| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧੬. વਚ੍ਚਪ੍ਪਸ੍ਸਾવਟ੍ਠਾਨਿਕਨਿਦ੍ਦੇਸવਣ੍ਣਨਾ
16. Vaccappassāvaṭṭhānikaniddesavaṇṇanā
੧੫੬. ਯਥਾવੁਡ੍ਢਂ ਨ ਕਰੇਯ੍ਯ વਚ੍ਚਨ੍ਤਿ ਸਮ੍ਬਨ੍ਧੋ। ਯਥਾਨੁਪੁਬ੍ਬਿਯਾ ਲਬ੍ਭਤੀਤਿ ਸਮ੍ਬਨ੍ਧੋ। ਇਮੇਸੁ ਪਨ ਤੀਸੁ ਠਾਨੇਸੁ ਯੋ ਯੋ ਪਠਮਂ ਆਗਚ੍ਛਤਿ વੁਡ੍ਢੋ વਾ ਨવੋ વਾ, ਸੋ ਸੋ ਆਗਤਪਟਿਪਾਟਿਯਾ ਕਾਤੁਞ੍ਚ ਨਹਾਯਿਤੁਞ੍ਚ ਲਬ੍ਭਤੀਤਿ ਅਧਿਪ੍ਪਾਯੋ।
156. Yathāvuḍḍhaṃ na kareyya vaccanti sambandho. Yathānupubbiyā labbhatīti sambandho. Imesu pana tīsu ṭhānesu yo yo paṭhamaṃ āgacchati vuḍḍho vā navo vā, so so āgatapaṭipāṭiyā kātuñca nahāyituñca labbhatīti adhippāyo.
੧੫੭. ਉਬ੍ਭਜਿਤ੍વਾਤਿ (ਚੂਲ਼વ॰ ੩੭੩, ੩੭੪) ਨਿવਾਸਨਂ ਦੂਰਤੋવ ਉਕ੍ਖਿਪਿਤ੍વਾ ਨੋ ਪવਿਸੇਯ੍ਯ। ਸਹਸਾ ਚ ਨੋ ਪવਿਸੇਯ੍ਯਾਤਿ ਸਮ੍ਬਨ੍ਧੋ। ‘‘ਬਹਿ ਠਿਤੇਨ ਉਕ੍ਕਾਸਿਤਬ੍ਬ’’ਨ੍ਤਿ ਚ ‘‘ਸਾਧੁਕਂ ਅਤਰਮਾਨੇਨ વਚ੍ਚਕੁਟਿ ਪવਿਸਿਤਬ੍ਬਾ’’ਤਿ ਚ વੁਤ੍ਤਤ੍ਤਾ ਉਕ੍ਕਾਸਿਤ੍વਾવ ਅਤਰਮਾਨੋ ਪવਿਸੇਯ੍ਯਾਤਿ ਅਤ੍ਥੋ। ‘‘ਨ ਉਬ੍ਭਜਿਤ੍વਾ ਪવਿਸਿਤਬ੍ਬਾ, વਚ੍ਚਪਾਦੁਕਾਯ ਠਿਤੇਨ ਉਬ੍ਭਜਿਤਬ੍ਬ’’ਨ੍ਤਿ (ਚੂਲ਼વ॰ ੩੭੪) વਚਨਤੋ ‘‘ਉਬ੍ਭਜੇਯ੍ਯ ਪਾਦੁਕਾਸ੍વੇવ ਸਣ੍ਠਿਤੋ’’ਤਿ વੁਤ੍ਤਂ।
157.Ubbhajitvāti (cūḷava. 373, 374) nivāsanaṃ dūratova ukkhipitvā no paviseyya. Sahasā ca no paviseyyāti sambandho. ‘‘Bahi ṭhitena ukkāsitabba’’nti ca ‘‘sādhukaṃ ataramānena vaccakuṭi pavisitabbā’’ti ca vuttattā ukkāsitvāva ataramāno paviseyyāti attho. ‘‘Na ubbhajitvā pavisitabbā, vaccapādukāya ṭhitena ubbhajitabba’’nti (cūḷava. 374) vacanato ‘‘ubbhajeyya pādukāsveva saṇṭhito’’ti vuttaṃ.
੧੫੮. ਨ ਕਰੇਯ੍ਯ ਉਭਯਂ ਨ ਕਰੇਯ੍ਯੁਭਯਂ।
158. Na kareyya ubhayaṃ na kareyyubhayaṃ.
੧੫੯. ਕੂਪੇਤਿ (ਚੂਲ਼વ॰ ੩੭੪) વਚ੍ਚਕੂਪੇ। ਕਟ੍ਠਨ੍ਤਿ ਅવਲੇਖਨਕਟ੍ਠਂ। ਪਸ੍ਸਾવਦੋਣਿਯਾ ਖੇਲ਼ਂ ਨ ਕਾਤਬ੍ਬਨ੍ਤਿ ਅਤ੍ਥੋ। ਨਾવਲੇਖੇਯ੍ਯ ਫਰੁਸੇਨਾਤਿ ਫਾਲਿਤਕਟ੍ਠੇਨ વਾ ਖਰੇਨ વਾ ਗਣ੍ਠਿਕੇਨ વਾ ਕਣ੍ਟਕੇਨ વਾ ਸੁਸਿਰੇਨ વਾ ਪੂਤਿਨਾ વਾ ਨਾવਲੇਖਿਤਬ੍ਬਨ੍ਤਿ ਅਤ੍ਥੋ। ਉਹਤਞ੍ਚਾਪੀਤਿ ਗੂਥਮਕ੍ਖਿਤਮ੍ਪਿ ਧੋવਯੇ ਅਤ੍ਤਨਾ વਾ ਪਰੇਨ વਾ ਕਤਨ੍ਤਿ ਅਧਿਪ੍ਪਾਯੋ।
159.Kūpeti (cūḷava. 374) vaccakūpe. Kaṭṭhanti avalekhanakaṭṭhaṃ. Passāvadoṇiyā kheḷaṃ na kātabbanti attho. Nāvalekheyya pharusenāti phālitakaṭṭhena vā kharena vā gaṇṭhikena vā kaṇṭakena vā susirena vā pūtinā vā nāvalekhitabbanti attho. Uhatañcāpīti gūthamakkhitampi dhovaye attanā vā parena vā katanti adhippāyo.
੧੬੦. ਉਬ੍ਭਜਿਤ੍વਾ ਨ ਨਿਕ੍ਖਮੇਤਿ ਏਤ੍ਥ ‘‘વਚ੍ਚਪਾਦੁਕਾਯ ਠਿਤੇਨ ਪਟਿਚ੍ਛਾਦੇਤਬ੍ਬ’’ਨ੍ਤਿ (ਚੂਲ਼વ॰ ੩੭੪) ਹਿ વੁਤ੍ਤਂ, ਪੁਨ ‘‘ਆਚਮਨਪਾਦੁਕਾਯਂ ਠਿਤੇਨ ਉਬ੍ਭਜਿਤਬ੍ਬ’’ਨ੍ਤਿ (ਚੂਲ਼વ॰ ੩੭੪) ਚ વੁਤ੍ਤਂ। ‘‘ਚਪੁ ਚਪੂ’’ਤਿ ਸਦ੍ਦਂ ਕਤ੍વਾ ਨਾਚਮੇਯ੍ਯਾਤਿ ਅਤ੍ਥੋ। વਚ੍ਚਪ੍ਪਸ੍ਸਾવਟ੍ਠਾਨਿਕવਿਨਿਚ੍ਛਯੋ।
160.Ubbhajitvā na nikkhameti ettha ‘‘vaccapādukāya ṭhitena paṭicchādetabba’’nti (cūḷava. 374) hi vuttaṃ, puna ‘‘ācamanapādukāyaṃ ṭhitena ubbhajitabba’’nti (cūḷava. 374) ca vuttaṃ. ‘‘Capu capū’’ti saddaṃ katvā nācameyyāti attho. Vaccappassāvaṭṭhānikavinicchayo.
વਚ੍ਚਪ੍ਪਸ੍ਸਾવਟ੍ਠਾਨਿਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Vaccappassāvaṭṭhānikaniddesavaṇṇanā niṭṭhitā.
