| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
വച്ചകുടിവത്തകഥാവണ്ണനാ
Vaccakuṭivattakathāvaṇṇanā
൩൭൩-൩൭൪. ഇദം അതിവിവടന്തി ഇദം ഠാനം ഗുമ്ബാദീഹി അപ്പടിച്ഛന്നത്താ അതിവിയ പകാസനം. നിബദ്ധഗമനത്ഥായാതി അത്തനോ നിബദ്ധഗമനത്ഥായ. പുഗ്ഗലികട്ഠാനം വാതി അത്തനോ വിഹാരം സന്ധായ വുത്തം. സേസമേത്ഥ സുവിഞ്ഞേയ്യമേവ.
373-374.Idaṃativivaṭanti idaṃ ṭhānaṃ gumbādīhi appaṭicchannattā ativiya pakāsanaṃ. Nibaddhagamanatthāyāti attano nibaddhagamanatthāya. Puggalikaṭṭhānaṃ vāti attano vihāraṃ sandhāya vuttaṃ. Sesamettha suviññeyyameva.
ഇമസ്മിം വത്തക്ഖന്ധകേ ആഗതാനി ആഗന്തുകാവാസികഗമിയാനുമോദനഭത്തഗ്ഗപിണ്ഡചാരികാരഞ്ഞിക സേനാസന ജന്താഘര വച്ചകുടി ഉപജ്ഝാചരിയ സദ്ധിവിഹാരിക അന്തേവാസികവത്താനി ചുദ്ദസ മഹാവത്താനി നാമ, ഇതോ അഞ്ഞാനി പന കദാചി തജ്ജനീയകമ്മകതാദികാലേയേവ ചരിതബ്ബാനി അസീതി ഖന്ധകവത്താനീതി വേദിതബ്ബാനി. ഗണ്ഠിപദേസു പന ‘‘ഇമാനിയേവ ചുദ്ദസ മഹാവത്താനി അഗ്ഗഹിതഗ്ഗഹണേന ഗഹിയമാനാനി അസീതി ഖന്ധകവത്താആനീ’’തി വുത്തം, തം ന ഗഹേതബ്ബം.
Imasmiṃ vattakkhandhake āgatāni āgantukāvāsikagamiyānumodanabhattaggapiṇḍacārikāraññika senāsana jantāghara vaccakuṭi upajjhācariya saddhivihārika antevāsikavattāni cuddasa mahāvattāni nāma, ito aññāni pana kadāci tajjanīyakammakatādikāleyeva caritabbāni asīti khandhakavattānīti veditabbāni. Gaṇṭhipadesu pana ‘‘imāniyeva cuddasa mahāvattāni aggahitaggahaṇena gahiyamānāni asīti khandhakavattāānī’’ti vuttaṃ, taṃ na gahetabbaṃ.
വത്തക്ഖന്ധകവണ്ണനാ നിട്ഠിതാ.
Vattakkhandhakavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi / ൧൦. വച്ചകുടിവത്തകഥാ • 10. Vaccakuṭivattakathā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / ചൂളവഗ്ഗ-അട്ഠകഥാ • Cūḷavagga-aṭṭhakathā / ജന്താഘരവത്താദികഥാ • Jantāgharavattādikathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / പിണ്ഡചാരികവത്തകഥാദിവണ്ണനാ • Piṇḍacārikavattakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൯. ജന്താഘരവത്താദികഥാ • 9. Jantāgharavattādikathā
