| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧੬. વਚ੍ਚਪਸ੍ਸਾવਟ੍ਠਾਨਿਕਨਿਦ੍ਦੇਸવਣ੍ਣਨਾ
16. Vaccapassāvaṭṭhānikaniddesavaṇṇanā
੧੫੬. વਚ੍ਚਪਸ੍ਸਾવਟ੍ਠਾਨਿਕਨ੍ਤਿ ਠਾਨਮ੍ਹਿ ਠਾਨੇ વਾ ਭવਂ વਚ੍ਚਪਸ੍ਸਾવਟ੍ਠਾਨਿਕਂ। ਯਥਾવੁਡ੍ਢਂ વਚ੍ਚਂ ਨ ਕਰੇਯ੍ਯਾਤਿ ਸਮ੍ਬਨ੍ਧੋ। ਯੇ ਯੇ વੁਡ੍ਢਾ ਯਥਾવੁਡ੍ਢਂ, ਆਗਤਪ੍ਪਟਿਪਾਟਿਂ ਹਿਤ੍વਾ વੁਡ੍ਢਪ੍ਪਟਿਪਾਟਿਯਾਤਿ ਅਤ੍ਥੋ। વਚ੍ਚਨ੍ਤਿ ਉਪਲਕ੍ਖਣਮਤ੍ਤਂ, ਪਸ੍ਸਾવਞ੍ਚ ਨਹਾਨਞ੍ਚ ਨ ਕਰੇਯ੍ਯਾਤਿ ਅਧਿਪ੍ਪਾਯੋ। ਤਦੇવ ਸਮਤ੍ਥੇਤਿ ‘‘ਯਾਤਾਨੁਪੁਬ੍ਬਿਯਾ’’ਤਿਆਦਿਨਾ। ਯਾਤਾਨੁਪੁਬ੍ਬਿਯਾਤਿ ਯਾਤਾਨਂ ਗਤਾਨਂ ਅਨੁਪੁਬ੍ਬਿ ਅਨੁਕ੍ਕਮੋ ਯਾਤਾਨੁਪੁਬ੍ਬਿ, ਤਾਯ। વਚ੍ਚ…ਪੇ॰… ਤਿਤ੍ਥਞ੍ਚਾਤਿ ਏਤਂ ਤਯਂ ਲਬ੍ਭਤੀਤਿ ਅਤ੍ਥੋ, ਭਿਕ੍ਖੁਨਾਤਿ વਿਞ੍ਞਾਯਤਿ।
156.Vaccapassāvaṭṭhānikanti ṭhānamhi ṭhāne vā bhavaṃ vaccapassāvaṭṭhānikaṃ. Yathāvuḍḍhaṃ vaccaṃ na kareyyāti sambandho. Ye ye vuḍḍhā yathāvuḍḍhaṃ, āgatappaṭipāṭiṃ hitvā vuḍḍhappaṭipāṭiyāti attho. Vaccanti upalakkhaṇamattaṃ, passāvañca nahānañca na kareyyāti adhippāyo. Tadeva samattheti ‘‘yātānupubbiyā’’tiādinā. Yātānupubbiyāti yātānaṃ gatānaṃ anupubbi anukkamo yātānupubbi, tāya. Vacca…pe… titthañcāti etaṃ tayaṃ labbhatīti attho, bhikkhunāti viññāyati.
੧੫੭. ਉਬ੍ਭਜਿਤ੍વਾ ਚ ਸਹਸਾ ਚ ਨੋ ਪવਿਸੇਯ੍ਯਾਤਿ ਸਮ੍ਬਨ੍ਧੋ। ਉਬ੍ਭਜਿਤ੍વਾਤਿ ਚੀવਰਂ ਦੂਰਤੋવ ਉਕ੍ਖਿਪਿਤ੍વਾ। ਸਹਸਾਤਿ ਸੀਘਂ। ਉਕ੍ਕਾਸਿਤ੍વਾ ਪવਿਸੇਯ੍ਯਾਤਿ ਯੋਜਨਾ।
157. Ubbhajitvā ca sahasā ca no paviseyyāti sambandho. Ubbhajitvāti cīvaraṃ dūratova ukkhipitvā. Sahasāti sīghaṃ. Ukkāsitvā paviseyyāti yojanā.
੧੫੮. વਚ੍ਚਪਸ੍ਸਾવਦੋਣੀਨਂ ਬਹੀਤਿ ਸਮ੍ਬਨ੍ਧੋ। ਉਭਯਨ੍ਤਿ વਚ੍ਚਮ੍ਪਿ ਪਸ੍ਸਾવਮ੍ਪਿ।
158. Vaccapassāvadoṇīnaṃ bahīti sambandho. Ubhayanti vaccampi passāvampi.
੧੫੯. ਕੂਪੇਤਿ વਚ੍ਚਾવਾਟੇ। ਕਟ੍ਠਨ੍ਤਿ ਅવਲੇਖਨਕਟ੍ਠਂ। ਫਰੁਸੇਨਾਤਿ ਖਰੇਨ ਅવਲੇਖਨਕਟ੍ਠੇਨ। ਉਹਤਞ੍ਚਾਪੀਤਿ ਅਤ੍ਤਨਾ વਾ ਪਰੇਨ વਾ ਉਹਤਞ੍ਚਾਪਿ વਚ੍ਚਮਕ੍ਖਿਤਞ੍ਚਾਪੀਤਿ ਅਤ੍ਥੋ। ਧੋવਯੇਤਿ ਸਤਿ ਉਦਕੇ, ਉਦਕੇ ਅਸਤਿ ਕਟ੍ਠੇਨਪਿ ਸੋਧੇਯ੍ਯ।
159.Kūpeti vaccāvāṭe. Kaṭṭhanti avalekhanakaṭṭhaṃ. Pharusenāti kharena avalekhanakaṭṭhena. Uhatañcāpīti attanā vā parena vā uhatañcāpi vaccamakkhitañcāpīti attho. Dhovayeti sati udake, udake asati kaṭṭhenapi sodheyya.
੧੬੦. ਨ ਨਿਕ੍ਖਮੇਤਿ ਨ ਨਿਕ੍ਖਮੇਯ੍ਯ। ਚਪੁ ਚਪੂਤਿ ਅਨੁਕਰਣਂ, વਿਚ੍ਛਾਯਂ ਦ੍વਿਤ੍ਤੇ ਚਪੁ ਚਪੁ ਕਤ੍વਾਤਿ ਕਿਰਿਯਾવਿਸੇਸਨਂ। ਨਾਚਮੇਯ੍ਯਾਤਿ ਨ ਧੋવੇਯ੍ਯ। ਸਤਿ ਪਨ ਉਦਕੇ ਆਚਮਿਤਬ੍ਬਂ, ਅਸਤਿ ਯੇਨ ਕੇਨਚਿ ਪੁਞ੍ਛਿਤ੍વਾ ਗਨ੍ਤਬ੍ਬਂ, ਸਬ੍ਬਸਾਧਾਰਣਟ੍ਠਾਨੇ ਚ ਆਚਮਨਕੁਮ੍ਭਿਯਾ ਉਦਕਂ ਨ ਸੇਸੇਤਬ੍ਬਂ। ਉਕ੍ਲਾਪਨ੍ਤਿ ਕਚવਰਂ। વਿਸੋਧਯੇਤਿ વਿਹਾਰਸੋਧਨੇ વਿਯ વਚ੍ਚਪਸ੍ਸਾવਕੁਟਿਯੋ, ਪਰਿવੇਣਕੋਟ੍ਠਕੇ ਚ ਸਮ੍ਮਜ੍ਜੇਯ੍ਯ। ਸਬ੍ਬਤ੍ਥੇવ ਚ ਪਨ વਤ੍ਤਭੇਦੇ ਦੁਕ੍ਕਟਂ।
160.Na nikkhameti na nikkhameyya. Capu capūti anukaraṇaṃ, vicchāyaṃ dvitte capu capu katvāti kiriyāvisesanaṃ. Nācameyyāti na dhoveyya. Sati pana udake ācamitabbaṃ, asati yena kenaci puñchitvā gantabbaṃ, sabbasādhāraṇaṭṭhāne ca ācamanakumbhiyā udakaṃ na sesetabbaṃ. Uklāpanti kacavaraṃ. Visodhayeti vihārasodhane viya vaccapassāvakuṭiyo, pariveṇakoṭṭhake ca sammajjeyya. Sabbattheva ca pana vattabhede dukkaṭaṃ.
વਚ੍ਚਪਸ੍ਸਾવਟ੍ਠਾਨਿਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Vaccapassāvaṭṭhānikaniddesavaṇṇanā niṭṭhitā.
