| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
7. வச்ச²கொ³த்தஸுத்தவண்ணனா
7. Vacchagottasuttavaṇṇanā
58. ஸத்தமே மஹாவிபாகந்தி உளாரப²லங் ப³ஹுவிபாகங். த⁴ம்மோ நாம கதி²தகதா² ‘‘அத்த²ங் த³ஹதி வித³ஹதீ’’தி கத்வா. அனுத⁴ம்மோ நாம படிகத²னங் ‘‘தங் அனுக³தோ த⁴ம்மோ’’தி கத்வா. ஸஹ த⁴ம்மேனாதி ஸஹத⁴ம்மோ, ஸோ ஏவ ஸஹத⁴ம்மிகோ. த⁴ம்மஸத்³தோ³ செத்த² காரணபரியாயோதி ஆஹ ‘‘ஸகாரணோ’’தி. வாத³ஸ்ஸாதி வசனஸ்ஸ. அனுபாதோ அனுபச்சா² பவத்தி.
58. Sattame mahāvipākanti uḷāraphalaṃ bahuvipākaṃ. Dhammo nāma kathitakathā ‘‘atthaṃ dahati vidahatī’’ti katvā. Anudhammo nāma paṭikathanaṃ ‘‘taṃ anugato dhammo’’ti katvā. Saha dhammenāti sahadhammo, so eva sahadhammiko. Dhammasaddo cettha kāraṇapariyāyoti āha ‘‘sakāraṇo’’ti. Vādassāti vacanassa. Anupāto anupacchā pavatti.
பரிபந்தே² திட்ட²தீதி பாரிபந்தி²கோ. பந்தே² ட²த்வா பரேஸங் ஸாபதெய்யங் சி²ந்த³னதோ பந்த²தூ³ஹனசோரோ. யதி³ பச்சவெக்க²ணஞாணங், கத²ங் தங் அஸெக்க²ந்தி ஆஹ ‘‘அஸெக்க²ஸ்ஸ பவத்தத்தா’’தி. இதரானீதி ஸீலக்க²ந்தா⁴தீ³னி. ஸயம்பீதி பி-ஸத்³தோ³ ‘‘அஸெக்க²ஸ்ஸ பவத்தா சா’’தி இமமத்த²ங் ஸம்பிண்டே³தி.
Paripanthe tiṭṭhatīti pāripanthiko. Panthe ṭhatvā paresaṃ sāpateyyaṃ chindanato panthadūhanacoro. Yadi paccavekkhaṇañāṇaṃ, kathaṃ taṃ asekkhanti āha ‘‘asekkhassa pavattattā’’ti. Itarānīti sīlakkhandhādīni. Sayampīti pi-saddo ‘‘asekkhassa pavattā cā’’ti imamatthaṃ sampiṇḍeti.
நிப்³பி³ஸேவனோதி விஸேவனரஹிதோ விக³தவிலோமபா⁴வோ. ந உபபரிக்க²ந்தீதி ந விசாரெந்தி. ஜாதிங் நிப்³ப³த்திங் யாதி உபக³ச்ச²தீதி ஜாதியோ, ஜாதோதி அத்தோ². தேனாஹ ‘‘யத்த² கத்த²சி குலஜாதே’’தி.
Nibbisevanoti visevanarahito vigatavilomabhāvo. Na upaparikkhantīti na vicārenti. Jātiṃ nibbattiṃ yāti upagacchatīti jātiyo, jātoti attho. Tenāha ‘‘yattha katthaci kulajāte’’ti.
கேவலீதி கேவலவா, பாரிபூரிமாதி அத்தோ². தேனாஹ ‘‘பரிபுண்ணபா⁴வேன யுத்தோ’’தி. ஏதங் கேவலீதி பத³ங். அபி⁴ஞ்ஞாபாரந்தி அபி⁴ஜானஸ்ஸ பாரங். பரியந்தங் க³தத்தா பாரகூ³. ஏஸ நயோ ஸேஸபதே³ஸுபி. கெ²த்தவினிச்ச²யஸவனேனாதி ‘‘இமேஹி ஸீலாதி³கு³ணஸம்பன்னா ஸதே³வகே லோகே புஞ்ஞஸ்ஸ கெ²த்தங், தத³ஞ்ஞோ ந கெ²த்த’’ந்தி ஏவங் கெ²த்தவினிச்ச²யஸவனேன ரஹிதா.
Kevalīti kevalavā, pāripūrimāti attho. Tenāha ‘‘paripuṇṇabhāvena yutto’’ti. Etaṃ kevalīti padaṃ. Abhiññāpāranti abhijānassa pāraṃ. Pariyantaṃ gatattā pāragū. Esa nayo sesapadesupi. Khettavinicchayasavanenāti ‘‘imehi sīlādiguṇasampannā sadevake loke puññassa khettaṃ, tadañño na khetta’’nti evaṃ khettavinicchayasavanena rahitā.
வச்ச²கொ³த்தஸுத்தவண்ணனா நிட்டி²தா.
Vacchagottasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. வச்ச²கொ³த்தஸுத்தங் • 7. Vacchagottasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. வச்ச²கொ³த்தஸுத்தவண்ணனா • 7. Vacchagottasuttavaṇṇanā
