ гад̇ваа на аажамзсий’’д̇и? ‘‘звамаавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку важжам̣ гад̇ваа на аажамзссад̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, бхигку, важжам̣ гад̇ваа на аажамзсий’’д̇и? ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, важжам̣ гад̇ваа сад̇и уд̣̇агз наажамзд̇аб̣б̣ам̣. яо наажамзяяа, аабад̇д̇и д̣̇уггадассаа’’д̇и.
373. Tena kho pana samayena aññataro bhikkhu brāhmaṇajātiko vaccaṃ katvā na icchati ācametuṃ – ko imaṃ vasalaṃ duggandhaṃ āmasissatīti 2. Tassa vaccamagge kimi saṇṭhāti. Atha kho so bhikkhu bhikkhūnaṃ etamatthaṃ ārocesi. ‘‘Kiṃ pana tvaṃ, āvuso, vaccaṃ katvā na ācamesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu vaccaṃ katvā na ācamessatī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira tvaṃ, bhikkhu, vaccaṃ katvā na ācamesī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, vaccaṃ katvā sati udake nācametabbaṃ. Yo nācameyya, āpatti dukkaṭassā’’ti.
д̇зна ко бана самаязна бхигкуу важжагудияаа яат̇аавуд̣дхам̣ важжам̣ гаронд̇и. навагаа бхигкуу батамад̇арам̣ ааг̇анд̇ваа важжид̇аа ааг̇амзнд̇и. д̇з важжам̣ санд̇хаарзнд̇аа мужчид̇аа бабад̇анд̇и. бхаг̇авад̇о зд̇амад̇т̇ам̣ аарожзсум̣…бз… сажжам̣ гира бхигкавз…бз… сажжам̣ бхаг̇аваад̇и…бз… ‘‘на, бхигкавз, важжагудияаа яат̇аавуд̣дхам̣ важжо гаад̇аб̣б̣о. яо гарзяяа, аабад̇д̇и д̣̇уггадасса. ануж̇аанаами, бхигкавз, ааг̇ад̇абадибаадияаа важжам̣ гаад̇у’’нд̇и.
Tena kho pana samayena bhikkhū vaccakuṭiyā yathāvuḍḍhaṃ vaccaṃ karonti. Navakā bhikkhū paṭhamataraṃ āgantvā vaccitā āgamenti. Te vaccaṃ sandhārentā mucchitā papatanti. Bhagavato etamatthaṃ ārocesuṃ…pe… saccaṃ kira bhikkhave…pe… saccaṃ bhagavāti…pe… ‘‘na, bhikkhave, vaccakuṭiyā yathāvuḍḍhaṃ vacco kātabbo. Yo kareyya, āpatti dukkaṭassa. Anujānāmi, bhikkhave, āgatapaṭipāṭiyā vaccaṃ kātu’’nti.
д̇зна ко бана самаязна чаб̣б̣аг̇г̇ияаа бхигкуу ад̇исахасааби важжагудим̣ бависанд̇и, уб̣бхаж̇ид̇вааби 3 бависанд̇и, нид̇т̇унанд̇ааби важжам̣ гаронд̇и , д̣̇анд̇агадтам̣ каад̣̇анд̇ааби важжам̣ гаронд̇и, б̣ахид̣̇д̇хааби важжад̣̇он̣игааяа важжам̣ гаронд̇и, б̣ахид̣̇д̇хааби бассаавад̣̇он̣игааяа бассаавам̣ гаронд̇и, бассаавад̣̇он̣игааяаби кзл̣ам̣ гаронд̇и, парусзнаби гадтзна авалзканд̇и, авалзканагадтамби важжагуубамхи баад̇знд̇и, ад̇исахасааби нигкаманд̇и, уб̣бхаж̇ид̇вааби нигкаманд̇и, жабужабугаарагамби аажамзнд̇и, аажаманасараавагзби уд̣̇агам̣ сзсзнд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ад̇исахасааби важжагудим̣ бависиссанд̇и, уб̣бхаж̇ид̇вааби бависиссанд̇и, нид̇т̇унанд̇ааби важжам̣ гариссанд̇и, д̣̇анд̇агадтам̣ каад̣̇анд̇ааби важжам̣ гариссанд̇и, б̣ахид̣̇д̇хааби важжад̣̇он̣игааяа важжам̣ гариссанд̇и, б̣ахид̣̇д̇хааби бассаавад̣̇он̣игааяа бассаавам̣ гариссанд̇и, бассаавад̣̇он̣игааяаби кзл̣ам̣ гариссанд̇и, парусзнаби гадтзна авалзкиссанд̇и, авалзканагадтамби важжагуубамхи баад̇зссанд̇и, ад̇исахасааби нигкамиссанд̇и, уб̣бхаж̇ид̇вааби нигкамиссанд̇и, жабужабугаарагамби аажамзссанд̇и, аажаманасараавагзби уд̣̇агам̣ сзсзссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз…бз… сажжам̣ бхаг̇аваад̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
Tena kho pana samayena chabbaggiyā bhikkhū atisahasāpi vaccakuṭiṃ pavisanti, ubbhajitvāpi 4 pavisanti, nitthunantāpi vaccaṃ karonti , dantakaṭṭhaṃ khādantāpi vaccaṃ karonti, bahiddhāpi vaccadoṇikāya vaccaṃ karonti, bahiddhāpi passāvadoṇikāya passāvaṃ karonti, passāvadoṇikāyapi kheḷaṃ karonti, pharusenapi kaṭṭhena avalekhanti, avalekhanakaṭṭhampi vaccakūpamhi pātenti, atisahasāpi nikkhamanti, ubbhajitvāpi nikkhamanti, capucapukārakampi ācamenti, ācamanasarāvakepi udakaṃ sesenti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū atisahasāpi vaccakuṭiṃ pavisissanti, ubbhajitvāpi pavisissanti, nitthunantāpi vaccaṃ karissanti, dantakaṭṭhaṃ khādantāpi vaccaṃ karissanti, bahiddhāpi vaccadoṇikāya vaccaṃ karissanti, bahiddhāpi passāvadoṇikāya passāvaṃ karissanti, passāvadoṇikāyapi kheḷaṃ karissanti, pharusenapi kaṭṭhena avalekhissanti, avalekhanakaṭṭhampi vaccakūpamhi pātessanti, atisahasāpi nikkhamissanti, ubbhajitvāpi nikkhamissanti, capucapukārakampi ācamessanti, ācamanasarāvakepi udakaṃ sesessantī’’ti! Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi –
374. ‘‘д̇зна хи, бхигкавз, бхигкуунам̣ важжагудивад̇д̇ам̣ бан̃н̃абзссаами яат̇аа бхигкуухи важжагудияаа саммаа вад̇д̇ид̇аб̣б̣ам̣. яо важжагудим̣ г̇ажчад̇и д̇зна б̣ахи тид̇зна 5 уггаасид̇аб̣б̣ам̣. анд̇о нисиннзнаби уггаасид̇аб̣б̣ам̣. жийваравам̣сз ваа жийварараж̇ж̇уяаа ваа жийварам̣ нигкибид̇ваа саад̇хугам̣ ад̇арамаанзна важжагудий бависид̇аб̣б̣аа. наад̇исахасаа бависид̇аб̣б̣аа. на уб̣бхаж̇ид̇ваа бависид̇аб̣б̣аа. важжабаад̣̇угааяа тид̇зна уб̣бхаж̇ид̇аб̣б̣ам̣. на нид̇т̇унанд̇зна важжо гаад̇аб̣б̣о. на д̣̇анд̇агадтам̣ каад̣̇анд̇зна важжо гаад̇аб̣б̣о. на б̣ахид̣̇д̇хаа важжад̣̇он̣игааяа важжо гаад̇аб̣б̣о. на б̣ахид̣̇д̇хаа бассаавад̣̇он̣игааяа бассааво гаад̇аб̣б̣о. на бассаавад̣̇он̣игааяа кзл̣о гаад̇аб̣б̣о. на парусзна гадтзна авалзкид̇аб̣б̣ам̣. на авалзканагадтам̣ важжагуубамхи баад̇зд̇аб̣б̣ам̣. важжабаад̣̇угааяа тид̇зна бадижчаад̣̇зд̇аб̣б̣ам̣. наад̇исахасаа нигкамид̇аб̣б̣ам̣. на уб̣бхаж̇ид̇ваа нигкамид̇аб̣б̣ам̣. аажаманабаад̣̇угааяа тид̇зна уб̣бхаж̇ид̇аб̣б̣ам̣. на жабужабугаарагам̣ аажамзд̇аб̣б̣ам̣. на аажаманасараавагз уд̣̇агам̣ сзсзд̇аб̣б̣ам̣. аажаманабаад̣̇угааяа тид̇зна бадижчаад̣̇зд̇аб̣б̣ам̣.
374. ‘‘Tena hi, bhikkhave, bhikkhūnaṃ vaccakuṭivattaṃ paññapessāmi yathā bhikkhūhi vaccakuṭiyā sammā vattitabbaṃ. Yo vaccakuṭiṃ gacchati tena bahi ṭhitena 6 ukkāsitabbaṃ. Anto nisinnenapi ukkāsitabbaṃ. Cīvaravaṃse vā cīvararajjuyā vā cīvaraṃ nikkhipitvā sādhukaṃ ataramānena vaccakuṭī pavisitabbā. Nātisahasā pavisitabbā. Na ubbhajitvā pavisitabbā. Vaccapādukāya ṭhitena ubbhajitabbaṃ. Na nitthunantena vacco kātabbo. Na dantakaṭṭhaṃ khādantena vacco kātabbo. Na bahiddhā vaccadoṇikāya vacco kātabbo. Na bahiddhā passāvadoṇikāya passāvo kātabbo. Na passāvadoṇikāya kheḷo kātabbo. Na pharusena kaṭṭhena avalekhitabbaṃ. Na avalekhanakaṭṭhaṃ vaccakūpamhi pātetabbaṃ. Vaccapādukāya ṭhitena paṭicchādetabbaṃ. Nātisahasā nikkhamitabbaṃ. Na ubbhajitvā nikkhamitabbaṃ. Ācamanapādukāya ṭhitena ubbhajitabbaṃ. Na capucapukārakaṃ ācametabbaṃ. Na ācamanasarāvake udakaṃ sesetabbaṃ. Ācamanapādukāya ṭhitena paṭicchādetabbaṃ.
‘‘сажз важжагуди ухад̇аа 7 ход̇и, д̇ховид̇аб̣б̣аа. сажз авалзканабид̇харо бууро ход̇и, авалзканагадтам̣ чад̣д̣зд̇аб̣б̣ам̣. сажз важжагуди углаабаа ход̇и, важжагуди саммаж̇ж̇ид̇аб̣б̣аа. сажз барибхан̣д̣ам̣ углаабам̣ ход̇и, барибхан̣д̣ам̣ саммаж̇ж̇ид̇аб̣б̣ам̣. сажз баривзн̣ам̣ углаабам̣ ход̇и, баривзн̣ам̣ саммаж̇ж̇ид̇аб̣б̣ам̣ . сажз годтаго углаабо ход̇и, годтаго саммаж̇ж̇ид̇аб̣б̣о. сажз аажаманагумбхияаа уд̣̇агам̣ на ход̇и, аажаманагумбхияаа уд̣̇агам̣ аасин̃жид̇аб̣б̣ам̣ . ид̣̇ам̣ ко, бхигкавз, бхигкуунам̣ важжагудивад̇д̇ам̣ яат̇аа бхигкуухи важжагудияаа саммаа вад̇д̇ид̇аб̣б̣а’’нд̇и.
‘‘Sace vaccakuṭi uhatā 8 hoti, dhovitabbā. Sace avalekhanapidharo pūro hoti, avalekhanakaṭṭhaṃ chaḍḍetabbaṃ. Sace vaccakuṭi uklāpā hoti, vaccakuṭi sammajjitabbā. Sace paribhaṇḍaṃ uklāpaṃ hoti, paribhaṇḍaṃ sammajjitabbaṃ. Sace pariveṇaṃ uklāpaṃ hoti, pariveṇaṃ sammajjitabbaṃ . Sace koṭṭhako uklāpo hoti, koṭṭhako sammajjitabbo. Sace ācamanakumbhiyā udakaṃ na hoti, ācamanakumbhiyā udakaṃ āsiñcitabbaṃ . Idaṃ kho, bhikkhave, bhikkhūnaṃ vaccakuṭivattaṃ yathā bhikkhūhi vaccakuṭiyā sammā vattitabba’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ж̇анд̇аагхаравад̇д̇аад̣̇игат̇аа • Jantāgharavattādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / важжагудивад̇д̇агат̇ааван̣н̣анаа • Vaccakuṭivattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бин̣д̣ажааригавад̇д̇агат̇аад̣̇иван̣н̣анаа • Piṇḍacārikavattakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. ж̇анд̇аагхаравад̇д̇аад̣̇игат̇аа • 9. Jantāgharavattādikathā
