| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. важчаг̇од̇д̇асуд̇д̇ам̣
7. Vacchagottasuttaṃ
58. ат̇а ко важчаг̇од̇д̇о 1 бариб̣б̣ааж̇аго язна бхаг̇аваа д̇знубасан̇гами ; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко важчаг̇од̇д̇о бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бхо г̇од̇ама, саман̣о г̇од̇амо звамааха – ‘маяхамзва д̣̇аанам̣ д̣̇аад̇аб̣б̣ам̣ , наан̃н̃зсам̣ д̣̇аанам̣ д̣̇аад̇аб̣б̣ам̣; маяхамзва саавагаанам̣ д̣̇аанам̣ д̣̇аад̇аб̣б̣ам̣, наан̃н̃зсам̣ саавагаанам̣ д̣̇аанам̣ д̣̇аад̇аб̣б̣ам̣; маяхамзва д̣̇иннам̣ махабпалам̣, наан̃н̃зсам̣ д̣̇иннам̣ махабпалам̣; маяхамзва саавагаанам̣ д̣̇иннам̣ махабпалам̣, наан̃н̃зсам̣ саавагаанам̣ д̣̇иннам̣ махабпала’нд̇и. яз д̇з, бхо г̇од̇ама, звамаахам̣су ‘саман̣о г̇од̇амо звамааха маяхамзва д̣̇аанам̣ д̣̇аад̇аб̣б̣ам̣, наан̃н̃зсам̣ д̣̇аанам̣ д̣̇аад̇аб̣б̣ам̣. маяхамзва саавагаанам̣ д̣̇аанам̣ д̣̇аад̇аб̣б̣ам̣, наан̃н̃зсам̣ саавагаанам̣ д̣̇аанам̣ д̣̇аад̇аб̣б̣ам̣. маяхамзва д̣̇иннам̣ махабпалам̣, наан̃н̃зсам̣ д̣̇иннам̣ махабпалам̣. маяхамзва саавагаанам̣ д̣̇иннам̣ махабпалам̣, наан̃н̃зсам̣ саавагаанам̣ д̣̇иннам̣ махабпала’нд̇и. гажжи д̇з бход̇о г̇од̇амасса вуд̇д̇аваад̣̇ино жа бхаванд̇ам̣ г̇од̇амам̣ абхууд̇зна аб̣бхаажигканд̇и, д̇хаммасса жаануд̇хаммам̣ б̣яаагаронд̇и, на жа гожи сахад̇хаммиго ваад̣̇аанубаад̇о 2 г̇аараяхам̣ таанам̣ ааг̇ажчад̇и? анаб̣бхагкаад̇угаамаа хи маяам̣ бхаванд̇ам̣ г̇од̇ама’’нд̇и.
58. Atha kho vacchagotto 3 paribbājako yena bhagavā tenupasaṅkami ; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vacchagotto paribbājako bhagavantaṃ etadavoca – ‘‘sutaṃ metaṃ, bho gotama, samaṇo gotamo evamāha – ‘mayhameva dānaṃ dātabbaṃ , nāññesaṃ dānaṃ dātabbaṃ; mayhameva sāvakānaṃ dānaṃ dātabbaṃ, nāññesaṃ sāvakānaṃ dānaṃ dātabbaṃ; mayhameva dinnaṃ mahapphalaṃ, nāññesaṃ dinnaṃ mahapphalaṃ; mayhameva sāvakānaṃ dinnaṃ mahapphalaṃ, nāññesaṃ sāvakānaṃ dinnaṃ mahapphala’nti. Ye te, bho gotama, evamāhaṃsu ‘samaṇo gotamo evamāha mayhameva dānaṃ dātabbaṃ, nāññesaṃ dānaṃ dātabbaṃ. Mayhameva sāvakānaṃ dānaṃ dātabbaṃ, nāññesaṃ sāvakānaṃ dānaṃ dātabbaṃ. Mayhameva dinnaṃ mahapphalaṃ, nāññesaṃ dinnaṃ mahapphalaṃ. Mayhameva sāvakānaṃ dinnaṃ mahapphalaṃ, nāññesaṃ sāvakānaṃ dinnaṃ mahapphala’nti. Kacci te bhoto gotamassa vuttavādino ca bhavantaṃ gotamaṃ abhūtena abbhācikkhanti, dhammassa cānudhammaṃ byākaronti, na ca koci sahadhammiko vādānupāto 4 gārayhaṃ ṭhānaṃ āgacchati? Anabbhakkhātukāmā hi mayaṃ bhavantaṃ gotama’’nti.
‘‘яз д̇з, важча, звамаахам̣су – ‘саман̣о г̇од̇амо звамааха – маяхамзва д̣̇аанам̣ д̣̇аад̇аб̣б̣ам̣…бз… наан̃н̃зсам̣ саавагаанам̣ д̣̇иннам̣ махабпала’нд̇и на мз д̇з вуд̇д̇аваад̣̇ино. аб̣бхаажигканд̇и жа бана мам̣ 5 асад̇аа абхууд̇зна. яо ко, важча, барам̣ д̣̇аанам̣ д̣̇ад̣̇анд̇ам̣ ваарзд̇и со д̇ин̣н̣ам̣ анд̇арааяагаро ход̇и, д̇ин̣н̣ам̣ баарибант̇иго. гад̇амзсам̣ д̇ин̣н̣ам̣? д̣̇ааяагасса бун̃н̃анд̇арааяагаро ход̇и, бадиг̇г̇аахагаанам̣ лаабханд̇арааяагаро ход̇и, буб̣б̣зва ко банасса ад̇д̇аа кад̇о жа ход̇и убахад̇о жа. яо ко, важча, барам̣ д̣̇аанам̣ д̣̇ад̣̇анд̇ам̣ ваарзд̇и со имзсам̣ д̇ин̣н̣ам̣ анд̇арааяагаро ход̇и, д̇ин̣н̣ам̣ баарибант̇иго.
‘‘Ye te, vaccha, evamāhaṃsu – ‘samaṇo gotamo evamāha – mayhameva dānaṃ dātabbaṃ…pe… nāññesaṃ sāvakānaṃ dinnaṃ mahapphala’nti na me te vuttavādino. Abbhācikkhanti ca pana maṃ 6 asatā abhūtena. Yo kho, vaccha, paraṃ dānaṃ dadantaṃ vāreti so tiṇṇaṃ antarāyakaro hoti, tiṇṇaṃ pāripanthiko. Katamesaṃ tiṇṇaṃ? Dāyakassa puññantarāyakaro hoti, paṭiggāhakānaṃ lābhantarāyakaro hoti, pubbeva kho panassa attā khato ca hoti upahato ca. Yo kho, vaccha, paraṃ dānaṃ dadantaṃ vāreti so imesaṃ tiṇṇaṃ antarāyakaro hoti, tiṇṇaṃ pāripanthiko.
‘‘ахам̣ ко бана, важча, звам̣ вад̣̇аами – яз хи д̇з жанд̣̇анигааяа ваа олиг̇аллз ваа баан̣аа, д̇ад̇раби яо т̇аалид̇хованам̣ 7 ваа сараавад̇хованам̣ ваа чад̣д̣зд̇и – яз д̇ад̇т̇а баан̣аа д̇з д̇зна яаабзнд̇ууд̇и, д̇ад̇о нид̣̇аанамбаахам̣, важча, бун̃н̃асса ааг̇амам̣ вад̣̇аами. го бана ваад̣̇о мануссабхууд̇з! аби жаахам̣, важча, сийлавад̇о д̣̇иннам̣ махабпалам̣ вад̣̇аами, но д̇ат̇аа д̣̇уссийласса, со жа ход̇и бан̃жан̇г̇авиббахийно бан̃жан̇г̇асаманнааг̇ад̇о.
‘‘Ahaṃ kho pana, vaccha, evaṃ vadāmi – ye hi te candanikāya vā oligalle vā pāṇā, tatrapi yo thālidhovanaṃ 8 vā sarāvadhovanaṃ vā chaḍḍeti – ye tattha pāṇā te tena yāpentūti, tato nidānampāhaṃ, vaccha, puññassa āgamaṃ vadāmi. Ko pana vādo manussabhūte! Api cāhaṃ, vaccha, sīlavato dinnaṃ mahapphalaṃ vadāmi, no tathā dussīlassa, so ca hoti pañcaṅgavippahīno pañcaṅgasamannāgato.
‘‘гад̇амаани бан̃жан̇г̇аани бахийнаани хонд̇и? гаамажчанд̣̇о бахийно ход̇и, б̣яаабаад̣̇о бахийно ход̇и , т̇инамид̣̇д̇хам̣ бахийнам̣ ход̇и, уд̣̇д̇хажжагуггужжам̣ бахийнам̣ ход̇и, вижигижчаа бахийнаа ход̇и. имаани бан̃жан̇г̇аани виббахийнаани хонд̇и.
‘‘Katamāni pañcaṅgāni pahīnāni honti? Kāmacchando pahīno hoti, byāpādo pahīno hoti , thinamiddhaṃ pahīnaṃ hoti, uddhaccakukkuccaṃ pahīnaṃ hoti, vicikicchā pahīnā hoti. Imāni pañcaṅgāni vippahīnāni honti.
‘‘гад̇амзхи бан̃жахи ан̇г̇зхи саманнааг̇ад̇о ход̇и? асзгкзна сийлагканд̇хзна саманнааг̇ад̇о ход̇и, асзгкзна самаад̇хигканд̇хзна саманнааг̇ад̇о ход̇и, асзгкзна бан̃н̃аагканд̇хзна саманнааг̇ад̇о ход̇и, асзгкзна вимуд̇д̇игканд̇хзна саманнааг̇ад̇о ход̇и, асзгкзна вимуд̇д̇ин̃аан̣ад̣̇ассанагканд̇хзна саманнааг̇ад̇о ход̇и; имзхи бан̃жахи ан̇г̇зхи саманнааг̇ад̇о ход̇и. ид̇и бан̃жан̇г̇авиббахийнз бан̃жан̇г̇асаманнааг̇ад̇з д̣̇иннам̣ махабпаланд̇и вад̣̇аамий’’д̇и.
‘‘Katamehi pañcahi aṅgehi samannāgato hoti? Asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññākkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti; imehi pañcahi aṅgehi samannāgato hoti. Iti pañcaṅgavippahīne pañcaṅgasamannāgate dinnaṃ mahapphalanti vadāmī’’ti.
‘‘ид̇и ган̣хаасу сзд̇аасу, рохин̣ийсу харийсу ваа;
‘‘Iti kaṇhāsu setāsu, rohiṇīsu harīsu vā;
гаммаасаасу саруубаасу, г̇осу баарзвад̇аасу ваа.
Kammāsāsu sarūpāsu, gosu pārevatāsu vā.
‘‘яаасу гаасужи зд̇аасу, д̣̇анд̇о ж̇ааяад̇и бун̇г̇аво;
‘‘Yāsu kāsuci etāsu, danto jāyati puṅgavo;
д̇хораяхо б̣аласамбанно, галяаан̣аж̇аваниггамо;
Dhorayho balasampanno, kalyāṇajavanikkamo;
д̇амзва бхаарз яун̃ж̇анд̇и, наасса ван̣н̣ам̣ баригкарз.
Tameva bhāre yuñjanti, nāssa vaṇṇaṃ parikkhare.
‘‘звамзвам̣ мануссзсу, яасмим̣ гасмин̃жи ж̇аад̇ияз;
‘‘Evamevaṃ manussesu, yasmiṃ kasmiñci jātiye;
кад̇д̇ияз б̣раахман̣з взссз, суд̣̇д̣̇з жан̣д̣аалабуггусз.
Khattiye brāhmaṇe vesse, sudde caṇḍālapukkuse.
‘‘яаасу гаасужи зд̇аасу, д̣̇анд̇о ж̇ааяад̇и суб̣б̣ад̇о;
‘‘Yāsu kāsuci etāsu, danto jāyati subbato;
д̇хаммадто сийласамбанно, сажжаваад̣̇ий хириймано.
Dhammaṭṭho sīlasampanno, saccavādī hirīmano.
‘‘бахийнаж̇аад̇имаран̣о, б̣рахмажарияасса гзвалий;
‘‘Pahīnajātimaraṇo, brahmacariyassa kevalī;
баннабхааро висам̣яуд̇д̇о, гад̇агижжо анаасаво.
Pannabhāro visaṃyutto, katakicco anāsavo.
‘‘баараг̇уу саб̣б̣ад̇хаммаанам̣, анубаад̣̇ааяа ниб̣б̣уд̇о;
‘‘Pāragū sabbadhammānaṃ, anupādāya nibbuto;
д̇асмим̣язва 9 вираж̇з кзд̇д̇з, вибулаа ход̇и д̣̇агкин̣аа.
Tasmiṃyeva 10 viraje khette, vipulā hoti dakkhiṇā.
‘‘б̣аалаа жа авиж̇аананд̇аа, д̣̇уммзд̇хаа ассуд̇аавино;
‘‘Bālā ca avijānantā, dummedhā assutāvino;
б̣ахид̣̇д̇хаа д̣̇знд̇и д̣̇аанаани, на хи санд̇з убаасарз.
Bahiddhā denti dānāni, na hi sante upāsare.
‘‘яз жа санд̇з убаасанд̇и, саббан̃н̃з д̇хийрасаммад̇з;
‘‘Ye ca sante upāsanti, sappaññe dhīrasammate;
сад̣̇д̇хаа жа нзсам̣ суг̇ад̇з, муулаж̇аад̇аа бад̇идтид̇аа.
Saddhā ca nesaṃ sugate, mūlajātā patiṭṭhitā.
‘‘д̣̇звалоган̃жа д̇з яанд̇и, гулз ваа ид̇ха ж̇ааяарз;
‘‘Devalokañca te yanti, kule vā idha jāyare;
анубуб̣б̣зна ниб̣б̣аанам̣, ад̇хиг̇ажчанд̇и бан̣д̣ид̇аа’’д̇и. сад̇д̇амам̣;
Anupubbena nibbānaṃ, adhigacchanti paṇḍitā’’ti. sattamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. важчаг̇од̇д̇асуд̇д̇аван̣н̣анаа • 7. Vacchagottasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. важчаг̇од̇д̇асуд̇д̇аван̣н̣анаа • 7. Vacchagottasuttavaṇṇanā
